Coca Cola şirkəti aldadıcı reklamları ilə tərəfdarlarının damağını xoş bir dadla şirinləşdirməli və məhsullarının sərinliyini yol yorğunlarına yaşatmalı idi. Amma 125 il sonra bugünə qədər dünyada suyun ləzzətliliyindən böhran yaradan Drakulaya çevrilib. Bu şirkət Fələstin xalqının öldürülməsində sionist rejimi ilə əlbirdir, Kolumbiyada fəhlələri öldürür və Hindistanda “qatil coca” kimi tanınır.
Xarici KİV-in verdiyi məlumata görə, yaxın günlərdə sionist rejiminin Qəzzə zolağında müqavimət qüvvələrinin yanında əsirlikdə olan bir nəfər azadlığa çıxıb. Sionist ordusunun Qəzzə zolağının mərkəzindəki bölgədə vəhşi hücumlarının və 210-dan çox fələstinlinin şəhid olması, 400-dən çox digər insanın isə yaralanmasının ardınca, onun məşhur Coca Cola məhsulu içdiyi və geniş təbəssümlə çəkdirdiyi şəkil sosial şəbəkələrdə görünüb. Bu da Amerika şirkəti olan “Coca Cola”-nın dünyada boykot olunması üçün çağırışlar əks-səda doğurub.
Sionist rejiminin müqavimət qrupları yanındakı azad olunmuş bu əsiri “Noua Arqamani” (25 yaşlı) Qəzzədən çıxşından təkcə bir neçə saat sonra sionist rejiminin (şənbə günü) Qəzzənin Nəsirat düşərgəsinə olan vəhşi hücumunun ardınca, Tel-Əvivdəki Şəba xəstəxanasında atası ilə birlikdə Coca Cola içərkən görünüb. Halbuki, fələstinlilər orada öz yaralılarını müalicə etmək üçün hətta bir yer tapmaqdan ötrü tələsik halda səy göstərirlər və tapmırlar. Çünki, o bölgənin bütün xəstəxanaları və müalicə mərkəzləri müdafiəsiz xalqa qarşı 8 aylıq dözülməz müharibə müddətində sionistlər tərəfindən işğal olunduqdan sonra dağıdılıb və xidmətdən çıxarılıb.
Sosial şəbəkə istifadəçilərinin və fəallarının bir çoxu Coca Cola şərkətini Fələstin xalqına qarşı soyqrım müharibəsində ABŞ-İsrail cinayətlərinə şərik bildikləri üçün ona qarşı boykot kampaniyasının yenidən başlamasını tələb ediblər.
Bu tanınmış Amerika şirkəti Amerikanın böyük şirkətlərinin bir çoxu kimi Orta Şərqdə və böyük İslam ölkələrinin bəzilərində bağlanma və sanksiya qorxulu boykot kampaniyası ilə üz-üzədir.
Yarandığı gündən etibarən, işğalçı sionist rejiminin Nazirlər Kabineti qəsb olunmuş Fələstin torpaqlarında Coca Colanın olmasına çox meyilli olub. Çünki, İsrail qəzetlərindən birinin baş məqaləsinə görə, “Coca Cola hər bir ölkədə, yalnız bir adi bir içki və ABŞ sivilizasiyanın göstəricisidir. Amma “İsrail”dəki Coca Cola “İsrail”in böyük və geniş dünyada üzə çıxması üçün bir amil və fürsətdir!
Verilən məlumata görə, 1949-cu ildə bu şirkət işğal olunmuş ərazilərdə fabrik açmağa çalışıb, amma ona lisenziya verilməyib. Sonda bu şirkət 1966-cı ildə rəsmi olaraq sionist rejimi ilə həmkarlığa başlayıb. Həmin ildə ərəblərin bu rejimə qarşı iqtisadi embarqosunu sındırmaqla öz fabrikini qurub və o vaxtdan etibarən gəlirinin 17%-ni sionistlərin vəd verilmiş torpaq layihəsinə ayırıb.
Sionistlərin ən güclü lobbiçilərindən biri olan Abraham Feinberg bu fabrikin rəhbərliyini öz öhdəsinə götürüb və o, 1998-ci ildəki ölümünə qədər bu vəzifədə qalıb.
ABŞ qəzetlərindən birinə görə, o, ifratçı bir sionist idi.
Feinbergin sərvəti o qədər çox idi ki, Amerikanın prezident seçkiləri zamanı təkbaşına Amerikanın 33-cü prezidenti “Harri Truman”a maliyyə dəstəyi verib.
Hal-hazırda da Mossad Casusluq Təşkilatının keçmiş casuslarından biri olan “Moşe Vertim” bu fabrikə rəhbərlik edir.
Sionist rejiminin hesabatlarına əsasən, 1966-cı ildə bu rejim üçün 6 mühüm və həyati əhəmiyyətli hadisə baş verib. Onlardan biri də Coca Cola şərkətinin İslam ölkələri tərəfindən sionist rejiminə qoyulan sanksiya ilə aşkarcasına müxalif olması və bu şirkətlə əməkdaşlığa başlamasıdır.
Unutmaq olmaz ki, bu şirkət, həmçinin sionist rejiminin xoşhallığı üçün öz reklamlarında müsəlmanların inanclarını aşkar olaraq lağa qoyur və müsəlmanları əvvəlkindən daha çox qəzəbləndirir.
İsrail qəzetlərindən birinin hesabatına görə, Coca Cola şərkəti 2002-ci ilin İyul ayının 19-da 50 milyon dollarlıq vergidən azad olduğuna görə, sionist rejiminə təşəkkür etmək üçün “Kiryat Gat” şəhərciyində yeni bir fabrik qurmaq və orada 700-dən çox israillini işlə təmin etmək qərara gəlib.
Kiryat Gat şəhərciyi 1944-cü ildə fələstinli sakinlərin irqçilik tədbirləri zamanı zorla öz kəndlərindən çıxaraq didərgin düşdükləri Hayfa şəhərindəki bir şəhərcikdir.
1997-ci ildə sionist rejimi İslam ölkələrinin onun mövcudluğuna qarşı sanksiyasına əhəmiyyət vermədikləri və onlarla 30 il səmimi əməkdaşlığı üçün Coca Cola şərkətinin rəhbərlərinə kommersiya mükafatı təqdim edib.
Coca Cola şirkəti, həmçinin işğalçı rejiminə dəstək məqsədi ilə hər il keçirilən konfransların maliyyə dəstəkçilərindən biridir.
Bu şirkət 2002-ci ilin Fevral ayında “İsrailin dostları” və “Hillel National” sionist şirkətləri ilə əməkdaşlıq çərçivəsində sionistlərin bədnam jurnalisti “Linda Qradşteyn”in çıxışına sponsurluq edib.
Coca Cola şirkəti 2003-cü ilin Mayında Amerika-İsrail Ticarət Palatası mükafatlarının sponsuru olub və bundan sonra da bu mükafatın əsas dəstəkçisidir. Bu mükafat hər il iki sektorda Amerika-İsrail biznesi ilə investisiya və iş yerlərinin yaradılmasında ən çox əməkdaşlığı olan şirkətlərə verilir.
Bu şirkət 2009-cu ilin May ayında da Amerika-İsrail Ticarət Palatasının “Ulduz Qartalı” mükafatlarının sponsuru olub. Bu mükafat “İsrail”in Qəzzə qarşısında döyüş məqsədləri çərçivəsində təqdim edilir.
Eləcə də bu şirkət həmin ilin Sentyabr ayında xüsusi bir qonaqlıq təşkil edib. Bu qonaqlıqda “İsrail”in keçmiş müharibə naziri və axtarışda olan hərbi cinayətkarlardan biri general “Benyamin Ben Eliezer”ə təşəkkürünü bildirib.
Qeyd etmək lazımdır ki, Coca Cola təkcə “İsrail”i dəstəkləmək kimi ittihamlarla üzbəüz deyil. Bundan əlavə, bu şirkət Kolumbiyada daha yüksək əmək haqqı tələb edən işçi birliklərinin rəhbərlərini öldürmək üçün silahlı adamları işə götürməkdə ittiham olunub və 2010-cu ildə ona qarşı iddia qaldırılıb. Biznes Resursları və İnsan Hüquqları Mərkəzinin məlumatına görə, bu şirkət 1970-ci ilin sonlarında Qvatemalada birlik rəhbərlərinə qarşı qətl və təcavüzə zəmin yaradıb.
Coca Cola El Salvadorda qanuni yaşa çatmamış uşaqların işə götürülməsi ilə günahlandırılıb və onun 2013 NFL finalındakı reklamları ərəblərin qəzəbinə səbəb olub. Çünki, o, ərəblərin mürtəce stereotipini göstərirdi.
Sionist qəzetlərindən birinə istinadən verilən məlumata əsasən, 2015-c ildə işğalçı sionist rejiminin Coca Cola şirkəti İsrailin ifratçı sağçı “İm Tirtzou” qrupuna 50000 şekel (təxminən 14000 dolar) hədiyyə edib. Bu qrup ifratçı sağçı bir sionist hərəkatıdır və o, ərəblərə qarşı irqpərəst sözlər və nifrət yaymağı öhdəsinə götürüb. Onun ən qabarıq mövqelərindən biri “Nəkbət günü” mərasiminin keçirilməsində yerli fələstinlilərə qarşı çıxmaq və işğalçı rejimin sol qanadının fəallarına qarşı kampaniya başlatmaqdır.
İdman səviyyəsində də “İsrail” Coca Colası bu işğalçı rejimin basketbol komandasının sponsuru idi və hər il bu sahədə yüz minlərlə dollar sərmayə qoyub.
ABŞ saytlarından birinin verdiyi hesabatda Coca Cola şirkətinin Birləşmiş Yəhudi Federasiyasının “Böyük Atlanta” xeyriyyə təşkilatının himayəçilərindən biri olduğunu bildirilib. Hansı ki, bu təşkilat işğal olunmuş ərazilərdəki yəhudi “qaçqınlarından” ibarət Baqaskan yəhudi icmasını dəstəkləyir.
“Coca Cola-İsrail” İordaniyanın qərb sahillərində yerləşən Eytrot qəsəbələrində öz fabriklərini qurmaqla beynəlxalq qanunları pozub və bunun nəticəsində də 2017-ci ildə BMT-dən onu qəsəbələrdən mənfəət əldə edən şirkətlərin qara siyahısna daxil etməsi ilə bağlı xəbərdarlıq alıb.
Qəsəbələrə dəstək neçə illərdir ki, müxtəlif partiyalar tərəfindən başladılmış sanksiya çağırışlarının əsasıdır.
Britaniyadakı “əl-Əqsa sevərlər” kampaniyası bu şirkətin sanksiyasını tələb edib və deyib: “Fələstinlilər İsrailin qanunsuz qəsəbələlər salması üçün yerlərin açılmasından ötrü evsiz qalıblar. Tanınmış şirkətlərdən olan Aterot orada fəaliyyət göstərir.”
