Sionist rejimin dəhşətli cinayətlərindən biri Suriyanı yanmış bir əraziyə çevirməkdir. Belə ki, bu ölkənin bütün müdafiə, təhlükəsizlik, elm, təhsil və mədəniyyət ifrastrukturları dağıdılıb, məhv edilir.
Dekabr ayının 8-də Dəməşqin süqutunun ardınca, İsrail rejiminin mediaları işğalçı ordunun tanklarının Colan təpələrinə girdiyi barədə məlumat verib, bildiriblər ki, tanklar Colan təpələrindəki sərhəd divarından keçiblər.
Sionist Müdafiə naziri “İsrail Kats” Suriyanın strateji silahlarının məhv edilməsi barəsində deyib: “Mən orduya Suriya boyunca mövcud olan ağır və strateji silahları məhv etməyə davam etməsini əmr etmişəm. Onlara İsraili təhdid edən ağır strateji silahlar və infrastruklar olmayan təhlükəsiz bir fəza yaratmalarına göstəriş vermişəm.”
Sionist rejimin qırıcı təyyarələri Suriyada hərbi bazaları bombalayıblar. Sionistlər Qasionun ətəyindəki Respublika Qvardiyasının və 4-cü diviziyanın kazarmalarını, elmi, tədqiqat və müdafiə laboratoriyalarını, rəsədxanaları və Suriyada mühüm sığınacaqlar sayılan hündür təpələri hədəfə alıblar.
Bunun ardınca sionist rejimin ordu radiosu bu rejimin Hava Qüvvələrinin Suriyanın hərbi infrastrukturlarına qarşı ağır hücumları nəticəsində bu ölkənin hərbi gücünün 70-80%-nin aradan getdiyini açıqlayıb.
Suriyaya və onun xalqına qarşı belə cinayətlərin baş verməsinə baxmayaraq, ona hakim üsyançılar bu təcavüzlərə heç bir reaksiya verməyiblər. Suriyaya hakim üsyançıların komandiri Əbu Məhəmməd əl-Colani Suriya xalqının uzun illər qarşıdurmalar səbəbindən yorulduğunu və bu ölkənin növbəti müharibəyə şahid olmayacağını deyib.
Amma analitiklər və ekspertlər bildiriblər ki, İsrail Suriyanın hərbi obyektlərini ağır şəkildə bombalamaqla yanaşı, Dəməşq ətrafında qurudan irəliləməklə Amerika ilə mütəşəkkil bir proqram həyata keçirməyə çalışır.
Yüzlərlə iraqlı alim və şəxsiyyətin aradan qaldırılmasında İsrail və ABŞ-ın birgə əməkdaşlığı
Qeyd etmək lazımdır ki, sionistlərin bu cinayətləri yeni deyil, əksinə 2003-cü ilin Aprel ayından Bağdadın süqutundan və Bəs rejiminin devrilməsindən cəmi bir neçə gün sonra sionist rejimin terror dəstələri ABŞ-nın dəstəyi ilə iraqlı alimlərə qarşı fəaliyyətə başladılar.
Sionist rejimin və Mossadın agentləri minlərlə alim, professor və elmi şəxsiyyətə qarşı terror aktı törətdilər. Bu terror aktları həmin alimlərin Amerika ilə əməkdaşlığı rədd etdikləri vaxt icra olunurdu. Mossad agentləri sui-qəsdləri icra etmək üçün bir ildən çox İraqda fəaliyyət göstərirdilər.
İraqın görkəmli alimi dr. Nuriddin ər-Rəbii bildirmişdi ki, Amerikanın İraqa hücumunun pərdə arxası hədəflərindən biri alimlərə qarşı sui-qəsd və bu ölkənin elmi-araşdırma mərkəzlərinin məhv edilməsi olub. Bu terror aktları da İraqda “fəlakət yaratmaq strategiyası”nın bir hissəsidir.
Sionist rejimin hədəflərindən biri Suriyanı yanmış bir əraziyə çevirməkdir
Sionistlər qeyd olunan cinayətlərdən əlavə, muzeylərə, elmi mərkəzlərə, yuyucu və sanitar maddələr istehsal edən sənayelərə belə rəhm etməyib və bütün bu imkanları yerlə yeksan ediblər. Həmçinin bu rejim bu cinayətlərlə yanaşı, Suriyanın müxtəlif yerlərində müxtəlif sahələr üzrə nüfuzli insanlara qarşı sui-qəsd törətmək ardıncadır. Belə ki, Suriyada torpağın qorunması üçün nisbi ittifaqa sahib olmaları mümkün olan sünni ruhanilərindən bəzisi terrora məruz qalıb.
Dəməşqdə üzvi kimya alimi “dr. Həmdi İsmayıl Nədiyy”in öldürülməsi
Son günlərdə üzvi kimya üzrə görkəmli alim dr. Həmdi İsmayıl Nədiyy Dəməşqdəki evində naməlum şəxslər tərəfindən öldürülüb.
İraq xalqının 3000-dən çox alim və professorunun öldürülməsindən əldə edilən təcrübədən məlumdur ki, Suriyanın bütün elmi, mədəni, təhsil və müdafiə ifrastrukturlarının məhv edilməsinə səbəb olan bu plan da amerikalılar tərəfindən sionist rejiminə tapşırılıb.
Bu cinayətlər onu göstərir ki, sionist rejimi amerikalılarla tam razılaşdırılmış bir proqramda İslam dünyasının sahib olduğu hər şeyi məhv etməyə çalışır və bunun nümunələri də İraq və Suriyada müşahidə olunur.
