İsrail qəzeti İrana qarşı tətbiq olunan müharibə zamanı sionist pilotların Qəzzəni bu müharibədə ikinci dərəcəli hədəfə çevirdiyi vəhşi qərarını ortaya çıxarıb.
Xarici KİV-in verdiyi məlumata əsasən, “Maariv” qəzeti şokedici xəbərdə İranla müharibə zamanı raket və pilotsuz təyyarələrin qarşısını almaq missiyasını yerinə yetirən pilotların Qəzzə zolağının üzərinə artıq sursat atdığını bildirib.
Məlumata görə, ələ keçirmə əməliyyatından sonra sionist rejimin pilotları təyyarələrinin hələ də sursatla dolu olduğunu anlayıb və Qəzzə üzərindən döyüş sursatı atmaq üçün marşrutlarını dəyişiblər.
Bu hərəkətin təfərrüatlarına gəlincə, bildirilib ki, müharibənin ilk günündə pilotlar İsrailin Qəzzədəki əməliyyat otağı ilə əlaqə saxlayaraq, qalan sursatların Qəzzədəki hədəflərə atılmasını təklif ediblər. Qəzzə bölgəsindəki əməliyyat komandanlığı da bu təkliflə razılaşıb və beləliklə, bu hərəkət gündəlik prosedura çevrilib.
İbranicə yayımlanan “Maariv” qəzeti İrana qarşı hərbi əməliyyatın ilk günündə İsrail səmasını İran raketləri və pilotsuz təyyarələrindən qorumaq vəzifəsi daşıyan israilli pilotların öz təyyarələrini də “hava-yer” raketləri ilə təchiz etdiklərini yazıb.
Hər bir təyyarənin müəyyən bir vaxta malik kəşfiyyat missiyası var idi və missiya tamamlandıqdan sonra pilotlar Qəzzədə əməliyyat otağı ilə əlaqə saxlayaraq Qəzzənin şimalında və Xan Yunis bölgəsində fəaliyyət göstərən İsrail quru qüvvələrinə kömək etmək üçün qalan sursatların Qəzzədəki hədəflərə atılmasını təklif ediblər və bu, əməliyyat otağı tərəfindən təsdiqlənib.
