İran İslam İnqilabının Ali Rəhbəri: “ABŞ rejimi ciddi şəkildə siyasi, mədəni və mənəvi tənəzzül içindədir.” (3.11.2020)
Bu yazıda İran İslam İnqilabının Ali Rəhbərinin çıxışlarına əsaslanaraq ABŞ demokratiyasının müxtəlif ölçüləri araşdırılıb.
Hərçənd liberal demokratiya Amerika siyasi sisteminin siyasi modeli ünvanında azadlıq, insan hüquqları, xalq hakimiyyəti kimi şüarlar səsləndirir, lakin reallıqlar ABŞ hakimiyyətinin əməldə bu şüarlara uyğun əməl etmədiyini göstərir. Bu liberal demokratiya ideyasının ciddi böhranlarla üzləşdiyini çox yaxşı göstərən həqiqətlər mövcuddur. “Bu gün bunlar Amerikanın, Qərb ölkələrinin, kapitalist sistemin özündə və sözdə liberal demokratiyada – həm “liberal”ı, həm də “demokratiya”sı yalandır –iflasa uğrayıblar.” (İslam İnqilabının Ali Rəhbərinin çıxışı: 2.11.2011)
Liberal demokratiyanın uğursuzluqları və əsaslı problemlərinin bir hissəsi aşağıda qeyd olunacaq Amerikada güc qazanma yolunda görmək olar.
ABŞ demokratiyasında insan mərkəzliliyi əvəzinə kapital mərkəzlilik
Amerika demokratiyasının yalan olduğunu göstərən mövzulardan biri sərmayə (kapital) hökmranlığıdır. “Bu gün Qərb ölkələrində və Amerikanın özündə demokratiya və seçki adlı şey seçkinin zahiri görünüşüdür, onun mahiyyəti isə kapital hökmranlıqdır.” (İslam İnqilabının Ali Rəhbərinin çıxışı: 12.05.2000)
Təbii ki, bu pul diktatorluğu siyasi gücün yaranması ilə məhdudlaşmır, əksinə ABŞ cəmiyyətinin müxtəlif sahələrində üstünlük təşkil edir. “O vaxt tanış olduğumuz (İmam Xomeyni (r.h) yolunun davamçılarından) tələbələrdən biri casusluq yuvası, onun ələ keçirilməsi və gənclərlə bağlı bir kitab yazmışdı. O, kitabı ingilis dilində yazmışdı, sonra fars dilinə tərcümə etdilər. O, deyirdi ki, nə qədər etdiksə də, Amerika nəşriyyatları bu kitabı çap etməyə razı olmadılar. Sonda kanadalı bir nəşriyyat tapıldı və müqavilə imzaladıq, qəbul etdi. Bir müddət sonra o kanadalı deyirdi məni çox təhdid edirdilər… Bu, pul və ehtirasın tamamilə gizlin və çox nüfuzlu diktatorluğudur. Təbii ki, əgər kimsə onların gördükləri iş qarşısında söz deyərsə, onu boğarlar.” (İslam İnqilabının Ali Rəhbərinin çıxışı: 04.02.2003)
Amerika demokratiyasında bu hekayənin digər üzü xalq kütlələrinin fikir və rəylərinin təsirinin azalması və səthi roludur. Əslində, rəqabət xalqın rəyləri arasında deyil, şirkət sahibləri arasındadır. “Bu gün seçki keçirilən və demokratiya bayrağını qaldıran demokratiya dünyasında mövcud olmayan şey “ümumi razılıq”dır. Amerikada, tanınmış demokratik ölkələrdə belədir. Seçki meydanına daxil olub, seçki mübarizəsi aparanların arxasında xüsusi cəbhədən olan qruplar var; yəni kapitalistlər, şirkət sahibləri, maliyyə nüfuzluları, böyük maliyyə dəstələri. İşləri yoluna qoyan onlardır. Onlar azdırıcı təbliğatlarla, müxtəlif üsullarla xalqın rəyini müxtəlif səmtə çəkirlər. Əslində, dava xalqın rəyləri arasında yox, şirkət sahibləri arasındadır. Bu, xəyali bir şeydir. Əslində, oralardakı demokratiya hökmranlığı azlıqların, xüsusi insanların hömkranlığıdır. Onların xüsusi və elita olmaları çoxlu maliyyə imkanlarına malik olmaqlarına görədir. Siyasəti yaradan da onlardır.” (İslam İnqilabının Ali Rəhbərinin çıxışı: 25.02.2010)
Namizədlərin ABŞ seçki meydanına daxil olmaları üçün yeganə yol!
ABŞ demokratiyasının digər bir xüsusiyyəti onun sionist kapitalistlər şəbəkəsinin investesiyasına bağlı olmasıdır. “Kapitalist ölkələrdə əgər (kimsə) bu iki ya üç partiyanın üzvü olarsa və kapitalistlərin, fabrik sahiblərinin, varlıların, sərvət və güc mafiyalarının dəstəyinə sahib olarsa, təbliğat apara bilər, əks təqdirdə təbliğat apara bilməz. Sionistlərin, qaniçən beynəlxalq kapitalistlərin dəstəkləmədiyi şəxslər hər nə etsələr də, seçki meydanına daxil ola bilmədilər; onların ixtiyarında nə media vardı, nə də televiziya. Hər saniyə üçün çoxlu pul xərcləməli idilər.” (İslam İnqilabının Ali Rəhbərinin çıxışı: 04.06.2013)
Siyasi korrupsiya və hiylə ilə hakimiyyət əldə etmə klupları
ABŞ demokratiyasının göstərcilərindən biri budur ki, əslində, Amerikada və Avropa ölkərinin bir çoxundakı hazırkı partiyaların hakimiyyətə çatmaqdan başqa məqsədləri yoxdur. “Qərbin hazırkı partiyaları hakimiyyət əldə etmək üçün kluplar deməkdir. Ümumiyytlə, partiya qüdrət əldə etmək üçün bir toplum deməkdir. Bir qrup hakimiyyəti ələ almaq üçün birləşir, öz sərmayə, pul və maliyyə imkanlarından istifadə edir yaxud digərlərindən alır və ya siyasi hiylələr işlədir. Başqa bir qrup isə bu qrupun rəqibi olur. Rəqib qrup da o biri qrupu taxtdan salmaq üçün onun gördüyü işləri görür. İndi dünyadakı partiyaların əksəriyyəti belədir. Amerikada növbə ilə iş başına keçən iki partıya da belədir. Bunlar əslində, hakimiyyət əldə etmək üçün olan partiyalardır.” (İslam İnqilabının Ali Rəhbərinin çıxışı: 16.10.2011)
Seçkilərdə saxtakarlıq və insanların rəylərinin nəticələrinin dəyişdirilməsi
Həmçinin ABŞ demoktariyasının struktur zəifliyi rəhbərlərinin seçkilərdəki saxtakarlıqları ilə üzə çıxır. “Bu gün əşkar şəkildə başa düşülən şey budur ki, ABŞ rejiminin rəhbərlərinin dəm vurduqları demokratiya əfsanədən başqa bir şey deyil. Bu, (dəm vurduqları demokratiya) real bir şey deyil. Bunun əlaməti həmin demokratiyanın öz yolunda üzləşdiyi problemlərdir. Yəni həll yolu və əlacı olmayan böyük və təyinedici saxtakarlıqlar. Təbii ki, hadisəni bir formada çatdıracaqlar və həqiqətlərin məlum olmasına icazə verməyəcəklər. Amma işin əsli müxtəlif səviyyələrdəki daxili və geniş yayılmış korrupsiyadır.” (İslam İnqilabının Ali Rəhbərinin çıxışı: 14.11.2000) Məsələn, “Corc W. Buş saxtakarlıqla vəzifəyə gəlib.” (İslam İnqilabının Ali Rəhbərinin çıxışı: 14.03.2006)
Azlığın çoxluq üzərindəki hökmranlığı
Bu sistemdəki digər bir boşluq azlığın çoxluq üzərindəki hökmranlığıdır ki, bu da, xalq hakimiyyəti iddiasını puç edir. “Materialist sistemlərinin digər bir boşluğu Amerikanın seçki məsələləri və 25%-lik azlığın 75%-lik çoxluq üzərindəki hömkranlığıdır. Bu da Qərb sistemlərində xalqın xalq üzərində, çoxluğun azlıq üzərindəki hökmranlıq iddiasının puç olduğunu göstərir.” (İslam İnqilabının Ali Rəhbərinin çıxışı: 22.11.2000)
Bu aydın nöqtələri bir-birinin kənarına qoymaqla Amerikanın demokratiya iddialarının yalan olmasını başa düşmək olar. Bu gün bu həqiqət hər zamankından daha çox dünyanın gözü qarşısındadır.
