Beynəlxalq medialar işğalçı qüvvələrin Qəzzədəki Fələstin xalqına qarşı paltarları çıxartmaq, hücum etmək, döymək və təhqir etmək, xəstəxanaların mühasirəsi və bombalanması, xəstələrin və tibb işçilərinin öldürülməsi kimi dəhşətli hərəkətləri əks etdirən şəkillər və videolar yayımlayıblar. Onlar bu vəhşilikləri heç bir hərbi əsaslandırma olmadan həyata keçirirlər.
Sionist rejiminin bu hərəkətlərinin çox təhlükəli dəlillərindən biri sionist ravvinlərinin də hərbiçilərin vəhşiliklərə sövq edilməsi üçün dini mətnlərə istinad etmələri və bütün bu cinayətlərə haqq qazandırmaq üçün bu vəhşilikləri müqəddəsləşdirmələridir. Yəni ona əməl edən hər bir sionist daha sadiq və Təlmud mətnlərinə daha bağlıdır.
Əgər “Eyal Kərim” kimi ravvinlərin fətvalarına nəzər salsaq, İsrail rejiminin bütün bu vəhşiliklərinin səbəbini tapa bilərik. Eyal Kərim bundan öncə paraşütçülər bölməsində fəaliyyət göstərirdi. O, 2016-ci ildə baş ravvin kimi işağlçı orduya qoşuldu və Telmudla bağl məsələlərdə hərbiçilər üçün fətva verdi.
Bu irqpərəst ravvin fələstinlilərə qarşı irqçi bəyanatları və yəhudi olmayan qadınlara təcavüzə dəvəti ilə məşhurdur. O, fətva verərək israilli hərbiçilərə yəhudi olmayan qadınlara, xüsusən də gözəl olanlara təcavüz etmə icazəsi verir və bunu belə açıqlayır ki, bu, hərbiçilərin hazırlığını və mənəvi-psixoloji vəziyyətini qorumaq üçün vacibdir.
Ravvin Eyal Kərimin digər bir fətvası yaralıları öldürmək üçün icazə verməsidir. O, deyib: Hücumçularla insan kimi rəftar etmək olmaz. Hər kəs vəhşilərə rəhm etsə, özü vəhşiləşər. O, həmçinin iş yerlərində yəhudilərə üstünlük verilməsini və onların İsrail ordusunda xidmət etməyə məcbur olan ərəblərdən və druzlardan üstün tutulmalarını istəyib.
Eyal Kərim, həmçinin qeyri-yəhudi biri ilə bərabər rəftarı və ona yəhudilərlə eyni hüquq verməyi Telmud təlimlərinin aşkar pozuntusu sayıb və vurulayıb ki, siyasətçilərin Telmud barəsində heç bir ixtiyarları yoxdur.
Eyal hər hansı bir əməliyyatı yaxud silahlı hücumu zərərsizləşdirmək bəhanəsi ilə fələstinli əsirlərindən təhlükəsizlik məlumatlarını çıxarmaq məqsədi ilə onlara işgəncə verməyi dəstəkləyib. O, təkcə fələstinlilərə qarşı maneə yaratmaq deyil, həm də onları zəiflətmək məqsədi ilə onların mülklərini hədəfə almağa çağırıb.
Eyal Kərimin fətvaları tamamilə irqpərəstcəsinə olan fətvalardır və sionist rejiminin siyasətçilərinin çoxunun razı olduqları təlimlərdir. Sionist Rejimin Ali Məhkəməsi Eyalın işğalçı orduya baş ravvin kimi təyin olmasının təsdiqlənməsini təxirə saldığı vaxt, sionist rejimin keçmiş baş naziri Naftali Benet Ali Məhkəməyə hücum etdi və Ali Məhkəmənin hakimlərini, özlərini İsrail ordusunun komandirindən daha anlayışlı və bilikli hesab etdiklərinə görə ittiham etdi. Çünki, ordu komandiri Kərimin bu sahəyə təyin edilməsini təsdiqləmişdi. Şas partiyası da Ali Məhkəmənin bu qərarını tənqid edib, onun Yəhudi Ravvinləri İnstitutunun mütəqilliyinin pozuntusu və çox təhlükəli tarix olduğunu bildirib və həmçinin məhkəmənin ravvinlər tərəfindən verilən fətvalara müdaxiləsini rədd edib.
Hətta sionist rejiminin baş naziri Benyamin Netanyahuya yaxın olan qəzetlərdən biri də Eyal Kərimin işğalçı qüvvələrin baş ravvini vəzifəsinə təyin olunması mövzusuna müdaxilə etdiyinə görə məhkəməyə hücum edib.
Ravvinlərin bir çoxu ekstremistdir və fələstinlilərlə insan kimi rəftar etmirlər. İsrail rejiminin baş ravvini İshaq Yusif bir fətvasında bildirib ki, əlinə bıçaq alan hər bir fələstinli öldürülməlidir. Əgər fələstinlinin bıçağı da olmasa, vədə verilmiş Məsih gələnə qədər ömürlük həbs olunmalıdır və o zaman o fələstinlini öldürmək olar!
İşğalçı hərbiçilər Qəzzədəki müdafiəsiz Fələstin xalqı ilə rəftarda heç bir insani, dini, əxlaqi, beynəlxalq qanuna riayət etmirlər və heç bir beynəlxalq qrum da onların qarşısını almır. Sionistlər 70 il çalışdılar ki, dünya ictimaiyyətini “etik ordu, sivil cəmiyyət, demokratik qanunlar, digərləri ilə insani rəftar və s.” kimi şeylərə malik olmaları iddiasi ilə aldatsınlar. Amma bu ötük 6 ay ərzində tamamilə onların üzündən düşdü və onların mənfur həqiqəti bütün dünyaya, xüsusən də Qərb dünyasına aydın oldu. Hətta sionist rejiminin xaç atası və onların həmişəki himayəçisi olan Amerika da ən azı zahirdə onların əməlini tənqid etdi.
