Sionist analitiklərdən biri işğal olunmuş ərazilərdəki hər bir evdə bir hərbiçinin olduğunu qeyd edərək, əslində, bütün “israillilərin” İsrail ordusunun hərbiçiləri olduğunu bildirib.
Sionist analitik “B.Mixayıl” sionist qəzetlərindən birində bütün israillilərin əslində ordunun hərbiçiləri olduğunu etiraf etməklə yazıb ki, dünyada bütün fərdləri hərbiçi olan hökumət tapmaq çox çətindir. Hər bir israilli müharibədə, talan etməkdə və pislikdə şərikdir.
O, əlavə edərək deyib: İsraildə (işğal olunmuş torpaqlarda) vəziyyət tamamilə fərqlidir və hər bir evdə həmişə əmr gözləyən azı bir hərbiçi var.
Analitik sözlərinin davamında sionist rəsmilərinin yalan danışdığına toxunaraq yazıb: Medialar səhər-axşam bütün fələstinlilərin müharibədə iştirak etdiyini bildirir. Bu hiylənin məqsədi fələstinlilərin davamlı olaraq qətliamı və öldürülməsini ört-basdır etməkdir. Qəzzədə 50 minə yaxın insan öldürülüb ki, onların da çoxunu qadınlar və uşaqlar təşkil edir. Bundan əlavə, Qəzzədə bütün səhiyyə infrastrukturları, dini, mədəni, təhsil və sosial xidmət mərkəzləri dağıdılıb.
O, həmçinin deyib: Hazırda məqsədli şəkildə məhv etmə işləri aparılır və infrastrukturların dağıdılıması ilə Qəzzədə israillilər üçün qəsəbələrin salınması planlaşdırılır.
Mixayıl bildirib: Bütün Qəzzə sakinlərinin hədəfə alınmalı olduğunu söyləmək mənfur və ikiüzlülükdür və fələstinliləri terrorçu adlandırmağımız haqq qazandırılası bir məsələ deyil.
O, həmçinin qeyd edib: Biz onlardan minlərlə insanı öldürdük, həyati əhəmiyyətli infrastrukturlarını məhv etdik, amma biz yenə də əbədi olaraq qorxu içində yaşayacağıq.
