“BBC”-nin 100-dən çox əməkdaşı bu şəbəkəni Qəzzəyə qarşı müharibə ilə bağlı xəbərlərdə sionist rejiminə tərəfkeşlik etməkdə ittiham edib və ondan qərəzsizlik prinsiplərinə bağlı olmasını tələb edib.
Yazıçılar bəzi hissələri Britaniya medialarında dərc olunan bu açıq məktubda BBC-nin baş direktoru Tim Deyvini Qəzzə hadisələri və fələstinlilərin qətliamının “ədalətli və dəqiq” işıqlandırılmasında səhlənkarlıq etməkdə ittiham ediblər.
Onlar silsiləvi tələblərini bəyan ediblər. O tələblərdən biri BBC-nin Qəzzə müharibəsi ilə bağlı hesabatlarında fələstinlilər və İsrail rejimi arasında 7 Oktyabr 2023-cü ildən əvvəlki münaqişə tarixinə toxunmalı olduğu ilə bağlı olub.
İngilis tarixçi Vilyam Dalrimpl, Guardian-ın köşə yazarı Oven Cons və Britaniya Müsəlmanları Şurası yanında Media Monitorinq Mərkəzinin direktoru Rizvane Həmid tərəfindən imzalanan bu məktub, həmçinin BCC-dən “İsrailin iddialarını dəstəkləmək üçün kifayət qədər dəlil olmadığı zaman” açıq-aşkar deməsini, İsrailin törətdiyi cinayətlərlə bağlı məqalələrdə bu rejimin adını çəkməsini və İsrail rejiminin Nazirlər Kabineti və ordusunun nümayəndələrinə meydan oxumasını tələb edib.
Bu məktubda deyilir: “İsrailin iddialarına qarşı çıxa bilməyən hər bir televiziya reportajı, məqalə və radio müsahibə sistematik olaraq fələstinlilərin insanlığını sual altına aparıb.”
BBC bu iddiaları rədd edib və daha mötəbər və qərəzsiz xəbərləri təqdim etmək üçün öz məsuliyyətinə əməl etməyə çalışdığını iddia edib.
Buna baxmayaraq, yuxarıda qeyd olunan məktubun dərci Britaniya hökumətinə bağlı media redaksiya heyətində və bu şəbəkənin xəbərlərini qərəssiz hesab etməyənlərdə dərin boşluğun göstəricisidir.
Bu şəbəkənin Londonun mərkəzində yerləşən baş qərərgahı da Fələstini dəstəkləyənlərin ötən ildə bir neçə dəfə etiraz aksiyaları keçirdikləri və Qəzzəyə qarşı müharibə ilə bağlı məlumatlarda İsrail rejiminə tərəfkeşliklə bağlı etiraz etdikləri bir yerdir.
Xarici KİV-in verdiyi məlumata görə, sionist rejimi 7 Oktyabr 2023-cü il tarixindən etibarən, Qəzzə zolağındakı sakinlərə qarşı dağıdıcı müharibəyə başlayıb. Bunun da nəticəsində böyük dağıntılar və ölümcül qıtlıqdan əlavə, əksəriyyəti qadın və uşaqlardan ibarət olan minlərlə fələstinli şəhid olub və yaralanıb.
Bu rejim Qəzzə zolağını xarabalığa çevirdikdən sonra Livanın cənubundakı müxtəlif bölgələrə qarş qlobal qınaqla üzləşən geniş miqyaslı hücumlara başlayıb. Sionist rejimin parlamenti də son günlərdə dünya ictimaiyyətinin xəbərdarlıqlarının əksinə olaraq BMT-nin Fələstinli Qaçqınlara Yardım və İşlər üzrə Agentliyinin (UNRWA) işğal olunmuş Fələstindəki fəaliyyətini qadağan edən qanun qəbul edib.
Sionistlər beynəlxalq ictimaiyyəti təhqir etməklə, BMT-nin Təhlükəsizlik Şurasının müharibəni təcili olaraq dayandırmaq üçün qəbul etdiyi qətnamələrini və Beynəlxalq Ədalət Məhkəməsinin soyqırımın qarşısının alınmasının zəruriliyi barəsindəki göstərişlərini görməzlikdən gəlməklə, hələ də bu bölgədəki cinayətlərinə davam edir.
