BMT-nin baş katibi “Antoniu Quterreş” özünün illik hesabatında (2022-ci il) cinayətkar və uşaq qatili olan sionist rejiminin adını qeyd etməyib. Bu hesabat bütün dünyada, o cümlədən Fələstində silahlı toqquşmalarda və döyüş bölgələrində haqları pozulan və öldürülən uşaqlarla bağlı dərc olunan hesabatdır.
Xarici KİV-in verdiyi məlumata görə, BMT-nin baş katibi “Antoniu Quterreş”-in hesabatı İsrail rejiminin adı qeyd edilmədən çərşənbə axşamı günü dərc olunub. Bu rejim fələstinlilərin, xüsusilə fələstinli uşaqların hüquqlarını əsas, davamlı və aşkar şəkildə pozanlardan biridir. Bu rejimin cinayətlərində çox sayda fələstinli uşaq ya şəhid edilib ya da yaralanıb.
BMT-nin Təhlükəsizlik Şurası gələn ay, baş katibin uşaqlar və silahlı toqquşmalarla bağlı işlər üzrə xüsusi nümayəndəsi “Virciniya Qamba” tərəfindən təqdim olunacaq bu hesabatı müzakirə edəcək.
Bu mənbə BMT-nin baş katibinin ölkələrlə münasibətindəki ikili və seçici siyasətinə işarə edərək qeyd edib ki, ABŞ və İngiltərənin Əfqanıstandakı, İraqdakı müharibələrində yaxud təcavüzkar koalisiyanın Yəmən müharibəsində uşaqların hüquqlarını pozmalarına baxmayaraq, Quterreş Rusiyanın adını “rüsvayçılıq siyahısı”-na salıb. İlk dəfədir ki, Təhlükəsizlik Şurasının daimi üzvlərindən birinin adı bu siyahıya salınır.
Ərəb dilli bu mənbənin sözlərinə görə, uzun illərdir ki, beynəlxalq insan haqları təşkilatlarının bir çoxu bu işin idarə olunmasında Quterreş və onun ofisini tənqid edirlər. Human Rights Watch Təşkilatı da bundan əvvəl bu siyahı ilə necə rəftar olunması barədə şərh vermiş, nüfuzlu bir ölkənin və müttəfiqlərinin bu siyahıya salmamasını “hesabatın etibarlılığını zəiflətmək” kimi qiymətləndirmişdi.
Bu təşkilatların fikrincə, Quterreş bu işi BMT-yə kömək edən yaxud nüfuzlu ölkələrin qəzəbindən qorxduğu üçün edir.
Uşaqlar və silahlı toqquşmalarla bağlı işlər üzrə xüsusi nümayəndəsi “Virciniya Qamba” BMT-nin New Yorkdakı Baş Qərargahında keçirilən mətbuat konfransında, uşaqların və fələstinlilərin hüquqlarının pozuntusu ilə bağlı çoxsaylı faktlara baxmayaraq, İsrail rejiminin adının “rüsvayçılıq siyahısı”-ndan çıxarılmasına dair qane edici izahat təqdim edə bilməyib.
Xəbər agentliklərindən birinin verdiyi məlumata görə, daha əvvəl BMT-nin baş katibi ötən ildəki hesabatında 2021-ci ildəki qanun pozuntuları barədə yazmışdı ki, hava və raket hücumları eyni miqdarda təkrarlanarsa, 2022-ci ildə münaqişə tərəfləri bu siyahıya salınacaqlar.
Qamba bu ilki siyahıda bəzi ölkələrin adlarının çəkilməməsini belə əsaslandırıb ki, bu addım onların əməkdaşlığına və ötən ilə nisbətən qurbanların və həmçinin hava hücumlarının sayının azalmasına görə olub. Çünki, 2021-ci ildə öldürülən uşaqların sayı keçən ildə (2022-ci ildə) öldürülən 42 uşaqla müqayisədə 78 nəfər olub.
