UNİCEF təşkilatı həyəcan siqnalı səsləndirərək bildirib ki, təxminən 6 milyon yəmənli uşaq ölümlə nəticələnən aclıq təhlükəsi ilə üz-üzədir və onların nicatı üçün beynəlxalq təcili yardım istəyib.
Xarici KİV-in verdiyi məlumata görə, BMT növbəti dəfə həyəcan təlibi çalıb və milyonlara yəmənli uşağın aclıq səbəbindən ölüm təhlükəsi ilə üzləşdikləri barədə xəbərdarlıq edib.
BMT-nin Uşaq Fondu “UNİCEF” xilas olmalarından ötrü kifayət qədər maliyyə vəsaitinin təmin olunması üçün təcili addımlar atılmazsa, Yəməndə milyonlarla uşağın aclığa məruz qalacaqları barədə xəbərdarlıq edib.
Təşkilatın Yəməndəki ofisi Twitter səhifəsində bildirib ki, Yəməndə təxminən 6 milyon uşaqla aclıq arasında bir addım fasilə qalıb. Buna görə də təcili dəstəyə ehtiyaclıdırlar.
Ofisdən bildirilib ki, xilas edici dəstək və yardımların göstərilməsi üçün avropalı tərəfdaşlarla öhdəkiləri vurğulamaq vaxtı çatıb. UNİCEF cari ilin əvvəllərində Yəməndəki uşaqlara hümanitar xilasetmə yardımların göstərilməsinin davamı üçün təxminən 450 milyon dollara ehtiyaclı olduğunu bildirmişdi.
Bu təşkilatın Mart ayının sonlarında dərc etdiyi hesabata əsasən, Yəməndə 11 milyondan çox uşağın hümanitar yardımlara ehtiyacları var.
Ümumdünya Ərzaq Proqramı ötən həftənin bazar günü, Yəməndəki uşaqlara xilias edici qida köməklərini davam etdirmək üçün təcili surətdə 80 milyon dollara ehtiyaclı olduğunu bildirib.
Yəmənin qurudan, havadan və Səudiyyə Ərəbistanının döyüş gəmiləri ilə Yəmən sularında sudan mühasirəyə alınması 2015-ci ildə və Ərəbistanın Yəmənə hərbi hücumundan sonra başlayıb. Amerika da 2016-cı ilin Oktyabrında bu mühasirəyə qoşulub.
2023-cü ilin Aprel ayında Sənada Səudiyyə nümayəndə heyəti ilə Yəmən Ənsarullahı arasındakı müzakirələrlə eyni zamanda Riyad hökm çıxararaq bildirdi ki, 6 il əvvəl qadağan olunmuş 500 adda malın idxalına və Yəmən istiqamətində hərəkət edən gəmilərin heç bir yoxlanış olmadan Yəmən limanlarına daxil olmalarına icazə verib. Amma praktiki olaraq görünən budur ki, bu ölkənin mühasirəsi hələ də tam şəkildə aradan qalxmayıb, ölkə neft satışında və neftdən gələn gəlirlə xalqın ehtitaclarını ödəməkdə hələ də mühasirə və sanksiya şəraitinə düçardır.
