Ərəb və Fələstin vətəndaşları ABŞ prezidentlərinin hər birinin adını eşitdikləri vaxt işğalçı sionist rejimin on illiklər boyunca ABŞ-ın hərbi, silah və diplomatik dəstəyi ilə işğal olunmuş Fələstin torpaqlarında törətdiyi cinayətləri ixtiyarsız olaraq xatırlayırlar.
Bill Klinton
Klinton prezident olduğu illərdə kreditlər və yardımlar verməklə işğalçı sionist rejiminə çoxlu dəstək verib. Onun dövründə BMT tərəfindən qəbul edilən qətnamələr İordan çayının qərb sahillərində, Qəzzədə və Qüdsdə qəsəbə salınmasını qadağan etdiyi halda, Klintonun geniş şəkildə qəsəbə salınmasına qarşı çıxması yalnız dildə idi.
Beləliklə də, işğalçı sionist rejimi bu illər ərzində muxtar hökuməti rəsmi tanınmaqla, İordan çayının qərb sahilləri, Qəzzə və Qüdsdən geri çəkilmədən fələstinlilərin müsbət rəyini qazandı. O, həmçinin işğal olunmuş ərazilərdə qəsəbə salınmasına davam etdi, fələstinliləri və qonşu ərəb ölkələrini Fələstin amalları və sülh barəsindəki kompromis müzakirələrdə qərq etdi.
Klintonun prezidentliyi dövründə işğalçı sionist rejimi Livana qarşı 1996-cı ilin Aprel ayındakı “Qəzəb salxımları” hücumu kimi bir neçə əməliyyat keçirdi. Qeyd olunan bu hücumda Amerikanın diplomatik rolu olub və dövlət katibinin səfərləri vasitəsi ilə işğalçı sionist rejimin xeyrinə siyasi uğurlar əldə etməyə çalışıb.
Corc Volker Buş (oğul) – region əleyhinə müharibə
ABŞ prezidenti (oğul) Corc Buş əl-Əqsa qiyamının pik nöqtəsində hakimiyyətə gəldi. Onun hökumət üzvləri sionizmə tərəf tərəkət, ərəb və İslam regionunun dəyişdirilməsi və müqavimət mərkəzlərinin məhv edilməsinə şamil olan düşüncələrə sahib idilər.
İşğalçı rejimin o vaxtkı baş naziri Arel Şaron fələstinlilərə qarşı müharibəsinin amerikalıların “terrorizm”ə qarşı müharibəsinin bir hissəsi olduğunu bildirdi və Corc Buş administrasiyasının tam dəstəyini əldə etdi.
ABŞ hökuməti qiyam müddətində qiyamı dayandırmaq və Fələstin müqavimət qruplarının məhv edilməsi üçün muxtar təşkilata və qonşu ölkələrə siyasi və diplomatik təzyiqlərdən ibarət mürəkkəb bir proqram icra etdi. ABŞ hökuməti hərbi dəstəklərin göstərilməsinə və Arel Şaronun İordan çayının qərb sahilləri və Qəzzədəki hücum əməliyyatlarını və qətliamlarını ört-basdır etməyə davam etdi.
Bu illər ərzində ABŞ qüvvələri İraqı işğal etdilər və Səddam rejimini devirdilər. İraqlıların təhdidləri qarşısında “İsrailin təhlükəsizliyinə” zəmanətin verilməsi ABŞ hökumətinin bu hücumda elan etdiyi hədəflərin bir hissəsi idi. İşğalçı rejim region coğrafiyasını öz xeyrinə dəyişmək istədiyini açıqladı.
Livana qarşı 2006-cı il müharibəsində o zaman ABŞ-ın dövlət katibi Kondoliza Rays müqavimətə qarşı siyasi və diplomatik hücum simvolu idi. O, ABŞ-ın, müqavimət döyüşçülərinin və fələstinli, livanlı və ərəb uşaqların cəsədləri üzərində yeni Orta Şərq yaratmaq istədiyini bildirdi. Sionist ordusunun bu hücumdakı məğlubiyyəti bu layihənin uğursuzluğu oldu. Həmçinin Corc Buşun (oğul) dövründə 2008-ci ildə Qəzzəyə qarşı ilk soyqırım müharibəsi baş verdi və işğalçılar bu müharibədə Amerika silahlarından və amerikalıların birbaşa dəstəyindən istifadə edərək dəhşətli qətliamlar törətdilər.
Barak Obama – qaydalara və “ixtilaflara” baxmayaraq əlaqələri bərpa edən şəxs
Obama administrasiyası və sionist rejimi arasındakı münasibətlər barəsində ixtilafların olması gözə çarpırdı, xüsusən də fələstinlilərin məsələsi, qəsəbəsalma, iki hökumətin təşkil olunmasının həll yolu və İranın nüvə mövzusu.
Amma ABŞ Milli Təhlükəsizlik Şurasının verdiyi hesabat bunun əksini göstərdi və ABŞ ilə İsrail əlaqələrinin Obamanın dövründə daha çox rövnəq tapdığını bəyan etdi.
Obama 2008-ci ildə sionist rejimi ilə bir razılaşma imzaladı ki, onun əsasında ABŞ havadan müdafiə sistemi yaratmaq üçün 3 milyard dollardan əlavə, bu rejimə 10 il ərzində 30 milyard dollar dəyərində dəstək verəcəkdi.
Tramp – ABŞ hökumətində açıq sözlü sionist
Tramp ilk gündən etibarən sionizm tərəfdarı olduğunu açıqladı və prezidentliyi dövründə sionist rejiminə çoxlu hədiyyələr verdi. O cümlədən ABŞ səfirliyinin işğal olunmuş Qüdsə köçürülməsi və “Əsrin müqaviləsi”nin elan olunması. Bu müqavilənin mənası hər bir müstəqil Fələstin dövlətinin qurulmasının qarşısının alınması, həmçinin sionist rejiminin Suriyada işğal olunmuş Colan təpələri üzərindəki hökmranlığının tanınması və İordan çayının qərb sahillərinin bu rejimə birləşdirilmə vədi idi.
Tramp və onun hökumət üzvləri regionun israillilərin istəkləri qarşısında təslim olması üçün normallaşdırma sazişləri vasitəsilə bir lahiyə başlatdılar. Bu normallaşdırma ABŞ-ın nəzarəti ilə BƏƏ, Bəhreyn və Mərakeşlə həyata keçirildi. Həmçinin “İsrail”in ərəb və İslam regionuna hakimliyinin təmin olunması məqsədi ilə Sudan və regionun digər tərəfləri, o cümlədən Səudiyyə Ərəbistanı ilə əlaqələr bərpa olundu.
Trampın bu sazişlərdən məqsədi “İsrail”in qalmasına zəmanət verilməsindən əlavə, Fələstin məsəsləsinin gündəmdən çıxarılması və ərəblərin hətta “iki hökumətin təşkil olunmasının həll yolu” layihəsinin həyata keçməsindən öncə “normallaşdırma”ya sövq edilmələri idi.
Bayden – Soyqırım müharibəsinin himayəçisi
ABŞ prezidenti Co Baydeni israillilərin Qəzzədəki və daha sonra Livandakı “soyqırım müharibəsi”nin himayəçisi kimi təsvir etmək olar.
İsraillilərin Qəzzəyə qarşı başlatdıqları müharibənin ilk anlarından etibarən Bayden, onun dövlət katibi Blinken, ABŞ Müdafiə naziri və digər dövlət rəsmiləri fələstinlilərə qarşı müharibədə işğalçı sionist rejimini tam dəstəklədiklərini bildirdilər.
ABŞ Qəzzə müharibəsində işğalçı hökumətə 14 milyard dollardan çox yardım göstərib, silah anbarlarını onun üçün açıb və uşaqların öldürülməsi, məscidlərin, evlərin, obyektlərin, yaşayış və tibbi infrastrukturların dağıdılması üçün istifadə olunan texnika və raketlərin daşınması üçün hava körpüsü yaradıb.
Müxtəlif mənbələrin vurğuladığı kimi bu ölkə təkcə hərbi dəstəklə kifayətlənməyib, həm də havadan müdafiə sistemləri və regionda yerləşdirilən bazarları vasitəsi ilə işğalçı sionist rejimin bu müharibədə müdafiə olunmasında iştirak edib.
Media aldatma kampaniyasına, Bayden və Netanyahu arasında ixtilafların yaranması ilə bağlı söhbətlərə baxmayaraq, reallıq bundan ibarət idi ki, ABŞ soyqırım müharibəsi başlayan vaxtdan sionist rejimini dəstəkləyib. ABŞ hətta beynəlxalq qrumlarda işğalçı rejimin beynəlxalq səviyyədə pislənilməsinə mane olub.
