Londanda yerləşən qeyri-kommersiya mətbuat təşkilatlarından biri təqdim etdiyi təhlillərin birində İsraili dəstəkləyən geniş anti-İslam şəbəkəsinin İngiltərədəki son iğtişaş liderlərini bir neçə onilliklər ərzində himayə etdiklərini üzə çıxarıb.
Xarici KİV-in verdiyi məlumata görə, İngiltərədəki son anti-İslam iğtişaşlarının ortaya çıxmasında əsas təsirə malik olan Tommy Robinson və Katie Hopkins illərdir ki, israillilər tərəfindən maliyyə dəstəyi alırlar.
Londondakı mətbuat təşkilatlarından biri texnologiya sahəsindəki amerikalı milyarder Robert Şilman, Rebel xəbər agentliyi şəbəkəsi və sionist rejiminin müdafiə nazirliyinin keçmiş əməkdaşlarından biri (israillilərin zənnincə) İsraili dəstələyən və İslam əleyhinə olan bu geniş şəbəkənin əsasını təşkil edirlər. Qeyd edilən mətbuat təşkilatı sionist rejimini dəstələyən və İslam əleyhinə olan bu şəbəkənin İngiltərədəki son iğtişaşlar başlamamışdan əvvəl İsraili dəstəkləyən 20 minlik bir cəmiyyət yaratdığına işarə edib.
İngiltərədə İslam əleyhinə iğtişaşların əsas lideri Tommy Robinson
Tommy Robinson bundan öncə “İngilis Müdafiə Liqası” adlı anti-İslam və ifrat sağçı qrupunun rəhbəri olub. O, bu illər ərzində təkcə İsrailin maliyyə dəstəklərinə sahib olmayıb, həm də özünü bir “sionist” hesab edib. Çünki öz etirafına əsasən, onların “vədə verilmiş torpaqlar”a sahib olma haqqına inanır.
O, 2016-cı ildə İsrail himayəçilərinin dəstəyi ilə işğal altındakı torpaqlara səfər edib. Robinson Britaniyanın “Southport” hadisəsini törədənin kimliyi barəsindəki yalan məlumatlara söykənməklə İngiltərə küçələrində anti-İslam və anti-mühacirət iğtişaşları dalğası yaradan əsas şəxsdir. Beləki, ölkənin baş naziri vəziyyətə nəzarətin onların əlindən çıxdığını açıqlamışdı.
O, son günlərdə də sosial şəbəkələrdəki səhifələrində fələstinlərə qarşı nalayiq sözlər yazmaqla, bu bölgənin əhalisini “İslam parazitləri” adlandırıb və Fələstinin “terrorçular”la dolu olduğunu iddia edib.
İngiltərə qəzetlərindən biri Robinsonun keçmiş həmkarlarından birinin sözlərinə istinad edərək, İsraili dəstəkləyən və İslam əleyhinə olan tədbirləri həyata keçirmək üçün onun hər ay amerikalı milyarderd Robert Şilmandan minlərlə dollar aldığını ifşa edib.
Robinson, həmçinin öz məhkəmə cəzasını ödəmək üçün də Orta Şərq Cəmiyyəti adlı bir qrumdan minlərlə dollar kömək alıb. Bu qrum, həmçinin Robinsonu dəstəkləmək üçün kütləvi aksiyalar keçirib və bu qrumun rəhbərliyi də bir israillinin əlindədir.
Orta Şərq Cəmiyyəti rəhbəri “Qreq Roman” İsrail rejiminin keçmiş əməkdaşı olub və əvvəllər də koordinator kimi Amerikanın Qərb Sahillərində İsrail Müdafiə Nazirliyi ilə bağlı işlərinin həllini öhdəsinə götürüb. Bu qrum Robinsonu dəstəklədiyinə görə peşman olduğunu bildirsə də, hələ də Orta Şərq Cəmiyyətinin saytında ifrat sağçı iğtişaşların liderini dəstəklənməsinə dair çoxlu yazılar möcvuddur.
İslam əleyhinə iğtişaşların başlamasının əsas səbəbkarlarından olan Katie Hopkins
İsrailin ciddi dəstəkçilərindən olan “Katie Hopkins” “Southport” hadisəsini törədənin kimliyi barəsindəki yalan videolar yaymaqla İngiltərədə İslam əleyhinə iğtişaşlar yaradanlardandır. O, saxta ad ortaya atmaqla hadisəni törədənin müsəlman bir immiqrant olduğunu deyib, halbuki, hadisəni törədən xristian bir ingilis olub.
Bu media fəalı şəxsi səhifəsində immiqrantları “tarakan” adlandırıb və onlara qarşı iğtişaşların olmasını vurğulayıb.
Gözlənildiyi kimi Katie Hopkins nəinki işğal altındakı torpaqlara səfər edib, hətta orada sənədli bir film də hazırlayıb. Ən əsası isə bu media fəalının dəfələrlə israilli rəsmilərlə görüşməsidir.
Hopkins hər fürsətdən İslam əleyhinə və irqpərəst fikirlərin yayılması üçün istifadə edib. Onun 2 milyon izləyiciyə sahib olan şəxsi səhifəsi müsəlmanlar barəsində yalan məlumatların yayılması üçün ən əsas alətə çevrilib. O, həmçinin Rebel xəbər agentliyi şəbəkəsinin əməkdaşı sayılır. Bu xəbər şəbəkəsi də İslam əleyhinə olan geniş zəncirin əsas hissələrindən hesab olunur. Rebel də israillilər tərəfindən maliyyə dəstəyi alır və İslam əleyhinə yalan məlumatların yayılmasında çox rol oynayır.
İsraili dəstəkləyən milyarder Robert Şilman
Robert Şilman Amerikada və dünyada texnologiya sahəsindəki fəallara tanış addır. Amma bu amerikalı milyarder pərdə arxasında İsraili dəstəkləyən İslam əleyhinə olan qrupları himayə edir. Məşhur Britaniya qəzetlərdən biri Şilmanın İslama qarşı olan siyasətçilərə və ifrat sağçı medialara maliyyə dəstəyi verdiyini üzə çıxarıb. İslam əleyhinə iğtişaşların baş verməsi üçün Rebel xəbər şəbəkəsini və Tommy Robinson kimiləri dəstəkləmək onun atdığı digər addımlardandır.
Rebel xəbər şəbəkəsi – İsrailin anti-İslam və anti-immiqrant xəbərlərin yayılması üçün aləti
Rebel xəbər şəbəkəsinin keçmiş əməkdaşı “Lauren Sothern”in sözlərinə görə, bu şəbəkənin əməkdaşları İsrailə səfər edib, amma bu səfər adi bir səfər olmayıb. Əksinə, maliyyələşmə məqsədi daşıyıb. Bu media fəalı bu məsələni açıqladıqdan sonra Rebel-dən qovulub. İngiltərədəki iğtişaşların əsas liderlərindən olan Katie Hopkins də bu xəbər şəbəkəsinin əməkdaşlarından sayılır.
Anti-İslam meyillərinin İsraili dəstəkləməklə birləşdirilməsi
Londondakı qeyri-kommersiya mətbuat təşkilatı bildirib ki, islami bölgələrdən birinin (Fələstin) İsrail qüvvələri tərəfindən işğal olunması anti-İslam fikirlərlə İsraili dəstəkləmək arasında hiss olunmayan bir bağlılığın yaranmasına səbəb olub. Əslində, İsrail özünü dəstəkləmək üçün avropalıların ifratçı düşüncələrindən son dərəcə istifadə etməyə çalışır.
Bu rejim özünü İslamla mübarizədə lider hesab edir və İslama qarşı olmağın İsraili dəstəkləməyə bərabər olması fikrini yeritmək istəyir. Bununla da, bu mənfur sionist rejimi bir oxla iki hədəfi vurub, həm İslam və müsəlmanları məhv etməkdə öz məqsədinə çatır və həm də media işləri ilə özünü təbliğ edir. Amma ötən 10 ay ərzində bu işğalçı rejimin Qəzzədəki cinayətləri o qədər faciəli olub ki, çətin bu ləkəni alnından silə bilsin.
Qeyd olunan mətbuat təşkilatı vurğulayıb ki, bu anti-İslam düşüncələri uzun illərdir ki, Britaniya Milli Partiyasının ifrat düşüncələrində kök salıb. Bu partiyanın tərəfdarlarının tarixin müxtəlif dövrlərində müxtəlif qruplara nisbətdə irqpərəst düşüncələri olub. İndi də maliyyə və media dəstəkləri ilə bu irqpərəst düşüncələr İslam və immiqrantlara yönəlib.
