Qəzzə müqavimətinin təhlükəsizlik orqanına bağlı sosial şəbəkələrdən biri “Xitam” adlı qadın casusun hekayəsini nəql edib. Hansı ki, ona sionist rejimin kəşfiyyat orqanları tərəfindən bu rejimin həbsxanalarındakı müqavimət əsirləri barəsində onların həyat yoldaşları vasitəsilə məlumat toplamaq missiyası verilmişdi.
Bu addım sionist rejimin lazım olan məlumatları işgəncə yolu ilə əldə edə bilməməsindən sonra atılıb və əsirlərin öz əzizlərindən xəbər tutmaq üçün ehtiyaclarından sui-istifadə edilib.
Xarici KİV-in verdiyi məlumata görə, tədqiqatlara əsasən, “Xitam” adı ilə tanınan qadın əsirlərdən birinin həyat yoldaşını Qəzzənin şimalından didərgin düşdükdən sonra aldatmağı bacarıb. O, evlərinin dağıntıları altından tapdığı mühüm sənədlərə şamil olan əmanətin onun həyat yoldaşına aid olduğunu iddia edib. Amma sənədlər araşdırıldıqdan sonra əsirin həyat yoldaşı bu sənədlərin onun həyat yoldaşına aid olmadığını və onun məzmununun müqavimət qüvvələrinin fəaliyyətləri ilə bağlı olduğunu başa düşüb. Bu, onda şəkk-şübhə yaradıb.
Xitam davamlı təzyiqlər və təkrar sualları ilə əsirin həyat yoldaşını vadar edib ki, ərinin müqavimət qüvvələrindəki işi barədə danışsın.
Bir müddət sonra əsirin həyat yoldaşı ərinin yenidən dindirilmə otağına qaytarıldığı və tək nəfərlik kamerada saxlanıldığı haqda məlumat əldə edib. Bu mövzu onu bu hadisəni müqavimət qüvvələrinin təhlükəsizlik bölməsində fəaliyyət göstərən qohumlarından birinə deməsinə səbəb olub.
Təhlükəsizlik araşdırmalarından sonra “Xitam”ın sionist rejimin kəşfiyyat orqanları ilə əlaqədə olduğu və bu rejim üçün müxtəlif missiyalar həyata keçirdiyi məlum olub.
Başqa məsələdə Qəzzə müqavimət qüvvələrinin təhlükəsizlik bölməsi “Hazim” adlı başqa bir casusu müəyyən etməyə müvəffəq olub. O, sionist rejimin kəşfiyyatı tərəfindən Telegram-da kanal yaradıb, müqavimət əleyhinə təbliğ aparmaq və camaatı həssas məlumatlar vermək üçün aldatmaq tapşırığı almışdı.
Hazim Rəfəh keçidi bağlanmamışdan öncə Fars körfəzi ölkələrinin birində media üzrə təlim kursunda iştirak etdiyini etiraf edib.
Müqavimət qüvvələrinə bağlı təhlükəsizlik xidməti vurğulayıb ki, sionist rejimin casus cəlb etmək və düşmən medialarında onlardan istifadə etmək üçün göstərdiyi səylərdən agah olmaq lazımdır. Çünki bu medialar düşmənin psixoloji müharibəsinin bir hissəsidir.
Həmçinin Qəzzə müqavimətinin təhlükəsizlik orqanına bağlı sosial şəbəkəsi sionist rejimin Qəzzədə uşaqları cəlb etmək üçün göstərdiyi cəhdlərin təfərrüatları barəsində məlumat dərc edib.
Bu hadisələrin birində 15 yaşlı bir uşaq ailəsinin öldürülməsi ilə təhdid olunduqdan sonra sionist rejimin kəşfiyyatı ilə əməkdaşlığa məcbur olub.
Bundan əlavə, qaçqınların çadırları arasında İsrail rejiminin casusluq cihazları tapılıb. Onlar elə bir formada yayılıblar ki, ətraf mühitlə uyğunlaşsınlar.
Müqavimət qüvvələrinin təhlükəsizlik xidməti Fələstin xalqından ayıq olmasını və cəmiyyətin təhlükəsizliyini qorumaq üçün hər hansı şübhəli yaxud qeyri-adi fəaliyyəti dərhal xəbər vermələrini istəyib.
