Suriya mənbələri son 24 saat ərzində ələvi tayfasından olan 13 mülki şəxsin öldürüldüyünü bildirib.
Xarici KİV-in verdiyi məlumata görə, son 24 saat ərzində Suriyanın mərkəzində yerləşən Homs şəhərində ələvi tayfasından olan 13 mülki şəxs şəhid edilib.
Onlardan yeddisi Suriyanın müxtəlif bölgələrində, ölkəyə hakim olan üsyançı qüvvələrin təhlükəsizlik qüvvələri tərəfindən qətlə yetirilib.
Mülki şəxslərin öldürülməsi təhlükəsizlik orqanlarının kütləvi həbsləri, işgəncələri və sahə qətlləri fonunda baş verir.
Suriyaya hakim olan üsyançı hökumət isə bu hadisələrə rəsmi olaraq heç bir reaksiya verməyib.
Yerli mənbələr Homs şəhərinin Vadi-əz-Zəhəb məhəlləsində ötən gün baş verən hadisələr nəticəsində təhlükəsizlik hazırlığının başladığını bildiriblər.
Mənbələr qeyd ediblər ki, Suriyaya hakim olan üsyançı qüvvələr məhəllə daxilində geniş əməliyyatlar keçirərək, onlarla ələvi gəncini həbs ediblər.
Mənbələr, həmçinin həbs edilən bir neçə şəxsin cəsədinin şəhərin xəstəxanalarında tapıldığını və onların güllələnərək öldürülməsinin təsdiq edildiyini bildiriblər.
Bununla bağlı yerli mənbələr bildiriblər ki, cümə günü axşam saatlarında Dəməşq-Suveyda yolunda silahlı şəxslərin bir nəfərin ölümü ilə nəticələnən hücumuna etiraz olaraq, Cərmana şəhərindən olan etirazçılar Dəməşq Beynəlxalq Hava Limanına gedən yolu bağlayıblar.
Etirazlardan əvvəl Suriya İnsan Haqları Müşahidə Təşkilatı (SOHR) bildirmişdi ki, əl-Mutlə bölgəsində, Suveyda-Dəməşq yolunda, naməlum silahlı şəxslər Suveyda vilayətindən olan vətəndaşlara hücum edərək səbəbləri və motivləri bəlli olmayan bir hücum nəticəsində üç nəfəri həbs ediblər.
Eyni çərçivədə, əl-Mutlə bölgəsindən olan silahlı şəxslər Suveyda-Dəməşq yolu ilə hərəkət edən və iki nəfərin olduğu avtomobilə atəş açıblar ki, nəticədə bir nəfər öldürülüb, bir nəfər isə ağır yaralanıb.
Bu gərginliyi nəzarət altına almaq üçün üsyançı qüvvələr Suveyda-Dəməşq yolu üzərində yerləşdirilib və Hava Limanı-Cərmana yolu yenidən açılıb.
Həmçinin Dəməşqdəki İş əl-Vərur məhəlləsinin komitəsinə silahlı şəxslərin hücumu və onlara atəş açılması nəticəsində komitənin dörd üzvü öldürülüb.
