Qəzzə xalqının dünya səviyyəsində geniş şəkildə həmrəyliyə şahid olduğu bir vaxtda müqəddəs torpaqlara sahib olan ölkə beynəlxalq ulduzların iştirakı ilə Riyad Mövsümü əyləncə festivalının açılışına hazırlaşır. Bu da ərəb istifadəçilərinin qəzəbinə səbəb olub.
Qəzzə ilə həmrəyliyinə görə Riyad Mövsümü festivalının ləğv olunması üçün tələblərin artdığı halda, Türki Ali Şeyxin başçılıq etdiyi Ərəbistan Əyləncə Şurası açılış mərasimində məşhur müğənni Şakiranın iştirak edəcəyini bildirib.
Bununla belə, sionist rejimi ordusu tərəfindən Qəzzə xalqının öldürülməsinin davam etməsinə baxmayaraq, Əyləncə Şurasının rəhbəri Türki Ali Şeyx Şakiranın iştirakı ilə açılışı olacaq bu festivalın keçirilməsinə israrlıdır.
Sosial şəbəkələr istifadəçilərin Ərəbistanın bu addımına qarşı böyük qəzəb və tənqidinə şahid olub. İstifadəçilər əzab çəkən Qəzzə xalqı ilə həmrəyliy səbəbilə Riyad əyləncə festivalının ləğv olunmasını ya ən azından təxirə salınmasını tələb ediblər.
Sosial şəbəkələrin bir çox məşhur və aktiv istifadəçiləri Riyad əyləncə festivalını tənqid ediblər. Çox sayda istifadəçi Səudiyyə rəsmilərinin israilli qəsbkarların əli ilə həyata keçən fələstinlilərin Holokostuna biganəliklərini tənqid ediblər.
Bununla belə, Ali Şeyx fələstinlilərlə həmrəyliyinə görə Riyad əyləncə festivalını dayandırılmasını istəyən xalq çağırışlarını rədd edib və bu barədə bir bəyanat verib ki, bu da onun daha çox hücumlara məruz qalmasına səbəb olub.
Ali Şeyx Facebook-da yazıb: “Aşkar şəkildə işarə olunmasını fikirləşdiyim vacib bir nöqtə var. Son dövrlərdə onun barəsində çox danışmamışam, amma indi onun barəsində danışmalı olduğumu fikirləşirəm… 1967-ci ildə bir neçə ölkə işğal olunan zaman, Livanla müharibə zamanı və ölkəmin 7 il müharibədə olduğu zaman heç bir tədbir ləğv olmadı. Mənim üçün Ərəbistan vətəndaşının qanı hər şeydən qiymətlidir”.
Ərəb ölkələrinin çoxu Qəzzə xalqının ehtiramına və fələstinlilərlə həmrəyliy məqsədi ilə yüzlərlə incəsənət tədbirləri və festivallarını ləğv edib.
Türki Ali Şeyx özünün Facebook səhifəsində video paylaşaraq Riyad Mövsümü əyləncə festivalında dünyanın məşhur ulduzlarının iştirak edəcəyini bildirib. O, həmin insanlar üçün şam yeməyi qonaqlığı verib. Orada çox sayda ərəb və beynəlxalq ulduzlar iştirak edib.
Boksçu Mayk Tayson, Kriştiano Ronaldo, Salman Xan Riyad Mövsümü festivalının açılış mərasimi üçün Səudiyyə Ərəbistanının verdiyi şam yeməyi ziyafətində iştirak edən beynəlxalq ulduzlar olublar.
