İraqdakı yüksək rütbəli mənbələr İsrail rejiminin İraq üçün hərbi hücumdan sonra ölkə hökumətini devirmək və öz hökumətini hakimiyyətə gətirmək planının olduğunu açıqlayıb.
Xarici KİV-in verdiyi məlumata görə, Nəcəfin cümə namazının imamı Höccətül-İslam Seyid Sədrəddin Qapançi cümə namazı xütbələrində sionistlərin İraqla bağlı planını açıqlayıb və onun sözlərinin təxəyyül olmadığını və dediklərinin “yüksək rütbəli mənbələrin ona məlumat verdiyi” bir xəbər olduğunu vurğulayıb.
Höccətül-İslam Qapançi xütbəsində Mossad və İsrail ordusunun indiki İraq hökumətini devirmək üçün iki mərhələli planını açıqlayıb və deyib: “Yüksək səviyyəli mənbələrdən əldə olunan bəzi işarə və sirlər göstərir ki, İsrailin bir sui-qəsdi mövcuddur. Bu sui-qəsdin məqsədi əvvəlcə ‘İntizami Çərçivə’ (el-İttarət et-Tənsiki) siyasi koalisiyasının bütün liderlərini aradan qaldırmaq, sonra isə İraqa milli xilasedici hökumətin təyin edilməsini məcbur etməkdir.”
Xəbər saytlarından birinin məlumatına görə, Ayətullah Sistaninin nümayəndəsi əlavə olaraq bildirib: “Bu sözlərim xəyal deyil. Hərəkətlərə dair işarələr mövcuddur və biz İran təcrübəsini özümüzdə görürük; İsrail hökuməti əvvəlcə liderlərini aradan qaldırmaqla, sonra isə siyasi və dövlət boşluğunu başqa vasitələrlə doldurmağa çalışır.”
Əl-Qapançi sionist rejimə xəbərdarlıq edərək deyib: Biz inanırıq ki, bütün bu səylər nəticəsiz qalıb. Buna misal olaraq komandirlərin öldürülməsindən sonra İranda reaksiyaların başlaması, hesablamaların dəyişməsi və İsrailə raketlərin atılması göstərilir. İsraillilər bundan dərs almalıdırlar.
Ayətullah Sistaninin nümayəndəsi vurğulayıb: Biz Allaha inanırıq və qələbə Ondandır. Xalqımız Hüseyni (əleyhissalam) sevir və Allah bizi tərk etməz.
