Xəbər: ABŞ-ın məşhur qəzetlərindən biri bazar günü yazıb ki, ABŞ prezidenti Co Bayden və müavinləri “hər zamankından daha çox – Qəzzə müharibəsi başlayandan bəri – Netanyahu ilə əlaqələrin kəsilməsi astanasındadırlar və daha onu bir müttəfiq bilmirlər. Buna görə də, Netanyhuya nisbətdə məyusluq və ümidsizliyin artması Baydenin bəzi müavinlərini, prezidenti Rəfəhdəki hərbi əməliyyatlarla bağlı daha açıq və tənqidi mövqelər tutmağa vadar etmələrinə gətirib çıxarıb.”
Təhlil
Bu qəzetin sözlərini Amerikanın digər media və qəzetləri də başqa forma və ifadələrlə deyiblər. Amma həqiqətdə, pərdə arxasında və hətta aşkarda baş verən şey ABŞ hökumətinin sionist rejiminin və Qəzzədəki qətliam qarşısındakı mövqelərində strateji dəyişikliyin baş verdiyinə dəlalət edən heç bir əlamətin görsənmədiyini çatdırır. İki tərəf arasında görünən maksimum fərq qətliamın üslubu üzərindədir. Bayden Netanyahudan “proqram əsasında və hesab-kitabla qətliam etməsini” istəyir, kor-koranə və hədəfsiz deyil. Bu mövzu ABŞ-ın Qəzzəyə hücum üçün bütün imkanlarını işə salmasından sonra onun qarşıdan gələn seçkilərdəki mövqeyinə mənfi təsir göstərəcək.
Bəziləri Baydenin Netanyahudan narazı olmasının səbəbini ABŞ-ın “İsrail”-ə bütün imkanlar və silah yardımlarına rəğmən, onun sionist rejiminin baş nazirinin fəaliyyətindən məyus olması, onun və bu rejimin ordusunun HƏMAS-ı və Qəzzədəki müqaviməti tamamilə məhv edə bilməməsi olduğunu bildiriblər.
Oktyabrın 7-dən indiyə qədər ABŞ-ın Xarici İşlər naziri Beliken 7 dəfə regiona səfər edib və onun hər səfərindən sonra sionist rejiminin Qəzzədəki hərbi əməliyyatları pik həddə çatıb. O, regiona 7-ci və sonuncu səfərində bu rejimə Rəfəh qətliamı üçün yaşıl işıq yandırıb. Həqiqət budur və bundan qeyrisi yalandan başqa bir şey deyil.
Diqqəti cəlb edən nöqtə budur ki, vaxtaşırı – o cümlədən, 1 milyon 400 mindən çox Qəzzə qaçqınının son sığınacağı olan Rəfəhə hücum etdiyi zaman- Netanyahunu tənqid edən Bayden sionist rejiminə hərbi yardımın dayandırılması yaxud bu yardımlara şərtlərin qoyulması ilə bağlı kampaniyalar qarşısında, yalnız “İsrailin düşmənləri”-nin təşviq olunacağı bəhanəsi ilə müqavimət göstərir. Necə ki, özü ABŞ Konqresinə “İsrail”-ə hərbi yardımların 14 milyard dollar dəyərində artırılmasını qəbul etməsi üçün təzyiq göstərir.
ABŞ medialarının Bayden və Netanyahu arasında-sionist rejiminin Rəfəhə hücum etməsinə görə- əlaqələrin kəsilməsi həddində olan ixtilafların olması barədə bütün son hay-küylərinə baxmayaraq, Bayden elə bazar günü Netanyahu ilə telefon əlaqəsi zamanı ondan “icra qabiliyyətinə malik plan və proqram olmadan” Rəfəhə qurudan hücum etməkdən çəkinməsini istəyib.
Maraqlısı budur ki, Bayden çox yaxşı bilir ki, Rəfəhdə hal-hazırda təxminən 1 milyon 400 min insan var ki, onların da çoxu çadırda yaşayır və kifayət qədər su, qida və dərmanları yoxdur. Amma o, telefon danışığında bu bölgəyə hücumun dayandırılmasını istəməyib, əksinə son istəyi bu olub ki, “bu hücum oraya sığınan 1 milyon insanın təhlükəsizliyinə zəmanət vermək üçün icra qabiliyyətinə malik plan və proqram olmadan həyata keçirilməsin.” Halbuki, o, çox yaxşı bilir ki, dostu Netanyahu indiyədək əksəriyyəti qadın və uşaq olan 28 176-dan çox fələstinlinin qətliam olunmasından çəkinməyib.
Hər nə qədər irəliləyiriksə, Baydenin Netanyahuya Rəfəhə hücum üçün yaşıl işıq yandırdığı daha çox aydın olur. Bu hücum əslində, ABŞ, İngiltərə və sionist rejiminin üçlü hücumudur. ABŞ və İngiltərənin Qəzzədəki qəltiamda payları var. Əgər bu iki ölkə olmasaydı, Netanyahu heç vaxt beynəlxalq qanunları və protokolları ayaq altına atmaqla belə cinayətlərə əl ata və dünya ictimaiyyətinin rəyini və beynəlxalq məhkəmənin hökmünü görməməzlikdən gələ biməzdi.
