İslam ölkələrinə hakim olan rejimlərdən ibarət bir blok sionist rejiminin Qəzzədəki ölüm maşınını dəstəkləməkdədir. Burada konkret olaraq Türkiyə, BƏƏ, İordaniya, Misir və Ərəbistan nəzərdə tutulur.
Qəzzə şəhidlərinin sayı 25 mini keçib. Bundan əlavə, Qəzzə əhalisinin 7 mindən çoxunun hələ də dağıntılar altında olduğu bildirilir. Bu, o deməkdir ki, şəhidlərin sayının 30 mini keçəcəyi qətidir. Şəhidlərin yarısı da uşaqlardır.
Bu, 21 əsrdə misli görünməmiş bir qətliamdır. Fəlakət elə bir həddədir ki, İtaliya hökuməti sionist rejiminin döyüş maşınını dəstəkləmək damğasından amanda qalmaq üçün 7 oktyabr 2023-cü il tarixindən etibarən Tel-Əvivə hər növ silah göndərilməsini dayandırdığını bildirib.
Amma başqa bir hadisə də baş verməkdədir. İslam ölkələrinə hakim olan rejimlərdən ibarət bir blok sionist rejiminin Qəzzədəki ölüm maşınını dəstəkləməkdədir. Burada konkret olaraq Türkiyə, BƏƏ, İordaniya, Misir və Ərəbistan nəzərdə tutulur.
Sionist qəzetlərindən biri Ərəbistanın və İordaniyanın Yəmən Silahlı Qüvvələrinin Qırmızı dənizdəki mühasirəsini yarmaq üçün İsrailə kömək etdiklərini açıqlayıb. Belə ki, İsrail gəmiçilik şirkətləri Afrika qitəsini fırlanmaq və məsafəni, zamanı və xərcləri artırmaq əvəzinə öz yüklərini Fars körfəzinin cənubundakı şeyxlərin limanlarında boşaldıb, oradan da Ərəbistan və İordaniya torpaqları ilə işğalçı sionistlərə çatdırırlar.
Bundan öncə də ivrit dilli xəbər saytlarından biri bu mözvu barəsində hesabat vermişdi. Bu hesabatda deyilirdi ki, BƏƏ limanından işğal olunmuş Fələstinə quru yol sınağı uğurla həyata keçirilib. Bu yol Səudiyyə Ərəbistanından keçir. Bu quru körpüsü yükləri Dubaydan Hayfaya və əks istiqamətdə nəql edir. Bu yol Qırmızı dənizdən və eləcə də, Hormoz boğazından yan keçməkdən ötrüdür, amma onun nə qədər təsirli olduğu məlum deyil.
Bu hekayənin təəccüblü tərəfi Ərdoğanın özüdür. Qəzzədə qətllər başlayan vaxtdan etibarən, Ərdoğanın açıqlamalarına diqqət edən hər bir kəs qəti olaraq Türkiyənin İsrailə qarşı olan və Fələstin amallarını müdafiə edən ölkərin ön xəttində dayandığını təsəvvür edəcək. Dünya liderlərinin az bir qismi sionist rejiminə qarşı Ərdoğan kimi yüksək alovlu danışır. O, hətta Netanyahunu Hitlerlə müqayisə edib.
Amma Ərdoğanın ritorikası ilə eyni zamanda Türkiyə və İsrail arasındakı ticarət onlar arasındakı əlaqələr tarixində özünün ən yaxşı dövrünü yaşayır. Dekabr ayında (Qəzzə qətliamının zirvəsi) Türkiyənin İsrailə olan ixracatı 34.8% artıb və noyabr ayındakı 319.5 milyon dollardan dekabr ayındakı 430.6 milyon dollara çatıb. Maraqlısı budur ki, oktyabr ayında Qəzzə qətliamı başlamazdan öncə Türkiyə ilə İsrailin ticarət əlaqələri 408.3-dən çox idi ki, bu da hazırkı rəqəmdən azdır.
Bundan əlavə, Bakı rejimi Tel-Əviv rejiminin ən böyük neft təminedicilərindən biridir və bu neft Türkiyə vasitəsi ilə İsrailə çatır. Türkiyə təkcə elə bu çərçivədə İsrail tanklarının və qırıcılarının qoşun çəkməsində böyük qarışıqlıq yarada bilərdi.
Sionist rejimi qətliamla eyni vaxtda Qəzzə xalqının suya, elektriyə və əlaqəyə olan ehtiyaclarını 100 gündən çoxdur ki, kəsib. Qəzzədə 800 mindən çox fələstinli qıtlıq və aclıqla üz-üzədir. Rəfəh keçidi Qəzzədəki dinc əhalinin yeganə xilas yoludur. Amma Misir ordusu kömək əvəzinə özü Qəzzə mühasirəsinin bir hissəsinə çevrilib.
Hal-hazırda, yalnız şiə hökuməti və hərəkatları Fələstin və Qəzzəni himayə etməkdədirlər. Halbuki, əhli-sünnə iddiasında olan hökumətlər, hətta öz səfirlərini belə sionist rejimindən geri çağırmayıblar.
