Sosial şəbəkələrdə Suriyanın sahil şəhərlərində baş verən zorakılıqlara dair yayılan yeni videolar xaosun davam etdiyini, silahlı üsyançıların Suriya xalqından və azlıqlardan intiqam aldıqlarını göstərir.
İraq TV kanallarından biri bir neçə video yayımlamaqla Türkiyəyə bağlı cinayətkar qrupların Suriya ələvilərinə bu ölkənin keçmiş sisteminə meyilli olduqları bəhanəsi ilə işgəncə verdikləri barədə məlumat verib.
Məlumata əsasən, “Türkiyənin himayəsi altında olan cinayətkar qruplaşmalar Suriyanın sahil şəhərlərindəki ələvilərə qarşı vəhşi cinayətlərini törətməyə davam edirlər.”
X sosial şəbəkəsinin bəzi istifadəçiləri də silahlı üsyançı qrupların əsirliyində olan ələvilərlə bağlı bir video paylaşmaqla İraqın Spayker aviabazasında baş verən cinayətə oxşar cinayətin bu dəfə Suriyada baş verməsi barəsində xəbərdarlıq ediblər.
2014-cü ilin İyun ayında İraqın Tikrit şəhərindəki Spayker aviabazasında və Səddamın prezident sarayında dəhşətli faciə baş verdi. Bu hadisədə İŞİD terror qruplaşması əksəriyyəti şiə olan minlərlə iraqlı tələbəni vəhşi şəkildə qətlə yetirdi.
İŞİD qüvvələri çoxu 20 yaşdan aşağı hərbçi tələbələr olan qurbanları qətlə yetirdikdən sonra onları Dəclə çayına atdılar ya da kütləvi qəbirlərdə dəfn etdilər.
Həmçinin bugün media mənbələri Tartus şəhərində zorakılıqların davam etməsi və silahlı üsyançıların bu şəhərdəki yaşayış mənzillərinə, bu mənzillərin sahiblərinin keçmiş hökumətlə əlaqələrinin olması bəhanəsi ilə atəş açması barədə məlumat veriblər.
Suriyanın müxtəlif şəhərlərində silahlı üsyançıların zorakı addımlarının davam etməsi sayəsində qətl və intiqamdan tutmuş, yaşayış mənzillərindən oğurluq, azlıqların təhqir olunması, insan oğurluğu və xaos artmaqdadır.
Son günlər ərzində Dəməşqin yeni hakimlərinin Suriyanın müxtəlif şəhərlərində baş verən zorakılıqların mediada yayılmasının qarşısını almaq üçün səylərinə baxmayaraq, Əbu Məhəmməd əl-Colaniyə bağlı qüvvələrin ölkənin müxətlif şəhərlərindəkı rəftarlarına, o cümlədən suriyalı vətəndaşların evlərinə hücum, mülklərin talanması, insan oğurluğu və bəzi vətəndaşların öldürülməsinə dair çoxlu görüntülər yayılıb.
“Suriya Hərbi Əməliyyatlar İdarəsi” bu görüntülərə və oğurlandıqdan sonra müxtəlif yerlərdə tapılan cəsədlərə verdiyi reaksiyada əvvəlcə mövzunun araşdırılmasına söz verirdi. Amma sonra yeni bir hiylə işlədərək hər şeyi keçmiş hökumətdən qalan qüvvələrin boynuna atdı.
