Xəbər: Sionist rejiminin Nazirlər Kabineti UNRWA-nın (Fələstinli Qaçqınlara Yardım və Məşğulluq Agentliyi) 12 əməkdaşını HƏMAS-ın Qəzzə zolağının ətraf qəsəbələrinə olan hücumlarında iştirak etməkdə ittiham edib və bildirib ki, bu agentliyin ümumi işçilərinin 10%-i HƏMAS-a bağlıdır.
Təhlil:
Qərb bu ittihamı sionist rejimi tərəfindən eşidən kimi sübutu üçün heç bir dəlil tələb etmədən onu qəbul etdi və UNRWA-ya olan yardımını kəsdi. Amerikanın rəhbərliyi altında bir çox Qərb ölkələri mühasirə və müharibə səbəbilə yaranmış misli görünməyən humanitar böhran zamanı Qəzzədəki fələstinlilərə yardım etməkdə vacib rol oynayan bu agentlik üçün öz büdcəsini kəsdilər.
BMT-nin yardım göstərən ölkələrə bu təşkilata olan öz maliyyə yardımlarını kəsmələrinin nəticələri və onun Qəzzə zolağındakı humanitar vəziyyətlə bağlı fəlakətli təsirləri barəsindəki xəbərdarlığı sionist lobbilərinin təzyiqi altında diqqətdən kənarda qaldı. UNRWA-nın baş komissarı Filip Lazzarini BMT-nin baş Assambleyasının sədrinə məktub göndərərək bildirib ki, Fələstinli Qaçqınlara Yardım və Məşğulluq Agentliyi İsrailin onun yığışdırılması və maliyyə dəstəyinin dayandırılması üçün davamlı tələbləri ilə dağılma həddinə çatıb və bağlanma ərəfəsindədir.
Maraqlıdır ki, ABŞ və İsrail qadın və uşaqlar da daxil olmaqla on minlərlə qaçqına ev sahibliyi edən Qəzzə zolağındakı UNRWA-ya aid məktəb və obyektlərin hədəf seçilməsinə dair öz mənfur məqsədlərinə çatdıqdan sonra, ABŞ qəzetlərindən biri hesabat verərək “İsrail”-in UNRWA-ya qarşı irəli sürməyə çalışdığı bütün ittihamların yalandan başqa bir şey olmadığını bildirdi.
ABŞ Kəşfiyyat Agentliyinin (CIA) İsrailin iddialarının doğruluğunu yoxlamaq üçün apardığı tədqiqatlar əsasında olan bu hesabat, UNRWA əməkdaşlarının HƏMAS-ın (İslami Müqavimət Hərəkatının) Oktyabrın 7-də həyata keçirdiyi hücumda iştirak etmələrinə dair ittihamı sual altına salıb.
Bununla əlaqədar olaraq, İngiltərə qəzetlərindən biri hesabat dərc edib və bildirib ki, UNRWA-nın humanitar yardımların göstərilməsi və Qəzzədə məşğulluq üçün HƏMAS-la bir araya gəlməsinə baxmayaraq, bu agentliyin HƏMAS-la əməkdaşlığına dair heç bir sübut yoxdur.
Elə ilk gündən məlum idi ki, İsrail rejiminin UNRWA-ya qarşı bütün ittihamları yalandır və əsasən də bu rejimin yardım agentliyi ilə bağlı nifrətindən qaynaqlanır. Çünki, bu agentlik, Fələstin xalqının məruz qaldığı fəlakəti, işğalı və terorizmi xatırladır.
Sionistlərin yalanlarını eşidən kimi öz yardımlarını dayandıran Qərbin bu işi onu göstərir ki, sionist lobbiləri Qərb hökumətlərinə və beynəlxalq forumlara tam nəzarət edirlər. Amma bununla yanaşı, bu rejim 140 gündən çox olan soyqrıma rəğmən, Qəzzə zolağına qarşı vəhşicəsinə həyata keçirdiyi hücumlarda elan etdiyi heç bir hədəfə, o cümlədən HƏMAS-ın məhv edilməsi və öz əsirlərinin azad ediməsinə nail ola bilməyib. Bu rejim fələstinlilərin iradəsini aradan aparmaq üçün onları ac saxlamaqdan ötrü yalana və saxtakarlığa əl atıb.
