Xəbər TV kanallarından biri Tel-Əvivin, yeni bildirişində media məzmunlarına olan nəzarətini gücləndirdiyini və heç bir İsrail mediasına müharibəylə bağlı həssas xəbərləri dərc etməsinə icazə vermədiyini açıqlayıb.
Xarici KİV-in verdiyi məlumata görə, xəbər TV kanallarından biri sionist rejiminin Hərbi Nəzarət Təşkilatının İsrail medialarına verdiyi təlimatda lisenziya əldə etmədən səkkiz məsələ ilə məşğul olmalarına icazənin olmadığını açıqlayıb.
İsrail Hərbi Nəzarət Təşkilatı sionist rejiminin, rəhbərliyi “hərbi nəzarətçi” adlandırılan bir zabitin öhdəsində olan Aman adlı Hərbi Kəşfiyyat Təşkilatına bağlı hərbi bir bölmədir. Bu təşkilatın vəzifəsi sionist rejiminin təhlükəsizliyinə xələl gətirən xəbərlərin dərc olunmasının qarşısını almaqdır.
Həftənin bazar günü verilən məlumata əsasən, bu təşkilat bu təlimatda bütün İsrail medialarına bildiriş göndərərək, əsirlər və onların fiziki vəziyyəti yaxud Tel-Əvivin əsirlərin azad olunması ilə bağlı müzakirələr barəsində heç bir məlumat dərc etməmərini bildirib.
Həmçinin Hərbi Nəzarət Təşkilatı medialardan işğal olunmuş Fələstin torpaqlarındakı hərbi, kəşfiyyat və hassas möqelərə raket hücumu barəsində təfərrüatlarını açıqlamamağı tələb edib.
İsrail medialarının, həmçinin yüksək rütbəli hərbi rəsmilərin döyüş meydanlarına baxış keçirmələri ilə bağlı məlumatları və İsrail ordusunun istifadə etdiyi silah və avadanlıq təşkilatları barəsindəki xəbərləri dərc etmək icazələri yoxdur.
Bu təlimatda İsrail TV kanallarına əvvəldən Hərbi Nəzarət Təşkilatının təsdiqi olan hesabatdan başqa Nazirlər Kabinetinin iclasları barəsindəki xəbərləri dərc etməyə icazə verilməyib.
İsrail mediaları sionist rejimi ordusunun itkiləri ilə bağlı statistikanı Hərbi Nəzarət Təşkilatının təsdiqindən sonra və “dərcə icazə verildi” bəndinə əsasən dərc edirlər.
Fələstin müqavimət qüvvələri indiyədək bir çox bəyanatda İsrail ordusunun Qəzzə zolağında quru döyüşlərdəki itkilərinə dair doğru statistikanı açıqlamadığını vurğulayıblar.
Fələstin İslami Müqavimət Hərəkatının hərbi qolu “Qəssam batalyonları” (HƏMAS) bir neçə bəyanatda bildirib ki, Qəzzə zolağının müxtəlif nöqtələrində onlarla İsrail hərbiçisini öldürüb və İsrailə məxsus onlarla zirehli maşın və tankı “Yasin-105” raketlərindən istifadə etməklə məhv edib.
