Çinin Xarici İşlər naziri, Suriya neftini daşıyan 53 tankerin ABŞ tərəfindən oğurlanması və İraqa köçürülməsi xəbərinə reaksiya verərək onu aşkar və həyasız cinayət adlandırıb.
Xarici KİV-in verdiyi məlumata görə, o, vurğulayıb ki, ABŞ-ın “qarət addımları” yanacaq böhranının daha da ağırlaşmasına və Suriyada insan fəlakətinə səbəb olub. ABŞ, Suriya xalqının yaşama haqqını təhlükəyə salıb, bir halda ki, suriyalılar həmin az miqdarda neft və qida maddələri ilə ağır qış günlərini keçirmək üçün mübarizə aparırlar.
O, deyib: Suriya resurslarını oğurlamaqda Amerikanın tamahkarlığının şiddəti və onun öz müttəfiqlərinə 10 milyard dolları aşan hərbi köməklikdəki “səxavəti”, heyrətləndiricidir.
Xarici İşlər Nazirliyinin sözçüsü, Suriyanın neftini oğurladığına görə ABŞ-ın cəzalanmasının zəruriliyini bildirərək deyib ki, Suriya xalqı və beynəlxalq ictimaiyyət, Vaşinqtonun cavab verməsini, bu ölkənin beynəlxalq qanunlara tabe olmasını istəyirlər.
Onun sözlərinə görə, ABŞ hər bir şəraitdə digər ölkələri fəlakət və xaosla üz-üzə qoyur və onun üçün yalnız, öz mənfəəti və hökmranlığı əhəmiyyətlidir. Bu, ABŞ hökuməti sistemində kök salan bir şeydir.
Xarici KİV-in şənbə günü verdiyi hesabata görə, ABŞ qüvvələri Suriya silahlıları ilə birgə 53 neft tankerini Əl-Həsəkə ətrafından götürərək qeyri-rəsmi “Əl-Mahmudiyyə” keçidi vasitəsilə İraqın şimalına nəql etdirib.
Suriya hökumətinin sözlərinə görə, ABŞ qüvvələri 2022-ci ilin birinci yarısında Suriyanın istehsal olunmuş neftinin 80%-dan çoxunu bu ölkədən qaçaqmalçılıq yolu ilə çıxarıb.
2011-ci ilə qədər Suriya gündəlik 380 min barel neft hasil edirdi, amma indi bu rəqəm gündəlik 80 min barelə çatıb ki, onun 66 min bareli amerikalılar tərəfindən oğurlanır.
ABŞ hərbiçiləri Suriya neftini İraqa qaçırdıqdan sonra bu ölkənin neftini İraqın Kürdüstan bölgəsində qara bazarda satır və onun bir hissəsini istehlak üçün öz bazalarına nəql edirlər.
