ABŞ Nümayəndələr Palatasının resuplikaçı üzvləri deyirlər ehtimal var ki, ABŞ prezidenti “Co Bayden”-in ailə üzvlərindən olan digər 6 nəfər, Baydenin siyasi postundan sui-istifadə eməklə, bağladıqları korrupsioner ticari müqavilələrdən faydalanıb.
ABŞ Nümayəndələr Palatasında “Nəzarət Komitəsi” Co Bayden ailəsinin maliyyə hesabatlarını araşdırmaqdadır. Bu tədqiqatın məqsədi Bayden ailəsinin ölkə daxilində və ölkə xaricindəki biznes əməliyyatlarında ehtimal olunan pozuntuların müəyyən olunmasıdır.
ABŞ Nümayəndələr Palatasının saytında respublikaçıların nələrin üzə çıxmasını istədikləri barədə daha dəqiq izahlar verilmişdir.
ABŞ-ın demokrat prezidentinin siyasi rəqibləri hesab olunan respublikaçılar iddia edirlər ki, prezidentin ailə üzvləri sərvət əldə etmək üçün onun siyasi postundan və hakimiyyət səlahiyyətlərindən istifadə ediblər. Bu əməliyyatlar bəzən Amerikanın milli mənafeyini də təhlükəyə atıb.
Nümayəndələr Palatasınındə Nəzarət Komitəsinin üzvü “Nansi Mays” qəzetlərdən biri ilə müsahibəsində deyib ki, verilən hesabatlar Baydenin ailə üzvlərinin şübhəli fəaliyyətlərində mübadilə olunan məbləğin “astronomik” olduğunu göstərir.
O, həmçinin, bu müqavilələrdə iştirak edən qohumların sayını “inanılmaz” adlandırıb.
Qəzetlərdən birinin yazdığına görə, bu müqavilələrdən faydalanan Baydenin qohumlarının sayı 9 nəfərə çatıb.
Şübhəli müqavilələr
ABŞ mediyaları bundan əvvəl bildirmişdilər ki, haqqında narkotik maddələrə ciddi aludəçiliyinin olması barədə məlumatlar dərc olunan Baydenin qalmaqallı oğlu “Hunter Bayden”, bu şübhəli müqavilələrin mərkəzindədir.
Hunter Bayden cəzbedici biznes müqavilələri bağlamaq və korrupsiya ilə tanınan şirkətlərlə əlaqə yaratmaq üçün atasının adından istifadə etməkdə ittiham olunur. Təbii ki, o, vergidən yayınma ehtimalına görə, 2018-ci ildən də istintaq altındadır.
Respublikaçı nümayəndələr deyirlər ki, Hunter Bayden atasının ABŞ prezidentinin müavini olduğu dövrlərdə külli miqdarda pul müqabilində Liviya və Çin dövlətləri ilə əlaqəli olan şirkətlərə lobbiçilik təklifi edib. Bundan əlavə o, işlərinin görülməsini istəyən şəxsləri ABŞ hökumətinin yüksək rütbəli şəxsləri ilə əlaqələndirib.
Amerikanın məşhur və köhnə qəzetlərdən biri, Hunter Baydenin özünün emaillərindən birinə istinad edərək yazıb ki, o, sırf insanları ABŞ hökumətinin yüksək rütbəliləri ilə əlaqələndirmək üçün çinli bir milyarderdən illik 10 milyon dollar pul alıb.
ABŞ-ın ticarət və texnologiya xəbərləri dərc edən xəbər saytlarından biri, bir neçə ay əvvəl ABŞ prezidentinin oğlunun şübhəli fəaliyyətləri barədə yazıb: Onun (Hunter Baydenin) şəriklərindən biri deyib ki, onun qadınlardan sui-istifadə etməsi və narkotik maddələr qəbul etməsi barədəki hesabatlara baxmayaraq, ABŞ Dövlət Departamentləri və Maliyyə Nazirliyi, həmçinin, Çində “yüksək səviyyəli” məmurlarla əlaqəsinin olmasına görə, o, hələ də dəyərli şərik ola bilər.
Bu saytın hesabatına əsasən, Hunter 2013-cü ildə atası ilə birlikdə prezident müavininə məxsus təyyarə ilə Çinə rəsmi səfərdə olub və orada böyük çinli sərmayedar Conatan Li ilə görüşüb.
Yeni korrupsionerlər
“Comer”-in şübhəli müqavilələrdən faydalandığını iddia etdiyi Bayden ailəsinin yeni üzvləri, ABŞ prezidentinin qardaşı “Cim Bayden” və prezidentin ölən oğlunun (Beau Bayden) həyat yoldaşı “Hali Bayden”-dir.
Buna baxmayaq, belə müqavilələrdən faydalanan Bayden ailəsinin digər üzvlərinin kimlər olduğu hələ bilinmir. Nümayəndələr Palatasında Nəzarət Komitəsinin sözçülərindəb biri deyib ki, hələ “Cim” və “Hali”-dən başqa Baydenin digər qohumlarının adlarını ifşa etmək qəsdi yoxdur.
