Qəzzə hökumətinin informasiya ofisi bildirib ki, Amerika təşkilatı iki həftə əvvəl Qəzzədə humanitar yardım paylamağa başlayandan bəri təşkilat 130-dan çox fələstinlinin şəhid olmasına səbəb olub.
Bundan əlavə mindən çox fələstinli bu müddət ərzində ərzaq paketi almağa çalışarkən xəsarət alıb.
Məlumata görə, sionist düşmənin Qəzzədə təbliğat qolu sayılan bu Amerika təşkilatı İsrail rejiminin Qəzzə zolağının müxtəlif bölgələrində müharibədən əziyyət çəkən mülki insanlara qarşı hücumlarında iştirak edib.
ABŞ tərəfindən maliyyələşdirilən təşkilat Qəzzəni mühasirəyə almış sionist işğalçı ordu ilə birbaşa əməkdaşlıq edir və təşkilatın sözdə humanitar fəaliyyətinə mane olanın Fələstin müqaviməti olduğunu iddia edir. Maraqlıdır ki, işğalçı ordunun hərbiçiləri yüz gündən artıqdır ki, humanitar yardımın Qəzzəyə çatmasına mane olur.
Qəzzə hökuməti öz bəyanatında vurğulayıb ki, sionist düşmən Qəzzə keçidlərini bağlayarkən humanitar yardım daşıyan 55 mindən çox yük maşınının Qəzzəyə daxil olmasına mane olub və bunu Qırmızı Xaç, Ümumdünya Səhiyyə Təşkilatı və OCHA kimi beynəlxalq təşkilatlar da etiraf edib.
Bu hesabata əsasən, Amerika təşkilatı humanitar yardımların paylanmasından yem kimi istifadə edərək, fələstinli mülki əhalini sionist ordunun nəzarəti altında olan bölgələrə şirnikləndirib və beləliklə, onlar İsrail qüvvələrinin hədəfinə çevrilə bilsinlər ki, bu da özlüyündə müharibə cinayətidir.
