İran İslam Respublikasının Təhlükəsizlik naziri İsmail Xətib bildirib ki, ölkəyə daxil olub ölkə, region səviyyəsində və İraqdakı Ərbəin günlərində zərəli və sabitliyi pozan hərəkətlər etmək istəyən təxminən 200 İŞİD üzvü, vaxtındakı tədbirlər və son həbslərlə zərərsizləşdirilib.
İran Təhlükəsizlik nazirinin bu günlərdə səsləndirdiyi sözlər faktlarla öz təsdiqini tapıb. Çünki, ABŞ öz məqsədlərinə, xüsusən də İrandakı məqsədlərinə çatmaq üçün növbəti dəfə özünün yandırılmış “İŞİD” kartından istifadə etdi . ABŞ ləyaqətini qaytarmaq və İran qarşısındakı məğlubiyyətlərini kompensasiya etməkdən ötrü mübarizə aparmaq üçün 50-dən çox kəşfiyyat cihazını işlətdi.
Vaşinqtonun “İŞİD”-i yenidən dirçəltmə zəmnindəki ən əsas məqsədlərindən biri, Ərbəin ziyarəti eposuna zərbə vurmaqdır. Bu elə bir işdir ki, İmam Hüseynin (ə) aşiqlərinin böyük karvan yürüşü ilə nəticələnib, İran, İraq və həmçinin region millətlərinin düşmənlərini qorxuya salıb. ABŞ və bu millətin düşmənləri İmam Hüseynin (ə) aşiqlərinin o Həzrətin ədalətsizliyin, diktaturanın, zülmün, azğınlığın və tənəzzülün rədd olunmasına söykənən yanaşmasına bağlılığına israrlarına dözə bilmirlər.
Təsadüfi deyil ki, İŞİD terorizmi Qərbdə sağçı sionist terorizmi ilə eyni zamanda üzə çıxıb. Hər iki terorizmin məqsədi İslam simvollarına zərbə vurmaq və onların müqəddəslərini zəiflətməkdir. Qərb müsəlmanların kimliyini onlardan almaq və saman çöpü kimi Qərb fırtınaları ilə əlaqəndirmək niyyətindədir.
Təhlükəsizlik naziri, həmçinin ABŞ-ın əldə etmək üçün acizcəsinə çalışdığı digər əsas hədəfinə işarə edərək deyib ki, Vaşinqton İŞİD vasitəsi ilə İranın təhlükəsizliyinə və sabitliyinə zərbə vurmaq istəyir. Onun sabitliyini pozaraq qarşıdan gələn parlament seçkinlərində xalqın iştirakını azaltmaq istəyir.
O, eyni zamanda ötən ildəki iğtişaşların birinci ildönümü münasibəti ilə İranda xaos yaratmaq üçün düşmənin planının olması barədə xəbərdarlıq edib.
Xoşbəxtlikdən İran düşmənin planlarından xəbərdardır və bu layihələrin çoxu həyata keçməmişdən öncə məğlubiyyətə uğrayır. İran təhlükəsizlik orqanları Fransa, İsveç, İngiltərə və digər ölkələrdən olan casusları həbs etməyə nail olublar. Bu tədbirlər casusların İran barəsindəki məlumatları operatorlarına çatdırmamışdan əvvəl baş tutub. Bütün bu uğurlar təhlükəsizlik orqanları arasındakı həmahəngliyə və əməkdaşlığa görədir. Bu, İran və onun xalqını ABŞ-ın, casusların və yaratdığı İŞİD-in şərrindən qoruyub və qoruyacaq.
