İsrail rejimi ordusunun Suriyanın cənubunda suriyalıların su mənbələrini bir-bir işğal etdiyi halda, Amerika şimalda Suriyanın neft yataqlarını və quyularını işğal etmək üçün zəmin yaradır.
Ötən ilin Dekabr ayının 8-də Dəməşqin süqutundan sonra ABŞ Suriyanın şimal-şərqinə hava və quru yol vasitəsi ilə geniş şəkildə hərbi qüvvə və avadanlıq göndərib.
Quru yolla 400-dən çox yük maşını, hava ilə isə yük daşıyan 18 təyyarə göndərilib. ABŞ yük maşınlarının quru yol karvanı amerikalıların hərbi baza tikmələri üçün hazır otaqlar, nəzarət və müşahidə kameraları, qazma cihazları, sement blokları və yanacaq çənləri kimi logostik avadanlıqlar daşıyıb.
ABŞ-ın Suriya neftinin 60%-nə nəzarət etməsi
Yeni baza inşa etmək üçün Eynul-Əsədə və ya kürdlərin olduğu “Kubani”-yə qüvvə və avadanlıq göndərilməsi səbəbsiz deyil. Suriya neftinin 60%-i Kubani və onun ətrafında cəmlənib və ABŞ birbaşa və ya “QSD” adlı Suriya Demokratik Qüvvələrini dəstəkləməklə Suriyanın şimalını tamamilə öz nəzarəti altına almağa çalışır.
Dəməşq süqut etməzdən öncə QSD öz mövqelərini Hüms vilayətində yerləşən Deyr əz-Zor, Həsəkə və Palmira məntəqəsindəki neft yataqları ətrafında cəmləmişdi və Türkiyənin Suriyanın cənubundakı hücumları ilə mübarizə aparmaq üçün amerikalılardan kömək istəmişdi.
Amerikalıların Suriyanın şimalında, xüsusən də Eynul-Əsəbdə olmağı Türkiyənin etirazı və tənqidinə səbəb olub. Hal-hazırda kürdləri Mənbic bölgəsindən çıxarmaq və oranın nəzarətini ələ keçirmək üçün QSD ilə Türkiyənin dəstəklədiyi silahlılar, yəni Suriya Milli Ordusu arasında güclü qarşıdurmalar müşahidə olunur.
İsrail rejiminin Suriyanın cənubundakı işğalçılığının davam etməsi
ABŞ-ın Suriyanın şimalındakı neft yataqlarını ələ keçirməyə çalışdığı bir vaxtda İsrail rejimi Suriyadakı su mənbələrini ələ almaq məqsədi ilə bu ölkənin cənubunda irəliləməkdədir.
Hazırda bu rejim işğal olunmuş Colanda yerləşən Quneytərədəki əl-Məntərə səddini ələ keçirib və sionist hərbiçiləri məntəqəyə daxil olduqdan sonra əhalinin müəyyən saatlar istisna olmaqla sərbəst hərəkətinin qarşısını almaq üçün bölgənin müxtəlif yerlərində hərbi mövqelər və bəndlər yaradıblar.
“Əl-Məntərə” Quneytərə və onun ətrafının, həmçinin Dəra vilayətinin əsas su təchizatı mənbəyi və Suriyanın cənubundakı ən böyük su səddidir.
Ötən ilin Dekabr ayının 8-də Dəməşqin süqut etməsinin ardınca İsrail rejimi ordusu Suriyanın Hail məntəqəsindən keçdikdən və 1974-cü ildə bağlanmış Ayrılıq Sazişini pozduqdan sonra Suriyaya daxil olub.
Bundan əlavə, İsrail rejiminin hava qüvvələri də Suriya ordusunun imkanlarını məhv etmək məqsədi ilə bu ölkənin müxtəlif yerlərdəki hərbi obyektlərini, məkrəzlərini və bazalarını bombalayıb.
İsrail rejiminin Suriya sularına olan tamahkarlığı
Verilən məlumatlara əsasən, sionist ordusu Suriya torpaqlarının 20 km-liyinə qədər irəliləyib və Ümmül-İzam və əl-Ədnaniyyə kəndlərində komendant saatı qaydaları müəyyən edib.
Sionist rejimi ordusu Dəra vilayətinin qərb hissəsində də strateji “Həvz əl-Yərmuk” məntəqəsini ələ keçirib. Bu məntəqəni ələ keçirdikdən sonra buradakı kəndlər və qəsəbələr sionist ordusunun hərbi təcavüzlərinə və işğalçılığına şahid olub. Bu təvacüzlər Suriya və İordaniya sərhədləri yaxınlığındakı “əl-Vəhdət” səddini də əhatə edib.
Sionist rejimi Suriyanın cənubundakı su mənbələrinə tam yiyələnmə çərçivəsində Yərmuk çayına tam nəzarəti də ələ keçirməyə çalışır.
Əsəddən sonra Suriyaya hakim reallıqlar və ya həmin Colaninin Suriyası vurğulayır ki, amerikalılar və israillilər Suriyanı öz aralarında bölüb, Suriyanın şimal neftinin amerikalıların və Suriyanın cənub suyunun israillilərin olması barədə razılığa gəliblər.
