İranın yardımı ilk Qarabağ müharibəsində 400 min azərbaycanlını xilas etdi

Azərbaycan Respublikasında «Milli TV» informasiya portalı Qarabağın azad edilməsi barədəki reportajında yazıb: İran artilleriyasının köməyi ilə 400 min azərbaycanlı ilk Dağlıq Qarabağ müharibəsində xilas edilib.
SəhərAzəri xəbər verir, bu qeydlərin müəllifi Mirzağa Məmmədli 44 günlük son Qarabağ savaşında İran İslam Respublikasının mövqeyinə işarə ilə yazıb: Azərbaycan Respublikası bu müharibə nəticəsində Dağlıq Qarabağda işğal olunmuş ərazilərini azad və öz ərazi bütövlüyünü bərqərar edə bildi.
Son 44 günlük Qarabağ savaşının öz düşmənləri və əsl dostlarını tanımaqa Azərbaycan Respublikasına imkan yaratdığını bildirən Məmmədli vurğulayıb: Azərbaycan Respublikasının Prezidenti İlham Əliyev bu savaş boyu dostcasına yardımları və himayələrinə görə, dəfələrlə İran İslam Respublikasına təşəkkür etdi və iki ölkə sərhədlərini dostluq sərhədləri adlandırdı.
Azərbaycan Respublikasının prezidenti müharibə gedişində xarici medialarla müsahibələrində İran İslam Respublikasının mövqelərinə yüksək dəyər verdi.
Reportajın müəllifi Azərbaycan Respublikası milli məclisinin üzvü Hikmət Babaoğlunun «İran Azərbaycan Respublikası üçün nəinki qonşu, həm də qardaş ölkədir» kimi son çıxışına işarə ilə yazıb: Son Qarabağ müharibəsində iranlı qardaşların gerçək həmrəyliklərinin şahidi olduq və İran İslam Respublikasının yüksək vəzifəli rəsmiləri də dəfələrlə Azərbaycan Respublikasının ərazi bütövlüyünə öz dəstəklərini elan etdilər.
Məmmədli yazır: Azərbaycan Respublikasının əksər siyasi eksperti İran İslam Respublikasının son Qarabağ müharibəsindəki mövqeyi barədə fikir birliyinə malikdir. Onların qənaətincə, İranın bu müharibədəki mövqeyi təqdirəlayiq və ədalətli olubdur.
Babaoğlu İran İslam Respublikasının son Qarabağ müharibəsindəki mövqeyini İranın Azərbaycan Respublikası ilə bağlı dostluq və qardaşlığının nişanəsi adlandırıb. Bildirib ki, iki ölkə münasibətləri bundan sonra da daima yüksək səviyyədə qərar tapacaqdır.