2022-ci ilin ilk yarısında ABŞ ordusu və onun himayəsi altında olan silahlı qüvvələr tərəfindən təxminən 66 min barel neft gündüz vaxtı oğurlanıb. Başqa sözlə, Suriyanın 82% nefti ABŞ ordusu tərəfindən oğurlanıb.
Çin mediyasının hesabatına əsasən, Suriya neftinin ABŞ ordusu və Suriya müxalifət qüvvələri tərəfindən oğurlanmasıyla bağlı xəbərlər çox olduğundan, auditoriya üçün cəzb edici xəbərlər sayılmaya bilər. Amma buna baxmayaraq, məsələnin ciddiliyinə göz yummaq olmaz. Suriyanın rəsmi mediya hesabatlarına əsasən, 2022-ci ilin ilk yarısında ölkənin gündəlik neft hasilatı orta hesabla təxminən 80 min 300 barel olub ki, təxminən 66 min barel neft ABŞ ordusu və onun himayəsi altında olan silahlı qüvvələr tərəfindən gündüz vaxtı oğurlanıb. Başqa sözlə, Suriyanın 82% nefti ABŞ ordusu tərəfindən oğurlanıb.
Hətta ABŞ ordusu neftin oğurlanma səhnəsinin mülki şəxslər tərəfindən lentə alınmasının qarşısını almaq üçün insanları həbs etmək kimi bir çox tədbirlər görüb.
Özünü İham kimi təqdim edən Suriyanın şimal-şərqindəki Həsəke vilayətinin müstəqil müxbirlərindən birinin sözlərinə görə, bir qrup mülki şəxs kamera yaxud öz mobil telefonları vasitəsilə Fiş Xabur-Səmalka, Əl-Vəlid və Əl-Məhmudiyyə sərhəd keçid məntəqələrinə tərəf hərəkət edən ABŞ neft karvanını video lentə almağa çalışıblar. Amma onlar həbs olunublar və hətta onlardan bəzisi sonda həyatını itirib. Amerikalılar həmçninin mülki şəxslərin öz mobil telefonlarından video çəkmək üçün istifadələrinin qarşısını almaq üçün, ərazidə ölçmə və müdaxilə cihazları quraşdırıblar ki, ABŞ ordusunun neft tankerləri karvanı oradan keçdiyi zaman bütün bölgədə rabitə kəsilsin.
O, həmçinin bildirib ki, ABŞ ordusu və Suriya hökumətinə müxalif qüvvələr tərəfindən təzyiq və ciddi təhdid səbəbindən, yerli camaat ABŞ ordusunun neft oğurluğunu mediya kameraları qarşısında açıqlamağa cəsarət etmir.
Xarici KİV-in verdiyi məlumata görə, əslində, Suriyanın neft hasilatı ABŞ-ın ehtiyaclarına nisbətən o qədər də çox deyil. Bəs nəyə görə, ABŞ hələ də öz qüvvələrini neft oğurluğu üçün Suriyada saxlayıb? Bunun çox dərin səbəbləri var.
Əslində, ABŞ ordusu tərəfindən neft oğurluğu iqtisadi sanksiya, strukturların dağıdılması və Suriyanın qida resurslarının qarət olunmasına oxşayan bir hərəkətdir. Bunun son hədəfi isə Suriya xalqını Suriya hökumətinə qarşı çıxmağa təşviq etmək, Suriyada fəqirliyin davamı və şiddətlənməsi və nəhayətdə, bu ölkədə iştişaşlar, xaos yaratmaq və terorizmin genişlənməsidir. Digər hədəflər də Suriyanın gəlir mənbələrinə yetişməsinin, qaçqınların qayıtmasının qarşısının alınması və Suriyanın yenidən qurulmasına maneə törətməkdir.
ABŞ-ın bu hərəkəti Suriya xalqının dərin nifrətinə səbəb olub. Bu, beynəlxalq qanunları və BMT Nizamnaməsini pozmaq hesab olunur. Həmçinin ABŞ ordusunun Suriyadakı mövcudluğu Suriya xalqı üçün bir kabusa çevrilib.
