İsrailin sabiq müharibə naziri Filadelfiya oxunda böyük tunelin aşkarlanması ilə bağlı yalan görüntü dərc edilərək ictimaiyyətin aldadıldığını etiraf edib.
Xarici KİV-in çərşənbə axşamı verdiyi xəbərə görə, sionist rejimin vəzifədən kənarlaşdırılmış müharibə naziri “Yoav Qalant” etiraf edib ki, bu rejimin ordusu saxta bir şəkil yayaraq, Filadelfiya oxunda böyük bir tunel aşkar etdiyini iddia edib.
O, bildirib: İsrail ordusunun yaydığı və Filadelfiya oxunda – Qəzzə zolağının cənubunda – yerin onlarla metr dərinliyində böyük bir tunelin olduğunu iddia etdiyi şəkil yalan idi.
Qalant əlavə olaraq deyib: Belə bir tunel ümumiyyətlə mövcud deyildi və aşkar edilən şey sadəcə bir metr dərinliyində bir çuxur idi.
Sionist rejimin sabiq müharibə naziri həmçinin etiraf edib ki, yayımlanan şəkil Filadelfiya oxunda tunellərin mövcudluğu barədə təbliğat aparmaq və bu yolun əhəmiyyətini şişirtmək, eyni zamanda əsir mübadiləsini təxirə salmaq məqsədilə istifadə olunub.
Qalant bu tunelin yalan olduğunu etiraf edib, halbuki, sionist rejim ötən il Qəzzə zolağının cənubundakı Rəfəh və Filadelfiya oxuna qarşı genişmiqyaslı hücumlar həyata keçirmək məqsədilə bu bölgədə çox sayda tunelin mövcud olduğunu iddia etmişdi.
Filadelfiya oxu və ya Salahəddin oxu Qəzzə zolağı ilə Misir sərhədi boyunca 14 kilometr uzunluğunda yerləşir və şimalda Aralıq dənizindən başlayaraq cənubda Kərəm Əbu Səlim keçid məntəqəsinə qədər uzanır.
1979-cu ildə Misir və İsrail arasında imzalanmış Kemp-Devid müqaviləsinin maddələrindən birinə əsasən, Filadelfiya oxu sərhəd boyunca yerləşən bir buffer (təhlükəsizlik) zonası sayılır.
2005-ci ildə İsrail Qəzzə zolağından geri çəkilənədək Filadelfiya oxuna nəzarət İsrailin əlində idi. Həmçinin Misir və İsrail arasında Filadelfiya razılaşması imzalanana qədər bu bölgədə silah daşınması qadağan edilmişdi. Lakin 18 aylıq danışıqlardan sonrS 2005-ci ilin Sentyabrında əldə edilən bu razılaşmaya əsasən, Misir qüvvələrinə yüngül silahlarla bu ərazidə yerləşmək icazəsi verildi.
Bu razılaşmaya görə, Filadelfiya oxunda yerləşdirilən Misir qüvvələrinin sayı təxminən 750 nəfər sərhəd mühafizəçisi səviyyəsindədir və onlar yüngül silahlarla təchiz olunublar. Bu qüvvələr terrorizmə qarşı mübarizə, sərhəddən qanunsuz keçidlərin qarşısının alınması və qaçaqmalçılığa qarşı fəaliyyət göstərirlər.
