İspaniya analitik mərkəzinin bir hesabatı göstərir ki, bu ölkənin hökuməti İsraili sərt şəkildə tənqid etməklə yanaşı, eyni zamanda bu rejimlə silah alqı-satqısı müqavilələrini də irəli aparır.
İspaniyanın solçu hökuməti İsrail rejimi ilə silah ticarətini aşkar şəkildə qadağan edirdi, amma üzə çıxıb ki, Qəzzə zolağında müharibə başlayan vaxtdan bəri İsrail şirkətləri ilə 1.2 milyard dollardan çox dəyərə sahib 46 müqavilə imzalayıb.
İspaniyadakı “Santre Dalas” düşüncə mərkəzi baş nazir Pedro Sançes hökumətinin söz və əməlinin uyğun gəlmədiyinə toxunaraq yazıb: “Hökumətin yalan danışdığı tam şəkildə məlumdur. Heç bir öhdəlik omayıb və bütün bu sözlər təbliğat imiş.”
Pedro Sançes 2023-cü ilin Oktyabrında Qəzzədə toqquşmaların şiddətlənməsindən sonra söz səviyyəsində İsrail rejimi ilə silah ticarətinə qarşı sərt mövqelər nümayiş etdirməyə çalışıb.
O, 2024-cü ilin Oktyabrında beynəlxalq ictimaiyyətdən sionist rejiminə silah ixracının dərhal dayandırılmasını tələb edib və bu rejimin Livanda BMT-nin sülhməramlı qüvvələrinə qarşı hücumlarını pisləyib.
Sançes, həmçinin iddia etmişdi ki, İspaniya 2023-cü ilin Oktyabrından etibarən İsrail rejiminə silah satışını dayandıran ölkələrdən biridir.
Politico saytı xəbər verib ki, Sançes hökuməti bu qalmaqalın ifşa olunması ilə ictimai qəzəbin artmasından sonra sionist rejimin silahlarının alınmasına dair bir müqaviləni ləğv etməyə qərar verib.
