Əbu-Dabi Fələstin kimliyini məhv etmək üçün yeni bir addım ataraq Fələstin dərsliklərinin məzmununu İsrail standartlarına uyğun dəyişməyə çalışır.
BƏƏ İsrail rejimi ilə münasibətləri normallaşdırdıqdan sonra təhsil sistemində etdiyi kimi indi də Fələstin dərsliklərinin məzmununu dəyişməyə çalışır.
Əbu-Dabi iddia edib ki, o, Tel-Əvivə qarşı təxribat xarakterli hərəkətlərə qarşı durmağa çalışır, əslində isə məqsədi İsrail yanaşmasına əsaslanaraq, fələstinlilərin şüur və məlumatlandırılmasını idarə etməkdir.
Fələstinə aid nişanələrin dərs materiallarından çıxarılması
2025-ci ilin May ayının 14-də, “İsrail əl-youm” qəzetindəki açıqlamaya görə, Tramp Səudiyyə Ərəbistanı və Birləşmiş Ərəb Əmirlikləri rəhbərliyindəki Körfəz ölkələri ilə Qəzz zolağında müharibənin dayandırılması planını nəzərdən keçirib. Bu plan israillilərin dərhal azadlığa buraxılmasını, HƏMAS-ın tərki-silah edilməsini, İsrailin Qəzzədən geri çəkilməsini və bölgənin beynəlxalq nəzarət altında yenidən qurulmasını əhatə edib.
Planın bir bəndi BƏƏ-nin xüsusi vurğuladığı, Fələstin təhsil sistemində köklü və əhəmiyyətli dəyişikliklər etməyi və İsrail əleyhinə təbliğatın dərsliklərdən silinməsini nəzərdə tutur. Bu, Səudiyyə Ərəbistanında dərsliklərə edilən dəyişikliklərlə eyni yanaşmanı əhatə edir və BƏƏ və Səudiyyə Ərəbistanının bu dəyişikliklər üzərində nəzarət və supervisiya etmələrini tələb edir.
Bu tələbi 2024-cü ilin Martında İsrail Milli Təhlükəsizlik Araşdırmaları İnstitutu konfransında İsrail rejiminin keçmiş Xarici İşlər naziri Tzipi Livni BƏƏ-dən də tələb etmişdi. O, belə demişdi: İndi ki, Fələstin Muxtariyyəti bizimlə təhlükəsizlik sahəsində əməkdaşlıq edir, istəyirik ki, başqa dəyişikliklər də həyata keçirilsin, o cümlədən İsraili tam olaraq tanısınlar, HƏMAS-ın seçkilərdə iştirakına icazə verməsinlər və Fələstin təhsil sistemini dəyişdirsinlər.
Müşahidəçilər vurğulayıblar ki, Əbu-Dabinin tələb etdiyi təkcə “təhsil islahatları” deyil, daha çox Fələstin şüurunun sionist povestinə uyğun perspektivə əsaslanan transformasiyasıdır. Onlar qeyd edirlər ki, Fələstin təhsilini beynəlxalq standartlara uyğun olaraq “inkişaf etdirmək” bəhanəsi ilə BƏƏ bu reallıqdan istifadə edərək öz proqramını tətbiq etməyə çalışır, ən mühüm məqsədi Fələstin məzmunlu hər hansı Fələstin dərsliklərini boşaltmaqdır.
Bu proqramı dəstəkləmək üçün beynəlxalq tərəflərə təzyiq göstərmək
BƏƏ təkcə bu planı həyata keçirməyi öhdəsinə götürməyib, həm də Fələstin dərsliklərindən anti-İsrail məzmunlu və ya özünün dediyi kimi “təxribat məzmunlu” məzmunun çıxarılması şərti ilə fələstinlilərə yardımlarını göstərmələri üçün beynəlxalq tərəflərə təzyiq etməyi öhdəsinə götürüb.
1948-ci il Nikbəti, İsrail işğalı, fələstinlilərin işğal etdikləri torpaqlarına qayıtma haqqı və xüsusilə də fələstinlilərin İsrailə müqavimət haqqı kimi mövzular Fələstin dərsliklərindən çıxarılması lazım olan mövzular sırasındadır.
İlk dəfə deyil ki, fələstinlilərə yardımdan siyasi məqsədlərə çatmaq üçün bir vasitə kimi istifadə edilir, lakin bu məsələdə diqqəti çəkən məqam BƏƏ-nin İsrail rejimi adından bu planda aparıcı rol oynaması və böyük maliyyə böhranı ilə üzləşən quruluşa təzyiq göstərmək üçün maliyyə təsirindən istifadə etməsidir.
Bu əsasla, BƏƏ beynəlxalq tərəflərə təzyiq göstərir, Fələstin Muxtariyyətinə olan maliyyə yardımlarını siyasi islahatların və təhsil islahatlarının həyata keçirilməsinə bağlayır. Bu, göstərir ki, BƏƏ, Muxtariyyəti qarşı müəyyən niyyətlərə sahibdir, xüsusilə də Əbu-Dabi ilə Muxtariyyət arasında mövcud olan mübahisələr və BƏƏ-nin Ramallahda hakimiyyətə gəlmək, Fələstin məsələsini və onun gələcəyini idarə etmək istəyi heç kimin gözündən qaçmamışdır.
Avropa Birliyinin şərikliyi və dəstəyi
Fələstinlilərin təhsil məzmununun dəyişdirilməsi planı, BƏƏ-nin Avropa İttifaqı ilə əməkdaşlığı kimi qiymətləndirilməlidir, çünki Avropa İttifaqı illərdir ki, Fələstin təhsil məzmununun “yəhudi düşmənçiliyi” olduğu bəhanəsiylə dəyişdirilməsini tələb edir.
2025-ci ilin Mayın ayının 7-də, Avropa Parlamenti altıncı il ardıcıl olaraq, Fələstin məktəblərində ANRWA və Fələstin Muxtariyyəti tərəfindən istifadə edilən dərslikləri kəskin şəkildə pisləyən və iddia edən bir sıra qərarlar qəbul edib. Bu kitabların İsraillə düşmənçilik, müqavimətə təriflər, nifrət təbliğatı və zorakılığa çağırışlar ehtiva etdiyi və bütün bunların “yəhudi düşmənçiliyi” çərçivəsində olduğu vurğulanırdı.
Daha sonra Avropa Parlamenti, Fələstin Muxtariyyətinə olan maliyyə yardımlarını dayandırmağa qərar verdi və bu dayandırmanın, Fələstin dərsliklərində UNESCO standartlarına uyğun dəyişikliklər həyata keçirilənə qədər davam etməsini tələb etdi.
Yeni bir formatda köhnə bir plan
İsrail rejiminin Fələstin dərsliklərinin məzmununu dəyişdirmək üçün apardığı səylər 1967-ci ildən, Qüds və Qərb Sahilinin işğalından başlayıb. Həmin il, Fələstin Təhsil Nazirliyi ilk dəfə olaraq bəzi milli Fələstin mövzularını dərsliklərdən çıxarıb, Holokost haqqında məzmunlar əlavə etmişdi.
O vaxtdan bəri, İsrail rejimi, xüsusilə Qüdsdə Fələstin dərsliklərinin məzmununu dəyişdirmək üçün hədəfli bir siyasət həyata keçirib və 2020-ci ilin Sentyabrında ərəb ölkələrinin İsraillə əlaqələrini normallaşdırmağa başlamasından sonra bu siyasət, Körfəz Ərəb ölkələri də daxil olmaqla, digər ərəb ölkələrinin dərsliklərinə də sirayət edib.
BƏƏ, bu ölkənin dərsliklərində heç bir şəkildə İsrailə və sionizmə qarşı düşmənçilik və əleyhdarlıq olmadan məzmun dəyişdirməyə rəsmi olaraq başlayan ilk ərəb ölkəsi olub. Ardınca, keçən il, Səudiyyə Ərəbistanı da BƏƏ-nin eyni addımını ataraq dərslik məzmunlarında dəyişikliklər edib.
