Suriya İnsan Hüquqları Müşahidəçisi çərşənbə axşamı Əbu-Məhəmməd əl-Colaninin Suriya üzərində 100 günlük hökuməti ilə bağlı onun tabeçiliyində olan üsyançıların qaniçən fəaliyyətlərinə dair hesabat dərc edib.
Bəşşar Əsədin hökumətinin devrilməsi, Suriya ordusu və təhlükəsizlik qurumlarının ləğv edilməsi və “Əbu-Məhəmməd əl-Colani”nin rəhbərliyi altındakı Təhrir əş-Şam üsyançılarının hakimiyyətə gəlməsindən 100 gün keçib. Ordunun və təhlükəsizlik qurumlarının ləğvi ölkənin müxtəlif bölgələrində boşluq yaradıb və rejimə hakim olan üsyançılar, həm təhlükəsizlik, həm də iqtisadi sahələrdə böyük və təhlükəli çətinliklərlə üzləşiblər.
Bu müddət ərzində, xaos, daxili və qanlı toqquşmalar, intiqam almalar və ictimai və şəxsi əmlakın ələ keçirilməsi artıb.
Ölkəni idarə etməyə başlayan hərbi qüvvələr, xüsusilə təhlükəsizlik və iqtisadi sahələrdə böyük çətinliklərlə üzləşiblər.
100 gündə qanlı itkilər
Suriya İnsan Hüquqları Müşahidəçisi bildirib ki, 8-18 Dekabrda baş verən qanlı döyüşlər nəticəsində 6316 nəfər həyatını itirib, bunlardan 4711-i mülki şəxslər olub. Bu rəqəmə 4172 kişi, 345 qadın və 194 uşaq daxildir. Bu şəxslər müxtəlif səbəblərdən müxtəlif bölgələrdə öldürülüblər.
Bu məlumatına görə, 8 Dekabrdan 2024-cü ilin sonuna qədər 2354 nəfər həyatını itirib ki, bunlardan da 1894-ü mülki şəxs olub. Onlar arasında 1839 kişi, 21 qadın və 34 uşaq var. Əlavə olaraq, 460 hərbçi və silahlı şəxs də həyatını itirib.
2025-ci ilin Yanvar ayında isə 1122 nəfər öldürülüb və bunlardan 679-u mülki şəxs olub. Mülki şəxslər arasında 480 kişi, 146 qadın və 53 uşaq var. Eyni zamanda, 443 hərbçi və silahlı şəxs də öldürülüb.
2025-ci ilin Fevral ayında 603 nəfər həyatını itirib, onlardan 435-i mülki şəxs olub. Bu mülki şəxslər arasında 347 kişi, 46 qadın və 43 uşaq var. Eyni zamanda, 168 hərbçi və yarı hərbi şəxs də öldürülüb.
Mart ayının 16-na qədər isə 2237 nəfər öldürülüb, bunlardan və 1703-ü mülki şəxs olub. Mülki şəxslər arasında 1506 kişi, 132 qadın və 65 uşaq var. Bundan əlavə, 534 hərbçi və silahlı şəxs də həyatını itirib.
Məlumatına əsasən, 1805 nəfər bu müddət ərzində Suriyada səyyar edam edilib. Onlar müxtəlif ittihamlar və səbəblər, o cümlədən məzhəbi kimlikləri və əvvəlki rejimə bağlılıqları səbəbilə edam olunublar.
Edamların ən çox baş verdiyi dövr Mart ayına və Suriya sahil bölgəsinə təsadüf edir. Xüsusilə Suriya Ələviləri bu dövrdə kütləvi şəkildə öldürülüb.
