Bu yaxınlarda ilk dəfə olaraq “Kisofim” keçidinin açılması barədə xəbər verən işğalçı sionist rejimi ordusu bir ildən çox mühasirələrində olan Qəzzənin mərkəzinə və cənubuna yardım daşıyan yük maşınların əksəriyyətinin bu keçid vasitəsi ilə Qəzzəyə daxil olduğunu iddia edib.
Sahə məlumatları sionistlərin belə iddialarının yalnız təbliğat və media yalanları olduğunu qətiyyətlə nümayiş etdirir. Çünki elə ötən gün işğalçı qüvvələr Rəfəhdə göndərilmiş unları öz ailələrinə aparan bir qrup Fələstin vətəndaşını hərbi maşınla hədəfə alıblar.
Sionistlərin Qəzzəyə humanitar yardımların daxil olmasına icazə ilə bağlı yalan ssenarisini tamamlamaq üçün ABŞ Dövlət Departamenti işğalçı rejimin cinayətlərinin dəstəklənməsi istiqamətdə deyib: “Hələ vəzifəsində olan Bayden administrasiyası bu qənaətə gəlib ki, “İsrail” hal-hazırda Qəzzəyə göndərilən yardımların girişinə mane olmayıb və buna görə də, Amerika qanunlarını pozmayıb.”!!!
Xarici KİV-in verdiyi məlumata görə, işğalçı sionist rejiminin yalan elanına rəğmən, UNRWA Qəzzəyə daha çox yardımın göndərilməsi və daxil olması üçün tələbəni yeniləyib. Digər 8 yardım təşkilat, o cümlədən Oxfam və Save the children vurğulayıblar ki, “İsrail” Amerikanın tələblərinə əməl etməyib və Qəzzədə fələstinli mülki vətəndaşlara çoxlu humanitar xərclər tətbiq edib. İndi Qəzzədə humanitar vəziyyət sionistlərin ötən ilin Oktyabr ayının 8-də başlatdıqları qətliamdan bəri ən pis vəziyyətini yaşayır.
HƏMAS müqavimət hərəkatı verdiyi bəyanatda israilli işğalçıların Qəzzədə humanitar vəziyyətin yaxşılaşdırılması üçün gördüyü tədbirlərlə bağlı ABŞ hökuməti tərəfindən səsləndirilən iddiaları pisləyib.
HƏMAS bu bəyanatda vurğulayıb ki, səhnə həqiqətlərindən, beynəlxalq insan haqları təşkilatları və qrumlarının hesabatlarından sonra bu iddiaların yalan olduğu üzə çıxıb. Bu hesabatlar onu göstərir ki, Qəzzə bölgələri, xüsusən də bu zolağın şimalındakı bölgələr işğalçı rejimin yaratdığı aclıq böhranı siyasəti səbəbilə müdafiəsiz mülki əhalinin qətliamları ilə paralel olaraq tam qıtlıq sərhədinə çatıblar. Amerika saxta “İsrail” rejimin cinayətlərində əlbir olaraq, bizim xalqımızım iradəsini qırmaq və onların milli amallarını məhv etmək istəyirlər. Amma qəhrəman xalqımız və onların şücaətli müqaviməti azadlıq uğrunda qanuni haqlarına yetişənə qədər səbr, mübarizə və müqavimət yolunu davam etmək üçün daha da əzmkar olacaq.
Qeyd etmək lazımdır ki, bir neçə gün öncə ivrit qəzetlərindən biri öz hesabatında ifşa edib ki, işğalçı sionist ordusu Qəzzə zolağına daxil olan humanitar yardım maşınlarının üstünlük haqqını oğurlamaqla onların hamısını qarət etmək üçün Qəzzə zolağının cənubunda bəzi qruplardan istifadə edir. Onlar yardım maşınlarına nəzarət və onların bu qrup tərəfindən qarət edilməsinin qarşısını almağa çalışan Qəzzənin polis zabitlərini hədəfə alırdılar. Bu, işğalçı sionist rejimin humanitar yardımları Qəzzədəki fələstinlilərə təzyiq, şantaj və işgəncə alətinə çevirmək üçün bütün vücudu ilə çalışdığını təsdiq edir.
İşğalçı “İsrail” rejimi bir vaxta qədər yüklərin Qəzzə zolağına daxil olması üçün əsas keçid olan Rəfəh keçidinə nəzarəti ələ keçirdiyi və Qəzzə ilə Misir arasındakı keçidi bağladıqdan sonra Qəzzədəki böhran vəziyyəti daha da pisləşdi. Çox vaxt mallar həmin oğru və qarətçi qrupların nəzarəti altındakı məntəqədə olan “Kərəm Əbu Salim” keçidi vasitəsi ilə Qəzzəyə daxil olur.
Cari ilin May ayının əvvəlindən işğalçı israil qüvvələri dərman, su və qida maddələrinin qarşısının alınması nəticəsində meydana gələcək insan fəlakəti ilə bağlı xəbərdalıqlara baxmayaraq, Qəzzə zolağına gedən “Rəfəh” kimi keçidləri və dəniz limanlarını Qəzzə xalqının üzünə bağladı. Bununla da, bu rejim qətliam və soyqırımla yanaşı, minlərlə uşaq, qadın, yaralı və xəstənin həyatını təhlükəyə atdılar.
Ümumdünya Ərzaq və Dərman Təşkilatı da Qəzzə zolağına humanitar yardımların azalması ilə bağlı narahatlığını biruzə verərək, azı 10 000-dən çox fələstinlinin qida təhlükəsizliyindən və qıtlıq böhranından əziyyət çəkdiyi və Qəzzədən kənarda tibbi xidmətlərə ehtiyacı oluğu barədə xəbərdarlıq edib.
Fələstin Dövlət İnformasiya Ofisi də bundan öncə qıtlıq kabusunun birbaşa olaraq fələstinlilərin həyatını təhdid etdiyini və xüsusən uşaqlar arasında aclıqdan yaranan ölüm hallarının artdığını açıqlamışdı.
Bu barədə BMT-nin Uşaq Fondu (UNİCEF) da keçidlərin bağlanmasına görə Qəzzə uşaqlarının ağır və fəlakətli vəziyyəti və həmçinin Qəzzə zolağında “İsrail”in hərbi əməliyyatlarının artması barəsində xəbərdalıq edib.
