Bütün terror dalğalarının ortaq xüsusiyyəti terror üsulu ilə siyasi məqsədlərə yetişməkdir. Amerikanın siyasətləri nəticəsində yaranan İŞİD-i terrorizmin 5-ci nəsli adlandırmaq olar.
Xarici KİV-lərdən biri fələstinli böyük mübariz İsmail Həniyənin “cinayətkar və terrorçu sionist rejimi” tərəfindən şəhid olması münasibəti ilə dərc etdiyi bir hesabatda Qərbin terrora ikili yanaşmasını və onun nəticələrini araşdırıb.
İşğalçı rejimin Fələstin İslami Müqavimət Hərəkatının (HƏMAS) siyasi bürosunun rəhbəri İsmail Həniyəyə qarşı Tehrandakı terrorla bağlı cinayətkar addımından sonra BMT-nin Təhlükəsizlik Şurası İran İslam Respublikasının tələbi və Rusiyanın, Əl-Cəzairin və Çinin dəstəyi ilə təcili iclas keçirdi. Bu iclas hər şeydən daha çox bu şuranın və Qərb güclərininn sionist rejiminin terror cinayəti ilə ikili rəftarının göstəricisidir. Bu yazıda Qərbin terrorla ikili rəftarının bəzi tərəfləri qeyd ediləcək.
Terror fenomeninə ikili, seçmə və ayrı-seçkilik yanaşması bu günə aid deyil. İlk dəfə olaraq terror termini 1794-cü ildə Fransa inqilabı zamanı işlədilib. 1794-cü ildən bəri 5 terror dalğası arxada qoyulub. Terrorizm İŞİD terror qruplaşması üzə çıxana qədər anarxizm, millətçilik (anti-müstəmləkəçilik), sol və dini (din mahiyyətli silahlı qruplar) olmaqla 4 dalğanı təcrübədən edib.
Bütün terror dalğalarının ortaq xüsusiyyəti terror üsulu ilə siyasi məqsədlərə yetişməkdir. Amerikanın siyasətləri nəticəsində yaranan İŞİD-i terrorizmin 5-ci nəsli adlandırmaq olar. İŞİD terrorizminin də siyasi məqsədləri var və o, Qərbin anti-İslam və anti-müqavimət siyasətinə uyğundur.
Qərbin, terrordan istifadə etmək üçün terrorla mübarizə iddiası
XXI əsrdə Qərbin, xüsusən də ABŞ-ın terrorizmlə bağlı ikili yanaşması da güclənib. ABŞ-ın keçmiş prezidenti Donald Trampın etirafına əsasən, İŞİD terrorizmini ABŞ yaradıb. Eyni zamanda ABŞ İŞİD terrorizmi ilə mübarizə aparmaq üçün beynəlxalq koalisiya təşkil edir və o, terrorla mübarizənin əsas iddiaçısıdır. Qərb, keçmiş ABŞ prezidenti Donald Trampın birbaşa göstərişi ilə SEPAH-ın Qüds Qüvvələrinin mərhum komandiri general-mayor Qasim Süleymanini Həşd əş-Şəbi-nin keçmiş rəis müavini Əbu Mehdi əl-Mühəndis və bir sıra yoldaşı ilə birlikdə İraqda terrora məruz qoyaraq şəhid etdiyi halda terrorla mübarizə apardığını iddia edir. Qərbin ikili yanaşması o qədər aşkardır ki, İŞİD-in məsuliyyəti öz üzərinə götürdüyü Şirazdakı terror hadisəsində də bu cinayətin pislənilməsində güclü mövqe göstərmədi. Amerikanın rəhbərlik etdiyi Qərbin terrorla bağlı ikili yanaşmasının digər bir nümunəsi də sionist rejiminə terror etmək icazəsi verməsidir. Qərbin terrorla bağlı ikili yanaşmasına dair çoxlu sübutlar gətirmək olar ki, onlardan ən mühümləri bunlardır:
- Qərb heç vaxt öz strategiyalarında terrorizmi aradan qaldırmağı ön planda tutmayıb. Əksinə, terror və terrorizm Qərb güclərinin, xüsusən də Amerikanın xarici siyasət vasitəsinə çevrilib.
- Qərb güclərinin, xüsusən də Amerikanın xarici siyasəti əsasən “alilik” yanaşmalarına əsaslanır. Bu əsasla da, Qərb dövlətlərinin və onun müttəfiqlərinin maraqları digər ölkələrin, xüsusən də Qərbə qarşı olan ölkələrin maraqlarından üstündür.
- İnsan hüquqlarının dəyər və normaları yalnız Qərbin müttəfiq olduğu ölkələrin vətəndaşlarına şamildir. Əslində, Qərbin insan hüquqlarına baxışı da seçmə və ayrı-seçkilik əsasındadır. Buna görə də, sionist rejiminin Qəzzədəki soyqrımı qanuni müdafiə nümunəsi olur, amma Ukraynadakı vəziyyət insan hüquqlarının Rusiya tərəfindən aşkar şəkildə pozulmasına bir nümunə kimi çatdırılır.
Qərbin terror barəsindəki ikiüzlülüyünün nəticələri
Qərbin kobud terror fenomeni ilə ikili rəftarının mühüm nəticələri olub. Bu ikili yanaşma Qərbin insan haqları və terrorizmlə mübarizə barəsindəki mənəvi iddialarını zəiflədib. Digər tərəfdən də, bu ikili yanaşma ekstremizmin artması və terrorun kəşfiyyat üstünlüyü iddiasına çevrilməsi ilə nəticələnib. Sionist rejimi bu istiqamətdə müqavimət komandirlərini terror etməkdə istifadə edir və bu cinayəti öz kəşfiyyat üstünlüyünə bir nümunə sayır. Halbuki, əslində, terror əməliyyatına əl atmaq zəiflikdən doğur və həmçinin hərbi əməliyyatlardakı uğursuzluğun göstəricisdir.
İsmail Həniyənin sionist rejimi tərəfindən şəhid edilməsindən sonra ABŞ jurnallarından biri təhlilində yazıb: “İsrail Həniyəni terror etməklə bu mesajı vermək niyyətindədir ki, İsrail rejimi yenə də məğlub edilməzdir. Amma belə addımların atılması güclü olmaqdan qaynaqlanmır, əksinə, zəiflik əlamətidir. HƏMAS-ın 7 Oktyabrdakı hücumu İsrailin çəkindirmə vəziyyətinə ölümcül zərbə vurdu. HƏMAS-ın hücumdan öncə İsrail inanırdı ki, hətta əgər fələstinlilərlə münaqişəni həll etməsə də, ərəb ölkələri onu qəbul edəcəklər və o, yan təsirlər olmadan yaxud ABŞ-ın dəstəyini təhlükəyə atmadan İrana və müttəfiqlərinə zərbə vura biləcək. Sonra demək olar ki, bir gecədə bu inam dərin ziyana uğrama hissinə çevrildi. 7 Oktyabr İsrailin öz qüdrəti barəsindəki əvvəlki inanclarının çoxunu alt-üst etdi. İndi təhükəsizlik orqanlarında olanların çoxu İsrailin o qədər də güclü olmadığını bilir. Buna görə də, indi İsrail daha böyük riskləri və daha yüksək xərcləri qəbul edərək çəkindirmə qabiliyyətini geri qaytarmaq üçün dəlicəsinə səylər göstərir.”
Qərbin terrora ikili yanaşmasının mühüm nəticələrindən biri BMT-nin Təhlükəsizlik Şurasının nüfuzdan düşməsidir. Sionist agentləri tərəfindən Həniyənin şəhid edilməsindən sonra, hansı ki, bu, İran İslam Respublikasının ərazi bütövlüyün pozulmasının bariz nümunəsi idi, BMT-nin Təhlükəsizlik Şurası İranın tələbi ilə təcili iclas keçirdi. Amma bu iclas hər şeydən daha çox ABŞ və Avropa da daxil olmaqla, Qərbin terror və terrorizm qarşısındakı ikiüzlüyünü göstərdi və əməli şəkildə sübut etdi ki, Təhlükəsizlik Şurası da Qərbin bu ikiüzlüyü ilə etibarsız bir quruma çevrilir.
Həqiqət budur ki, Oktyabrın 7-dəki əl-Əqsa Fırtınası əməliyyatı təkcə sionist rejiminə qarşı bir hücum deyildi, əksinə, 70 ildən çox bir vaxt ərzində fələstinlilərə qarşı törədilən cinayətlər qarşısında müdafiə tədbiri idi. Digər tərəfdən də, beynəlxalq hüquqlar arasında qanuni müdafiə üçün terror adlı vasitədən istifadə etməyi təsdiqləyəcək heç bir sənəd yoxdur. Buna görə də, Amerika və İngiltərənin Həniyənin sionist rejimi tərəfindən şəhid edilməsini əsasladırarkən qanuni müdafiəyə istinad etmələri BMT Nizamnaməsinin 51-ci maddəsində qeyd edilmiş qanuni müdafiə məfhumunu təhrif etmək və Qərbin terrorizmlə bağlı ikili yanaşması istiqamətindədir. Qərb dövlətlərinin Təhlükəsizlik Şurasındakı bu rəftarı BMT-nin siyası sütünü olan bu şuranı nüfuzdan salmaqla nəticələnəcək.
HƏMAS-ın siyasi ofisinin rəhbəri İsmail Həniyənin sionist rejimi tərəfindən şəhid edilməsi ilə nəticələnən terror aktı ilk deyil və sonuncu da olmayacaq. Sionistlər Qərbin, xüsusən də Amerikanın himayəsi sayəsində dünyada dövlət terrorizminin təzahürü və simvoluna çevriliblər. Qərb, xüsusən də ABŞ nəyinki sionistlərin dövlət terrorizmini və bu rejimin dünya sisteminin hüquqi və mənəvi təməlinə son qoymaq üçün səylərini dayandırmaq üçün heç bir cəhd göstərmir, əksinə, beynəlxalq hüquqlarda qanuni müdafiənin əsas prinsipini təhrif etməklə, terrordan istifadəni də bu prinsipin bir nümunəsi kimi təqdim edirlər. Onlar, həmçinin BMT-nin Təhlükəsizlik Şurasını da qəsbkar sionist rejiminin dövlət terrorizmini müdafiə edən səhnəyə çeviriblər.
