Fəth koalisiyasının İraq Parlamentindəki bir nümayəndəsi ABŞ-ın Bağdaddakı səfirliyinin fəsad, azğınlıq, əxlaqi pisliklər və fitnələrin yayıldığı bir yuvaya çevrildiyini, amma bu səfirliyin qonaq olduğu ölkənin qanunlarına hörmət etməli olduğunu bildirib.
Fəth koalisiyasının İraq Parlamentindəki nümayəndəsi Əli əl-Cəmali həftənin bazar günü, ABŞ-ın İraq cəmiyyətində homoseksuallığa təşviqini şiddətli şəkildə pisləyib və deyib ki, bu məsələ İraq cəmiyyətində qəbul olunmazdı.
ABŞ-ın İraqda homoseksuallığın yayılması üçün artan tədbirləri ilə eyni zamanda İraq Parlamentinin Hüquq Komitəsinin üzvü “Arif əl-Həmami” cari ayın 17-si bu məsələnin yayılmasının qarşısının alınması üçün bu qanunverici orqanın gördüyü tədbirlər barədə məlumat verib.
Həmami deyib ki, İraq Parlamentinin Hüquq Komitəsi homoseksuallığı yayan və azğın cərəyanları himayə edən hər bir kəsin cinayətkar sayılmasını göstərən bir qanunun qəbul olunması ardıncadır.
O, həmçninin bildirib ki, bütün siyasi qruplar cinsi azğınlığın, homoseksuallığın və digər azğın hərəkətlərin cinayət sayılması qanununun qəbul olunmasını dəstəkləyirlər. İraq Hüquq Hərəkatının üzvü “Əhməd Şəhid əş-Şəmmari” də deyib ki, ABŞ səfirliyi bu ölkədə azğın fikirlərin yayılmasını dəstəkləyir.
Əl-Cəmali sözlərinin davamında deyib ki, ABŞ-ın Bağdaddakı səfirliyi fəsad, azğınlıq, əxlaqi pisliklər və fitnələrin yayıldığı bir yuvaya çevrilib. Amma bu səfirlik diplomatik razılaşmalara əsasən, qonaq olduğu ölkənin qanunlarına hörmət etməlidir.
O, ABŞ səfirliyinin hərəkətlərinin İraq cəmiyyətini məhv edə biləcəyinə işarə edərək deyib: Hər hansı bir qanun və diplomatik yolla olursa olsun, (ABŞ-ın) şərr səfirliyinin homoseksuallığın və əxlaqi pisliklərin təbliğ olunmasıyla əlaqədar hərəkətləri ilə mübarizə aparılmalıdır.
Bu iraqlı nümayəndə ölkə hakimiyyətindən ABŞ səfiri Elena Romanovskinin hərəkətləri qarşısında iş görməsini istəyib. Fəth koalisiyasının rəhbərlərindən olan Əhməd Kərim də bundan əvvəl ABŞ səfirinin, məqsədi İraqın sosial quruluşunu aradan aparmaq olan mədəni hərəkata rəhbərlik etməsi barədə xəbərdarlıq etmişdi.
İraqdakı “Əsaib Əhlil-Həq” hərəkatının baş katibi “Qeys əl-Xəzəli” də İyulun 1-də öz Twitter səhifəsində yazıb: “ABŞ-ın, İraq cəmiyyətinin dəyərlərini və adətlərini hədəfə alan xəbis layihələrinin təhlükələri barəsində deyilən bütün sözlərdən sonra, indi Parlamentdəki bütün şərəfli insanların ABŞ-ın yeni tezisindəki cinsi azğınlıqlarını (homoseksuallıq) cinayət sayan bir qanun qəbul etmələri lazımdır.
Qeys əl-Xəzəli vurğulayıb ki, bu qanun “İraq cəmiyyətinin dəyərlərinin, etiqadlarının və orjinal etikasının tam qorumasına zamin” olmalıdır.
Xarici KİV-in verdiyi məlumata görə, yüzlərlə iraqlı ABŞ-ın, İraqın işlərinə müdaxilə etməsinə reaksiya verərək ötən cümə günü ABŞ-ın Bağdaddakı səfirliyi önündə nümayişlər keçirib. Nümayişlər başlanan ərəfədə Bağdadın yaşıl zonasının giriş qapıları bağlanıb. Həmçinin etirazçıların yaşıl zonaya ehtimal verilən girişinin qarşısının alınması məqsədilə təxminən üç min təhlükəsizlik qüvvəsi ciddi qorunan bu zonanın ətrafında yerləşdirilib.
