İsrail medialarından biri Noyabr ayının 5-də Netanyahu hökumətinin əsirlər mübadiləsi üçün ehtimal olunan hər bir təzyiqdən qaçmaq məqsədi ilə israilli əsirlərin vəziyyəti barəsində Trampa yalan danışdığını ifşa edib.
Sionist rejimin TV kanalının verdiyi məlumatda Netanyahu hökumətinin Fələstin rəsmiləri yanındakı israilli əsirlər barəsində Donald Trampa səhv məlumatlar təqdim etdiyini bildirib.
Bəzi ameikalı və israilli rəsmilər bildirib: “Trampa Qəzzədəki girovların yarısının yaşadığı haqda məlumat verildiyi zaman o, təəccüblənib… Çünki onların çoxunun öldüyünü düşünürdü.”
Verilən məlumata görə, Netanyahu hökuməti Trampın əsirlər mübadiləsi razılaşmasının imzalanması üçün göstərdiyi təzyiqdən qaçmaq məqsədi ilə ona “girovların çoxunun öldürüldüyünü” deyib.
Bu məlumata əsasən, israilli əsirlər mövzusunun Trampa yaxın adamları hələ də özünə məşğul etdiyi halda İsrail HƏMAS-la əsirlər mübadiləsi sənədində irəliləyiş üçün ABŞ-ın təzyiqinin azaldılması məqsədi ilə növbəti hökumətin yüksək rütbəli şəxslərinə yalnış məlumatlar verir və əsirlərin çoxunun artıq yaşamadığını bildirirlər.
Oğlu əsgər İtay Hanın Qəzzədə əsir götürüldüyü vaxtdan bəri Amerikanın yüksək rütbəli şəxsləri ilə yaxından əlaqə quran qadın Ruby Han deyib: “Bəzi mənbələrin sözlərinə söykənərək təsdiq edə bilərəm ki, İsrail hökuməti – 7 Oktyabr məğlubiyyətinə görə məsuliyyət daşıyan həmin insanlar – Trampa və onun komanda üzvlərinə qaçırılmış insanların çoxunun öldüyünü və artıq əsirlər mübadiləsi razılaşmasının irəliləməsi üçün təcili ehtiyacın olmadığını bildirir.”
