Baxmayaraq ki, İnternəşnl və digər xaricdə fəaliyyət göstərən farsdilli media qurumları İsrail rejiminin İrana qarşı başladığı bu zorakı müharibəni yalnız hakimiyyətə qarşı bir savaş kimi göstərməyə çalışıblar, bir çox müxalif şəxs və siyasi fiqur bu müharibənin əslində İranın milli maraqlarına qarşı yönəldiyini etiraf edib.
İsrail rejiminin son müharibədə güclü şəkildə irəli apardığı əsas hədəflərdən biri də İran xalqına belə bir mesaj ötürmək idi: Netanyahunun savaşı nə İrana, nə də İran xalqına qarşıdır; yalnız İran hakimiyyəti ilə bağlıdır. Başqa sözlə, məqsəd “İslam Respublikası” ilə “İran” arasında süni bir ayrım yaratmaq və bu yolla xalqla hökumət arasında uçurum dərinləşdirmək idi. Lakin İran xalqının ümumi vətənpərvər şüuru və milli ayıqlığı İsrailin bu psixoloji əməliyyat və hiyləgər təbliğat planını iflasa uğratdı və bu fitnəkar yanaşma öz məqsədinə çata bilmədi.
Los-Ancelesdə fəaliyyət göstərən bir peyk kanalının rəhbəri Şəhram Homayun İran üzərinə hücumu dəstəkləyənlərə belə deyib: O qədər qorxaqsınız ki, oturmusunuz, Netanyahu “İran”ı vuracaq, infrastrukturları məhv edəcək və sonra bunu sizə təqdim edəcək? Sizcə, Hərat necə İrandan ayrıldı? Qafqazın 17 şəhəri necə İrandan ayrıldı? Netanyahu İrani parçalamaq istəyir.
Məliye Məhəmmədi, siyasi təhlilçi, BBC Farsının aparıcısının “Bu müharibənin milli müharibə olmadığını düşünürsünüzmü?” sualına belə cavab verib: Sadəcə hökumətə qarşı olmaq səbəbindən bu müharibəni milli hesab etməyirsizə, o zaman milli kimliyi gənc qızlar və oğlanlardan öyrənməlisiniz; əgər xarici düşmən vətəninizə hücum edirsə, o zaman [Ayətullah] Xamenei ilə birgə dayanmalısınız.
Kave Əbbasiyan, siyasi və media fəalı, BBC Farsının canlı yayımında belə deyib: İsrail İranı məhv etmək istəyir, regionda və qitədə genişlənən müstəmləkəçilik qüvvələrinə qarşı dayanan bu gücü məhv etmək niyyətindədir.
Siyasi təhlilçi Əli Əfşari İnternəşnl kanalının aparıcısı Fərdad Fərəhzad ilə söhbətində belə deyib: İsrailin İrana hücumu qanunsuz və qeyri-qanundir; İsrail İranı zəiflətmək və parçalamaq istəyir. İslam Respublikası olmasa belə, İsrail və Amerika İran xalqını öz qullarına çevirmək istəyirlər. Gerçək vətənpərvər heç vaxt cinayətkar İsrailin arxasınca getməz.
Maraqlıdır ki, məşhur italyan sosiologiya professoru da bildirib: Ayətullah Xamenei bu mübarizəni aparır ki, iranlılar Qərbin qulu olmasınlar.
Roma Luiss Universitetinin terorizm üzrə aparıcı sosiologiya mütəxəssisi Professor Alessandro Orsini şəxsi sosial media hesabında belə yazıb: “İtaliyanın xəbər və analitik kanallarında gəzirəm və tam diktatura rejimində yaşadığımı hiss edirəm; eyni tərəfli təhlillər və eyni öz-senzura halları. Amma həqiqət tamamilə fərqlidir. Ayətullah Xamenei özü və hakimiyyətini qorumaq üçün mübarizə aparmır; o, 90 milyon iranlının Qərbin 90 milyon quluna çevrilməməsi üçün mübarizə aparır. Ayətullah Xamenei mübarizə aparır ki, İran Opium Müharibəsindən sonra Çinin yaşadığı utancverici taleyi yaşamasın! Bu müharibə Ayətullah Xamenei ilə iranlılar arasında deyil; bu, özünə hörmətli və şərəfli xalqın Qərbin qul olmasına razı gəlməmək üçün apardığı müharibədir.”
Qeyd etmək lazımdır ki, bu ifadələr sadəcə bir mövzu üzərində fikir ayrılığı deyil; bu, İranın milli təhlükəsizliyi və milli maraqlarının məsələsidir. 12 günlük müharibə zamanı ortaya çıxanlar göstərdi ki, düşmənlərin əsas məqsədi yalnız hakimiyyətə zərbə vurmaq deyil, həm də İranın müstəqilliyini, infrastrukturunu, müdafiə qabiliyyətini, ərazi bütövlüyünü və milli birliyini sarsıtmaqdır.
