Suriyanın qərbində, xüsusilə də Laziqiyyə və Tartus əyalətlərində ötən cümə axşamı əl-Colaninin başçılıq etdiyi müvəqqəti hökumət qüvvələrinin qəddar hərəkətlərinə etirazların ardınca başlayan şiddətli toqquşmalar qəbilə məqsədləri və etnik təmizləmə ilə 400-dən çox insanın və mülki əhalinin qətliamına səbəb olub.
Xarici KİV-in verdiyi məlumata görə, “Tartus” vilayətinin “Banyas” şəhərinin sakinləri, əsasən “Ələvi”lər əl-Colaninin müvəqqəti hökumət qüvvələri tərəfindən həyata keçirilən geniş təmizləmə əməliyyatlarından özlərini qorumaq məqsədilə yardım çağırışları ediblər.
Yerli mənbələrə istinadən verilən məlumata əsasən, Suriyadakı kütləvi qətllər və meydan edamları nəticəsində 400-dən çox mülki şəxs öldürülüb.
Hələlik, bu bölgədə təhlükəsizliyin bərpası ilə bağlı heç bir addım atılmayıb. Bu bölgə türküstan, çeçen terrorçuların və əl-Colaninin dəstəklədiyi suriyalı üsyançıların davamlı qətliamları səbəbindən evlərini tərk etməyə cəsarət etməyən sakinləri olduğu bir yerdir.
Yerli mənbələr bildiriblər ki, bu gün səhərdən etibarən “Türkistan Partiyası” Banyasda məzhəb təmizləmə əməliyyatlarına başlayıb və bu əməliyyatlarda uşaqlara və yaşlılara fərq qoyulmur.
Bu ərazinin sakinləri kömək etmək imkanı olanların hər kəsi gəlib məzhəb təmizliyinə son qoymağa çağırıb və onlardan kömək istəyiblər.
Eyni zamanda, Suriya İnsan Haqları Müşahidə Şurası bildirib ki, cümə axşamı günündən bəri 300-dən çox Ələvi mülki şəxs, Suriyanın təhlükəsizlik qüvvələri və onların tərəfdarları tərəfindən öldürülüb. Bu hadisələr Suriyanın Qərb sahilində, Əsəd tərəfdarları ilə münaqişə zamanı baş verib. Beləliklə, münaqişələrin başlanmasından bəri öldürülənlərin ümumi sayı 524-ə çatıb.
“Türkistan Partiyası”, “Uyğur” terrorçularından təşkil olunub və “Heyət Təhrir əş-Şam” ilə müttəfiqdir. “Məhəmməd əl-Colani”nin rəhbərliyi altındakı dövrdə onlar, xüsusilə Suriyanın şimalında iğtişaşlarda onun müttəfiqləri idilər.
