Rəngli cəmiyyətə, xüsusilə qaradərili vətəndaşlara qarşı zorakılqla tanınan ABŞ polisi, indi “Corc Floyd”-un qətlinin ildönümündə yenə də bu davranışını qorxmadan və Afrika əsilli vətəndaşların yaşlarını nəzərə almadan davam etdirir.
Xarici KİV-in verdiyi məlumata görə, 11 yaşlı qaradərili amerikalı bir yeniyetmə polisin birbaşa açdığı atəş nəticəsində ölüm astanasında idi; həm də ABŞ-ın Missisipi ştatındakı xəstəxanadan yenicə çıxmış uşaq.
“Adrien Murry” adlı bu uşaq ailəsinə qarşı edilən təhdidlə bağlı kömək almaq və bununla da qorunmaq üçün polisə zəng edib. Amma polis gəldikdən sonra sinə nahiyəsinə atəş açmaqla onu ağır şəkildə yaralayıb.
Polisdən kömək istənildikdən və onların oraya gəlməsindən sonra ev sakinlərindən evi tərk etmələri istənilib. 11 yaşlı bu oğlan polisin göstərişinə əməl etdiyi vaxt dərhal sinəsindən yaralandığını başa düşür.
Xarici KİV-in verdiyi araşdırma hesabatında əlavə olaraq deyilir ki, bu uşaq ağciyərdən, qaraciyərdən ağır yaralanıb və qabırğasının biri sınıb.
Polis idarəsi hadisəni törədən polisin paltarına quraşdırılan kamera vasitəsilə lentə alınan video görüntünü indiyə kimi məhkəmə orqanlarına və hadisənin izinə düşən bu ailənin vəkillərinə təqdim etməkdən çəkinir.
Yaralanmış uşağın anası “Nakala Murry” xəbər kanalına deyib ki, polis idarəsindən heç bir kəs xəstanada müalicə və əməliyyat olunan bu uşağa baş çəkməyə gəlməyib.
Corc Floyda qarşı zorakılıq hadisəsi
Amerikalı qaradərili vətəndaş Corc Floyd da 2020-ci ildə Minneapolis polisi “Derek Çauvin”-in dizini 9 dəqiqə onun boynuna qoyub sıxmasından sonra öldü.
Polisin bu kobud rəftarı təkcə Amerika boyunca deyil, dünyada etiraz dalğasına səbəb oldu və o vaxtkı ABŞ prezidenti Donald Trampın etirazçılara qarşı kəskin reaksiyası ilə müşayət olundu.
2014-cü ildə ABŞ polsinin zorakılığının 1150 nəfər qurbanı
TV kanallardan birinin hesabatında deyilir: ABŞ polisinin xalqa, xüsusən də qaradərililərə qarşı zorakılığı təkcə 2014-cü ildə 1149 nəfər vətəndaşı ölümə sürükləyib.
ABŞ-ın ağdərili polsinin rəngli insanlara qarşı zorakılığının uzun keçmişi var. Məsələn, 2014-cü ilin Avqust ayında Ferquson şəhərində baş vermiş hadisədə, ağdərili polis zabiti “Darren Wilson” 18 yaşlı qaradərili gənc “Maykl Braun”-u 6 güllə ilə qətlə yetirmişdi.
ABŞ-ın ağdərili polis qüvvələrinin zorakı və qəddar rəftarına görə ABŞ ictimaiyyətindəki gərginlik bu ölkədə təhlükəsizlik problemlərindən biri sayılır.
