Aparılan araşdırmalardan biri “Meta” şirkətinin sionist ordusuna hərbi silahlar almaq və Qəzzədə, Livanda, İordan çayının qərb sahillərində cinayətlər törətməkdən ötrü öz platformalarından maliyyə yardımları üçün necə istifadə etdiyini göstərir.
ABŞ-ın “EKO” Nəzarət Təşkilatı geniş hesabatında “Meta” şirkətinin İsrail ordusuna yardım, müştəri və investor cəlb etmək üçün şirkətin pullu reklamlarda İsrailin nüfuzlu şəxsiyyətləri, hərbiçiləri və millət vəkillərindən necə istifadə etdiyini və onları bu rejimə qabaqcıl dronlar, silahlar və digər taktiki avadanlıqlar kimi silahlar almasından ötrü kömək etməyə necə həvəsləndirdiyini izah edir.
Hesabatda deyilir ki, əsasən İsrail tərəfdarı olan xeyriyyə təşkilatları tərəfindən Avropa İttifaqına göndərilən 90-dan çox reklam izlənilib. Hansı ki, o reklamlarda təxribatçı, zorakılıq və ayrı-seçkilik xarakterli çıxışlardan istifadə edilib.
EKO Meta-ya bağlı şirkətlərin reklamlarında istifadə olunan bucür çıxışların beynəlxalq qanunların aşkar pozuntusu olduğunu bidirərək əlavə edib: “Bununla yanaşı, Meta əksəriyyəti pullu olan belə reklamlar üçün şərait yaratmaqla özünə gəlir əldə etmək və İsrailə, o cümlədən bu rejimin ordusuna xidmət göstərmək niyyətində olub.”
Bu hesabat göstərir ki, İsrail rejiminin Qəzzəyə, Livana, İordan çayının qərb sahillərinə hücumda öz ordusunu maliyyə cəhətindən təmin etmək üçün istifadə etdiyi pulu reklamlar Meta-nın ictimai öhdəliklərinə və şirkətin öz platformalarında düşmən və təxribat xarakterli çıxışların yayılmasının qarşısını almaq müqabilindəki məsuliyyətinə tamamilə ziddir.
İsrail təşkilatları Meta vasitəsi ilə fələstinlilərin qətliamını təbliğ edirlər
Bu hesabat bu reklamları yayan təşkilatlarla bağlı narahatlığını çatdırıb və qeyd edib ki, bu təşkilatlar təbliğatın yayılması ilə bağlı qanunların çoxuna tabe olmayan və əksəriyyəti vergidən azad olan şirkətlərdir. Bu da Avropa İttifaqında və Amerikada bir çox hüquqi narahatlıqlar yaradan bir məsələdir.
EKO-nun məlumatına görə, bu reklamların və onlarla bağlı işə salnmış təbliğat kampaniyalarının çoxu İsrail rejimi ordusunun hərbiçiləri ilə birbaşa əlaqəyə girir və onların istifadəçilərlə birbaşa əlaqə yaratmasına zəmin yaradır, halbuki, bu hərbiçilərin çoxu Qəzzədə anti-bəşər cinayətlər törətməkdə təqsirli bilinir. Bu da beynəlxalq qanunları aşkar şəkildə pozmaqdır.
Belə hallardan birində Meta reklamlarının biri İsrail ordusunun 551 komando briqadasının Qəzzədə anti-bəşər cinayətlər törətməkdə ittiham olunan rütbəli zabitlərindən biri ilə birbaşa əlaqə yaradıb.
Bu əlaqədə israilli mayor bölməsini zirehli lövhələr, ağıllı dəbilqələr və qabaqcıl DJI MAVIC PRO 3 texnologiyası ilə təchiz edilmiş dronlar kimi hərbi avadanlıqlarla təmin etmək üçün maliyyə yardımı istəyib. Hansı ki, bu, İsrail rejimi ordusuna bu dronları kamikadze dronlarına çevirməyə imkan verir.
Qəzzədə müharibənin davamı üçün maliyyə yardımlarının istənilməsi
EKO-nun bildirdiyinə əsasən, İsrail rejimi ordusu tərəfindən alınmış DJI tipli mülki yaxud sənaye dronlarının çoxu kamikadze dronlarına çevrilmək və partlayıcı maddələr daşımaq üçün istifadəçi dəyişikliyinə məruz qalıb.
Bellingcat saytının verdiyi məlumata görə, əksəriyyəti Meta reklamları vasitəsi ilə toplanan maliyyə yardımları ilə alınan bu dronların çoxu partlayıcı maddələr daşımaq, yəni intihar dronuna çevrilərək İsrail ordusunun Qəzzədəki hücumlarında istifadə edilmək üçün istifadəçi dəyişikliyinə məruz qalıb.
EKO misal olaraq İsrail ordusunun 551 komando briqadasının hərbiçilərindən biri “Mayer Malik”in reklamına işarə edir. O, reklamların birində qabaqcıl pulemyotlar və gecə görmə eynəkləri ilə, dağıdılmış bir məscidin qarşısında dayanıb, İsrail ordusuna daha çox pulemyot və eynək alınması üçün ianə kampaniyası aparır.
Bellingcat-ın verdiyi məlumata görə, 8219 döyüş mühəndisliyi batalyonuna bağlı İsrail ordusunun 551 komando briqadası Qəzzədə ən mühüm məhv etmə bölmələrindən biridir. Bu briqada İsrail rejiminin Qəzzə zolağında apardığı son müharibəsindəki bir il yarım vaxt ərzində bu bölgədə çoxlu mənzillər, yaşayış binaları və məscidlərin, bəzən də bir məhəllənin tamamilə dağıdılmasına səbəb olub. Bu qrupun cinayətləri BMT-nin xüsusi məruzəçisi tərəfindən anti-bəşər cinayətlər kimi sənədləşdirilib.
Bu bölmə indiyə qədər minlərlə yaşayış mənzilini dağıdıb və bir çox hallarda dağıntıların bu bölmənin intiqam alma addımları olduğu sübut olunub.
Bu reklamın dörd nüsxəsi Noyabrın 28-də Meta-ya bağlı platformalarda dərc olunub və bu hesabatın EKO Nəzarət Təşkilatı tərəfindən tənzimlənib dərc olunduğu vaxta qədər hamısı aktiv olub.
İsrail rejiminin təbliğatı beynəlxalq qanunları pozur
Hesabatın sonunda deyilir: Bu reklamlarda görünən və Aİ ölkələrini, ABŞ-ı hədəf seçən maliyyə yardımlarının toplanması kampaniyaları xeyriyyə ianələrinin verilməsi qanunları barəsində bir çox hüquqi və etik narahatlıqlar doğurur.
Məsələn, Fransada qanun xeyriyyə yardımlarından hərbi yardımlar üçün istifadə olunmasını aşkar şəkildə qadağan edir və vergi azadlığının yalnız mülki və humanitar fəaliyyətləri himayə edən yardımlara aid olduğunu qeyd edir.
Amerikada da buna oxşar məhdudiyyətlər tətbiq olunur və hərbi avadanlıq, o cümlədən silah və taktiki texnika alınması üçün birbaşa maliyyə yardımı istəyən reklamlar xeyriyyə yardımlarından sayılmırlar.
Meta öz siyasətlərini İsrail rejiminin təbliğatına tətbiq etmir
Meta-ya gəlincə, şirkətin siyasətləri silah, sursat, partlayıcı maddələr və hərbi avadanlıqlar üçün aparılan hər bir təbliğatı qadağan edir. Bu qanun adı çəkilənlərin alınması və istifadəsi üçün hər növ maliyyə yardımı toplanmasına aiddir.
EKO vurğulayıb: Bu hesabatda İsrail ordusunun təchiz olunmasından ötrü hərbi avadanlıqların alınması üçün maliyyə yardımı istənildiyini göstərən reklamlar tamamilə və aşkar olaraq bu qanunların ziddinədir.
Meta nifrət, zorakılıq, insanlara yaxud qruplara qarşı ayrı-seçkiliyi yayan məzmunlarla bağlı sərt qanunlar tətbiq edir. Amma bu hesabatda müşahidə edilən reklamların çoxu irqpərəst sözləri və təxribatçı, ayrı-seçkilik diskursları özündə ehtiva edib və Meta-nın qanunlarını ilə ziddiyyət təşkil edib.
