Xəbər agentliklərindən biri verdiyi bir hesabatda Ağ Evin sionist rejiminin cinayətləri qarşısında göstərdiyi ikili standarta toxunaraq yazıb: Qəzzədə atəşkəs elan olunması üçün Təhlükəsizlik Şurasının qətnaməsinin ABŞ tərəfindən veto edilməsindən yalnız bir neçə sonra, Pentaqon sionist rejiminə sursat satmaqla 106 milyon dollar qazanc əldə edib.
Ağ Ev bu yaxınlarda bildirib ki, sionist rejiminə silah satışını sürətləndirmək üçün “fövqəladə” bir maddədən istifadə edir. Bu addım BMT-nin Qəzzədəki atəşkəslə bağlı qətnaməsinin təkcə ABŞ tərəfindən veto edilməsindən və geniş tənqidlərə səbəb olmasından yalnız bir neçə ssat sonra atılıb.
Bu xəbər agentliyi ABŞ Dövlət Departamentinin keçmiş rəsmisi Coş Pola istinadən yazıb: BMT-nin qətnaməsinin ABŞ tərəfindən veto edilməsini və bu silahların İsrail (rejiminə) sürətli tədarükünü nəzərə almaqla, ABŞ dövlət katibi Antoni Blinkenin, ölkəsinin İsrailin Qəzzədəki əməliyyatlarında mülki şəxslərin tələf olmasının azaldılması üçün çalışdığına dair təkrarladığı iddialarının doğruluğu sual altına düşür.
Ötən Oktyabr ayında istefa verməmişdən əvvəl ABŞ Dövlət Departamentində silah satışı sahəsində fəaliyyət göstərən bu amerikalı rəsmi Co Bayden hökumətinin “mənəvi kompromis”-ini və onun “irqçi” rejim olan İsraili dəstəkləməsini pisləyib.
Bu xəbər agentliyinin yazdığına əsasən, Ağ Evin yeni addımının qalmaqallar yaradacağı gözlənilir. Çünki, ABŞ-ın 13 demokrat senatoru elan edib ki, “hərbi cinayətlərin” qarşısının alınması məqsədi ilə gələcəkdə silahların ötürülməsində şərtlər yaratmaq üçün qanun layihəsi hazırlamaqdadırlar.
Sionist rejiminin Qəzzədəki cinayətləri müxtəlif beynəlxalq rəsmilərin tənqidləri ilə nəticələnib və son günlərdə Rusiya suyun Qəzzədəki yeraltı tunellərə ötürülməsinin hərbi cinayət olduğu haqda xəbərdarlıq edib.
Digər analitiklər də sionist rəsmilərinin mühakimə olunacağı təqdirdə, ABŞ-ın da insaniyyətə qarşı törədilən cinayətdə əlinin olmasına toxunublar.
Pentaqon öz bəyanatında bildirib ki, Bayden hökuməti İsrail (rejiminə) 106.5 milyon dollar dəyərində olan 14 min tank mərmisi göndərmək üçün ölkənin Konqresinin və Senatının təsdiqi olmadan, özünün fövqəladə səlahiyyətlərindən istifadə edib.
ABŞ dövlət katibi Blinken ötən cümə günü, ona verilmiş səlahiyyətlərdən bu 14 min tank mərmisinin təcili olaraq İsrailə göndərilməsi üçün istifadə etdiyi haqda Konqresə məlumat verib.
