“Neft Dəyişikliyi” Təşkilatı tərəfindən aparılan araşdırma onu göstərir ki, bəzi ölkələr, o cümlədən Səudiyyə Ərəbistanı Qəzzə zolağını 6 ay ardıcıl olaraq hücumlara məruz qoyan sionist rejiminin qırıcılarının yanacağının təmin olunmasında iştirak edirlər.
Xarici KİV-in verdiyi məlumata görə, “Neft Dəyişikliyi” Təşkilatı (Oil Change International) öz hesabatında Fələstin xalqına qarşı fasiləsiz soyqrımı alovlandırmaqda neftin dağıdıcı roluna işarə edərək vurğulayıb: Yanacaq mənbələri Qəzzədə humanitar böhranın davamlı olmasın səbəb olan ölkə və şirkətlər bu kranları bağlamaqla bu zolaqda atəşkəsin bərpa olunmasına kömək edə bilərlər.
Bu hesabatda deyilir: İşğalçı orduya döyüş təyyarələrinin yanacağını təmin etmək üçün əsas neft ixrac edənlərin siyahısının başında ABŞ dayanır. Brazilya və Səudiyyə Ərəbistanı Krallığı da işğalçı rejimin döyüş maşınının yanacağını təmin etməkdə iştirak edirlər. İsrail nisbətən kiçik, amma müntəzəm neft daşımalarını, xam nefti Səudiyyə Ərəbistanı , BƏƏ, İraq və Misirdən daşıyan “SUMED” boru xətti vasitəsilə əldə edir.
Bu hesabatda vurğulanır ki, “İsrail üçün yanacaq təmin etməyə davam edən ölkələr və şirkətlər Fələstin xalqına qarşı davamlı zülmün və zorakılığın sabitləşdirilməsində rol oynayırlar.”
Adı çəkilən təşkilatın ABŞ-dakı beynəlxalq proqram direktoru “Eli Rozenblut” deyib: “İsrailin döyüş maşınına yanacaq çatdıran və bu rejimlə yüzlərlə silah müqaviləsi bağlayan ölkələr və böyük neft şirkətləri Fələstin xalqına qarşı davamlı olaraq həyata keçirilən soyqrımda şərikdirlər. Xüsusən də ABŞ beynəlxalq qanunların mümkün pozuntularına görə, məsuliyyət daşımalıdır.”
