Sionist beyin mərkəzlərindən biri sionist rejim siyasilərindən istəyib ki, Qafqazda Türkiyə və İranın nüfuzunun qarşısını almaq üçün Bakı və İrəvanla münasibətlərində balans yaratsın.
“Əl-Ərəbi əl-cədid” İnformasiya Agentliynin yazdığına görə, Bar-İlan Universitetinə (işğal edilmiş Fələstin ərazilərində ikinci böyük universitet) bağlı “Begin-Sadat Strateji Araşdırmalar Mərkəzi” sionist rejimi başçılarından istəyib ki, Azərbaycan və Ermənistanla münasibətlərində balans yaratsınlar. Belə ki, Azərbaycanla hazırkı əlaqələrini qorusunlar və eyni halda Ermənistanla da münasibətlər qursunlar. Beləliklə, İranın regionda genişlənməsinin qarşısı alınsın.
Begin-Sadat beyin mərkəzinin tədqiqatçısı Dimitri Şofenskinin hazırladığı bu hesabatda sionist rejiminin dövlət kabinetinə tövsiyə olunur ki, Qafqazda yeni yanaşma seçsin, bu yanaşma Ermənistan və Azərbaycan arasında vasitəçilik missiyası daşısın və iki ölkə arasında sülh yaratmaqla onların Türkiyə və İrana ehtiyacını azaltsın.
Mərkəzin tövsiyələrində vurğulanır ki, sionist rejimi Azərbaycan və Ermənistanla öz münasibətlərində tarazlıq yaratsın, Azərbaycana verdiyi müasir silahların oxşarı ilə Ermənistanı da silahlandırsın. Bu silahlandırma hər iki ölkənin müharibədən çəkinməsinə səbəb olacaq, çünki artıq bir tərəfin digər tərəfə üstünlüyü olmayacaq, beləliklə, Təl-Əviv iki tərəf arasında sülh yaradıcısı rolunu oynayacaq.
Beyin mərkəzi əlavə edir ki, Bakı və İrəvan arasında müharibə Təl-Əvivin xeyrinə deyil. Ona görə ki, bu müharibə Bakıda Ankara üçün ayaqyeri açır. Halbuki, Türkiyənin İsrailin maraqları əlehyinə strateji hərəkətləri bu ölkəni Təl-Əvivin geopolitik rəqibinə çevirmişdir, xüsusilə də Türkiyə Aralıq dənizində qaz ixracına başlamaqla və Fələstin İslami Müqavimət Hərəkətinə (HƏMAS) dəstək verməklə, habelə İsrailin müttəfiqləri olan kürdləri hədəfə almaqla Təl-Əvivə qarşı çıxır, digər tərəfdən Azərbaycanda Türkiyə üçün ayaqyerinin açılması Azərbaycan Respublikasının islamlaşmasına səbəb ola bilər.
Mərkəzin hesabatının davamında deyilir ki, bu dəyişim münaqişənin həllində Təl-Əvivin vasitəçilik rolu oynamasından, Türkiyə, İran və Rusiyanın bölgədə mövqeyini zəiflətməsindən əlavə, həm də Təl-Əvivin qərbli müttəfiqlərinin, xüsusilə də Amerika və Fransanın Qafqazda rolunun genişlənməsinə kömək edəcək.
Hesabatda Bakı ilə münasibətlərin Təl-Əviv üçün strateji əhəmiyyət daşımasına da toxunulur və bunun səbəbi olaraq deyilir ki, Bakı ilə münasibət İsrailin regional təhlükəsizliyi üçün lazım olan məsələlərdən sayılır.
Təl-Əvivin Bakı ilə əlaqələrini çox mühüm sayan sinost beyin mərkəzi yazır: “Azərbaycan Respublikası cəmiyyətinin hamısının şiə məzhəbli olmasına baxmayaraq, bu ölkənin hökuməti totalitar və sekulardır.”
Sonra Azərbaycanın Təl-Əvivdən silah aldığı və Təl-Əvivi neftlə təmin edən əsas ölkələrdən sayıldığı vurğulanır.
Strateji Araşdırmalar Mərkəzi hesabatının davamında iddia edir ki, Azərbaycan Respublikası İranı geopolitik təhdid sayır və həmin məsələ son hesabatları çox yaxşı izah edir; bu hesabatlarda vurğulanmışdı ki, Bakı İsrailə öz ərazisindən Tehran əleyhinə kəşfiyyat əməliyyatları, habelə İrana qarşı hava hücumları təşkil etmək üçün icazə vermişdir.
Sionist beyin mərkəzi qeyd edir ki, Ermənistanla münasibət qurmaq mümkündür. Çünki yəhudilər və Ermənistan əhalisi arasında çoxlu ortaqlıqlar vardır. Digər tərəfdən də beynəlxalq hüquq Ermənistanı və İsraili İordan çayının sahilini və Dağlıq qarabağ bölgəsini işğal etdikləri üçün işğalçı kimi tanıyır. Tarixi hadisələr İsrail və Ermənistan arasında təbii ittifaq yaranmasına mane olmuşdur və Ermənistan hal-hazırda öz iqtisadiyyatnı saxlamaq üçün Rusiya və İranla ticarət mübadiləsinə söykənmişdir.
Hesabat habelə Təl-Əviv və Ankara arasında möhkəm əlaqələrin olduğunu vurğulayaraq onu yenidən təhlil edir və yazır ki, bu münasibətlər Təl-Əvivə Osmanlının erməni soyqırımı həyata keçirməsini tanımağa imkan vermir.
