Fələstin KİV-i sionist rejimin muzdlu ünsürü və Qəzzə zolağındakı ərəb ölkələrinin kəşfiyyat xidmətləri ilə əlaqəli olan “İsam ən-Nəbahin”in dəqiq kimiyini açıqlayıb.
Məlumata əsasən, xəbər agentliklərindən biri “Cinayətkarlıqdan işğalçılar üçün muzdluluğa; İsam Əl-Nəbahin kimdir?” başlığı ilə Qəzzə zolağındakı sionist dəstənin başçısı, “Yasir Əbu Şəbab” təşkilatında fəaliyyət göstərən sionist rejimin muzdlu əsgərinin mahiyyətini araşdıraraq yazıb: “Bir daha “İsam Xalid ən-Nəbahin”in adı çəkildi və bu dəfə Qəzzədə ən təhlükəli təhlükəsizlik işlərindən birində. Bu, etibarlı mənbələr onun işğalçıların muzdlu əsgəri Yasir Əbu Şababın rəhbərlik etdiyi silahlı dəstənin təşkilində bilavasitə iştirak etməsi barədə məlumat verdikdən sonra baş verib.
İsam ən-Nəbahin kimdir?
O, 1991-ci ildə Qəzzənin mərkəzindəki ən-Nəsirat düşərgəsində anadan olub. Təhsilinə gəlincə, o, akademik uğursuzluğu və bu sahədə zəifliyi ilə tanınır. O, dağılmış, əxlaqi problemlər və qeyri-normal davranışlara sahib bir ailəyə mənsubdur. Ən-Nəbahin cəmiyyət tərəfindən geniş şəkildə rədd edilib.
Cinayətdən muzdluluğa
O, son dövrlərdə təşkilatçılıq baxımından dəyişkən bir fiqur idi. O, sələfilərlə başlayıb, sonra “İslam ordusu”na qoşulub, daha sonra Misirin Sinay yarımadasında İŞİD-ə qoşulub, Fələstin və Misir təhlükəsizlik qüvvələrinin qətlində, hərbi mərkəzlərin partladılmasında iştirak edib. Bu səbəbdən Misir və Qəzzədə terror siyahısına salınıb.
2023-cü ilin İyununda Qəzzə zolağında Nəsirat düşərgəsində müşahidə edilib və onu həbs etmək istəyərkən “Xaled Musleh” bir polisi öldürüb. O, həbs olunmuş və asılaraq ölümə məhkum edilmişdi. Lakin 2023-cü ilin Oktyabrında İsrailin Qəzzəyə qarşı müharibəsinin başlanğıcında şübhəli şəraitdə həbsxanadan qaçaraq təhlükəli mərhələyə başlayıb.
Əbu Şəbab adlı cinayətkar və muzdlular dəstəsi ilə əlaqə
Ən-Nəbahin sonradan Qəzzə zolağının cənubunda yerləşən Rəfah şəhərinin şərqində “Yasir Əbu Şəbab” dəstəsinə qoşulub. Bu dəstə Qəzzə zolağında İsrail işğalçılarına muzdluluq edən və təhlükəsizlik boşluğunun yaşandığı ərazilərdə fəaliyyət göstərən bir qrupdur.
Hesabatlara görə, ən-Nəbahin humanitar yardımların yığılması, qaçaqmalçılığı və onların qara bazarda satışı üzrə başçı və mütəxəssis olub. Eyni zamanda, İsrail rejiminin yaşayış məntəqələrinə hücum etməsi üçün raket atışları təşkil etmək, xaos yaratmaq, talançılıq və Rəfahın şərq hissəsi ilə ən-Nəsirat sakinlərindən hədə-qorxu ilə pul almaq kimi fəaliyyətlərdə iştirak edib.
Xəbər mənbələri, həmçinin onun özlərini “qəzəbli Fələstin xalqının səsi” kimi təqdim edən, lakin əslində saxta olan bir media şəbəkəsi ilə əlaqəli olduğunu bildiriblər. Bu arada, ən-Nəbahinin ailəsi yayımladığı bəyanatda tam şəkildə ondan imtina etdiklərini və Qəzzə təhlükəsizlik qüvvələrindən onunla bir cinayətkar və muzdlunun müvafiq şəkildə davranılmasını tələb etdiklərini bildirib. Ailə rəsmi şəkildə onu rədd edib.
Xarici kəşfiyyat dəstəyi
Əldə olunan məlumatlara əsasən, ən-Nəbahinlə əlaqəli olan qrup bəzi ərəb ölkələrinin kəşfiyyat xidmətlərindən avtomobil, müasir gecəgörmə cihazları, naviqasiya avadanlıqları və şifrələnmiş rabitə sistemləri alıb.
Fələstin Müqavimətinin təhlükəsizlik qüvvələri bildirib ki, ən-Nəbahin və onun kimilər Müqavimətin qanuni hədəfləridir. Onlar işğalçıların informasiya-təhlükəsizlik layihəsinin bir hissəsidir və məqsədləri Qəzzə zolağında daxili cəbhəni zəiflətmək, xalqı aclıq içində saxlamaq, qarışıqlıq və xaos yaratmaq, həmçinin quldurluq və dağıntılarla cəmiyyətə zərbə vurmaqdır.
Xəbər agentliklərindən biri bildirib ki, ən-Nəbahin Qəzzə zolağında mücahid “Səhm” (Ox) qrupu tərəfindən saxlanılıb.
