Çin Dövlət Şurasının İnformasiya İdarəsi dünən, “ABŞ-ın 2022-ci ildə insan haqları pozuntusu hesabatı” adlı hesabatında bildirib ki, Vaşinqton dünya ölkələri boyunca insan haqlarını pozanların ən böyüklərindən biridir.
Xarici KİV-lərdən birinin verdiyi hesabatda deyilir: ABŞ indiyə kimi 20-dən çox ölkəyə qarşı, o cümlədən 1962-ci ildən Kubaya, 1979-cu ildən İrana, 2011-ci ildən Suriyaya və son illərdə Əfqanıstana qarşı birtərəfli sanksiyalara əl atıb.
Bu hesabat, ABŞ-ın adını çəkməklə onun dünyada ən çox birtərəfli sanksiya tətbiq edən olduğunu deyərək vurğulayıb: ABŞ beynəlxalq ictimaiyyətdə güc siyasətini izləyir, tez-tez güc tətbiq edir, proksi müharibələr (vasitəçilik müharibələri) başladır və dünya sülhünün dağıdıcısına çevrilib.
Bu hesabatda əlavə olaraq deyilir: ABŞ-ın “Providens” ştatında yerləşən Brown Universitetinin həyata keçirilməsini öhdəsinə götürdüyü müharibə xərcləri layihəsinə əsasən, Vaşinqton anti-terorizm fəaliyyətləri pərdəsi altında bu günə qədər təxminən 929 min insanı öldürüb və digər 38 milyon insanı dünyanın 85 ölkəsində didərgin salıb.
Bu hesabatda həmçinin, deyilir: Pentaqon 2017-2020-ci illər arasında Orta Şərq regionunda, Asiya və Sakit Okean qitələrində “127e” proqramı adı altında 32 vasitəçilik müharibəsi başladıb.
Bu proqram adı altında ABŞ-ın xüsusi əməliyyat qüvvələri ABŞ-ın ölkə xaricindəki missiyalarını yerinə yetirmək üçün proksi qüvvələrin təliminə icazəlidirlər.
Bu hesabat, sözlərinin davamında ABŞ tərəfindən immiqrantların hüquqlarının ciddi şəkildə pozulmasından danışıb və Amerika hökumətinin bu rəftarını pisləyib.
Bu hesabatda ABŞ tərəfindən insan haqlarının amansızcasına pozulmasının pis fəsli adıyla yad edilən digər bir mövzu, Quantanamo həbsxanasıdır. Amerikanın bu həbsxananı bağlamaqdan imtina etməsi, Vaşinqtonun insan haqları standartlarına sadiq olmadığının aşkar nümunəsidir.
Bu həbsxana, 2002-ci ildə Kubanın işğal olunmuş ərazilərindəki Quantanamo hərbi dəniz bazasında açılıb. Bu hesabatda, mühakimə olunmadan, zülmkar və qeyri-insani rəftarlarla 780 nəfərin bu zindana göndərilərək həbs olunması pislənilib.
Ötən il Millətlər Təşkilatının İnsan Haqları Şurasının müstəqil ekspertləri bu həbsxananın bağlanmasını və onun məsul şəxslərinin mühakimə olunmasını tələb ediblər.
