İsrail mediasından açıqlama: Ərbildə əsil hədəf kim idi?

İslam İnqilabı Keşikçiləri Korpusunun (SEPAH) Ərbil şəhərindəki bir mərkəzə hücumundan və ABŞ mətbuatının İraqın şimalında İsrail hücrəsinə hücumla bağlı xəbərlərindən sonra, İsrail mediası indi hədəfin əslində kim olduğunu soruşur.
SEPAH-ın İraqın şimalındakı Ərbil şəhərində Mossad bazasına son raket hücumundan sonra, Tel-Əvivin siyasi, hərbi və təhlükəsizlik qrumlarının tamamilə susmasına baxmayaraq, sionist mediası diqqətini Şimali İraqda hücuma məruz qalan hədəfə yönəldib.
İraq media mənbələri bazar günü səhər İraq Kürdüstanı bölgəsinin Ərbil şəhərində dəhşətli partlayış səslərinin eşidildiyini bildirib. Sabirin News xəbər mənbəyinə istinadən bildirib: “İraqın şimalındakı Ərbil şəhərində İsrailin iki qabaqcıl Mossad təlim mərkəzi ballistik raketlərlə hücuma məruz qalıb.”
Bazar günü günorta SEPAH bir bəyanat yayaraq, sui-qəsd və mənfur planlar üçün fəaliyyət göstərən sionistlərə məxsus strateji mərkəzlərin nöqtə atışlı raketlərlə hədəfə alınmasına işarə edib. Bəyanatda deyilib: “İstənilən pisliyin təkrarı sərt, qəti və dağıdıcı cavablarla qarşılanacaq.”
Bu arada bir çox KİV hədəfin mahiyyəti və belə bir zamanda ona hücum etməyin mənası ilə bağlı suallar doğuran çoxsaylı xəbərlər dərc edib.
Əl-Məyadin xəbər saytı çərşənbə günü axşam saatlarında İran və Tel-Əviv arasında döyüşün fərqli forma aldığını və şiddətləndiyini bildirib.
Hədəf “İsrail” idi.
Əl-Məyadin əvvəlcə SEPAH-ın bəyanatına istinad edərək yazır:
“İran İnqilabı Keşikçiləri Korpusunun Ərbildəki İsrail hədəfinə hücum etdiyinə dair rəsmi və aşkar açıqlaması rəsmi İsrail qrumları tərəfindən sükutla qarşılanıb və indiyədək bu bəyanatı təsdiq və ya təkzib edən heç bir açıqlama verilməyib.”
İsrail mediası əvvəlcə İranın bu açıqlamasını ələ salıb, hətta bəzi sionist müxbirlər “İranın İraqdakı Mossad bazasına hücum etdiklərini elan edəndə onlara güldüklərini” deyiblər.
Lakin bu açıqlamadan sonra vəziyyət “dəyişib” və bir sıra sionist ekspertlər və müxbirlər ABŞ və İraq rəsmilərinin bəyanatlarına istinad edərək, “hədəf İsrail idi.” – deyə açıq şəkildə bəyanatlar verib.
Knessetin (İsrail parlamenti) Xarici Əlaqələr və Təhlükəsizlik Komitəsinin keçmiş üzvü və sionist ordusunun şimal bölgələri komandirinin müavini Ayal bin Rovin bununla bağlı deyib:
“Ərbildə hədəf alınan mərkəzlə bağlı çox söhbət açmaq düzgün deyil.”
O, əlavə edib: “Belə bir zamanda Amerika hədəflərinə hücum İranın xeyrinə deyil.”
Digər tərəfdən, sionist rejimin keçmiş nazirlərindən olan “Haim Ramon” bununla bağlı bildirib:
“Belə başa düşülür ki, onlar (iranlılar) əslində (Ərbildə) Amerika nümayəndə heyətinə deyil, İsrailə hücum ediblər.”
Joaf Limur ibrani dilli “Israel Hayom” qəzetinin hərbi müxbiri də bu məsələyə toxunanlar arasında olub və qeyd edib ki, İran İraqın şimalında “Mossad”ın fəaliyyətinə görə Kürd bölgəsindəki “gizli İsrail obyektinə” hücum etdiyini dedikdə, bu, ciddi qəbul edilməlidir.
Sionist rejim televiziyasının 13-cü kanalının hərbi müxbiri Over Hiller deyib: “İranlıların İraqda hücum etdiyi binada İsrail üçün sabit bazanın olmadığını təxmin etmək olar.”
Əl-Məyadin yazır: “İsrailli müxbirlər Amerikanın bir sıra KİV-lərinin hədəflərin İsrailə aid olması ilə bağlı yazılarına diqqətlə yanaşıblar və qeyd ediblər ki, amerikalılar hədəflərin Mossad-a aid olduğunu demirlər. Lakin onlar bunun “İsrail nümayəndə heyətinə” qarşı olduğunu deyirlər.
Bəzi israilli jurnalistlər “Vaşinqton Post”un xəbərinin həmin hissəsinə diqqət çəkiblər:
Amerikalı mənbənin İraqın yüksək səviyyəli mənbəsinə istinadən yazdığına görə, “bu, İranın İsrail obyektinə raket hücumu idi.”
Livan mediası yazır: New York Times qəzetinin müxbiri də öz Twitter hesabında əlavə edib ki, yüksək rütbəli ABŞ rəsmisi binanın İsrailin təlim bazası kimi istifadə edildiyini və yaxınlıqdakı ABŞ konsulluğu yerləşən binanın hücuma məruz qalmadığını bildirib.
Hesab hələ də qapanmayıb.
Sionist media müxbirlərinin İranın Ərbilə hücumunun səbəbi ilə bağlı nəzəri iki qrupa bölünür. Birinci qrup İranın Suriyadakı qüvvələrinin şəhadətinə cavab olaraq hücumu həyata keçirdiyinə inanır. Amma ikinci qrup fərqli fikirdədir və hesab edir ki, Ərbil hücumunun Suriyada baş verənlərlə heç bir əlaqəsi yoxdur, əksinə İsrailin başqa bir hücumu ilə bağlıdır.
Əl-Məyadin əlavə edir ki, işğal olunmuş Fələstində İranın cavabının tam olub-olmaması ilə bağlı yekdillik yoxdur. Lakin bəzi sionist media müxbirləri İsrail qüvvələrinin İranın şimaldan və ya cənubdan pilotsuz uçan aparatlarla hücum edəcəyi qorxusu ilə yşadığını və bunun üçün daim hazır vəziyyətdə olmağa çalışdıqlarını, başqa sözlə, hesabın hələ qapanmadığını bildirir.
İran və Tel-Əviv arasındakı döyüşün forması dəyişib
Hesabatın başqa bir hissəsində Livan xəbər kanalı yazıb:
“Yaxın keçmişdə İran və İsrail arasında hadisələrin və gərginliyin artması bəzi israilli ekspertlərin və jurnalistlərin regionda İran və İsrail arasında münaqişənin kəskinləşməsindən danışmağa, habelə İsraildə İranla müharibə olduğunu söyləyən təxminlərə səbəb olub.”
Əl-Məyadin İran-İsrail münaqişəsinin ictimailəşdirilməsinin bəzi sionist jurnalistlərin çıxışlarında da öz əksini tapdığını bildirib.
Bəzi sionist media müxbirləri də deyib: “İraq, İsrail və İran ümumiyyətlə diqqət yetirilməyən üçbucaqdır. Əgər Suriyada pərdə arxasında gedən və çox qeyri-müəyyən məsələlər varsa, İraqda bu məsələlər daha müəmmalıdır.”
Jurnalistlər həmçinin hesab edirdilər ki, Avropa müharibə etməsəydi, Ərbildə baş verənlər tamamilə qeyri-adi, dramatik nəzərə çarpardı, çünki bu, böyük bir hadisə idi.
Lakin bu jurnalistlərin bəziləri Tel-Əvivə xəbərdarlıq etmişdilər ki, İranın xəbərdarlığını gözardı etmək olmaz, çünki işğal olunmuş ərazilərin sakinləri bir sabah yuxudan oyanıb – Tel-Əvivin nə uğrunda mübarizə apardığını bilmədən – özlərini şiddətli və açıq qarşıdurmada görəcəklər.
Hesabatın yekun hissəsində bildirilib: Bu dəfə İranın hücuma görə məsuliyyəti praktiki olaraq öz üzərinə götürdüyünü qeyd edən sionist jurnalistlər açıqlayıb:
“Bu, İranın nüvə sazişindən sonra görəcəyimiz şeylərin ilkin müqəddiməsidir, yəni nüvə sazişinin imzalanmasından sonra biz İranı daha cəsarətli və fəaliyyətlərini daha aydın görəcəyik.”