Xarici KİV-in bazar ertəsi verdiyi məlumata görə, ABŞ polisi ilə etirazçılar arasında şiddətli toqquşmalardan sonra iki beynəlxalq jurnalist, o cümlədən britaniyalı fotoqraf və avstraliyalı televiziya müxbiri xəbər vəzifələrini yerinə yetirərkən Los-Anceles polisi tərəfindən öldürücü olmayan güllələrə tuş gəlib.
İnternet saytınlarından birinə istinadən verilən məlumata görə, Avstraliyanın Kanal 9-un müxbiri Lauren Tomasi yerli vaxtla bazar günü axşam saatlarında ABŞ-ın immiqrasiya siyasətlərinə qarşı canlı etiraz aksiyasını işıqlandırarkən, polisin açdığı açıq-aşkar öldürücü olmayan plastik güllə ayağından dəyib.
Mediada yayılan insidentin videosunda polis məmurunun Tomasi və onun xəbər komandasına tərəf döndüyü və daha sonra onlara güllə atdığı görünür.
Tomasi yaralı ayağını əli ilə tutmaq üçün çalışdığı və ağrıdan qışqırdığı görünür, lakin kamera qəfildən uzaqlaşır.
Tomasi Avstraliya şəbəkəsinə hadisədən sonra “təhlükəsizlik”də olduğunu və “Los Anceles küçələrində çox gərgin bir gün keçirdiyini” deyib.
Verilən məlumata görə, Los-Anceles Polis İdarəsi (LAPD) hadisə ilə bağlı şərh sorğusuna cavab verməyib.
Məlumatına əsasən, Los-Ancelesdəki etirazları işıqlandıran britaniyalı fotoqraf da polis tərəfindən güllələnib.
Britaniyalı fotoqraf Nik Stern yerli vaxtla şənbə günü axşam Los-Ancelesdə etirazçılarla polis arasında baş verən toqquşmaları işıqlandırarkən “yüksək sürətlə 14 mm-lik köpük gülləsi” ilə bud nahiyəsindən vurulduğunu deyib.
60 yaşlı fotoqraf Londonun qəzetinə deyib ki, boynuna mətbuat nişanı, əlində böyük videokamera olub və “özünü medianın üzvü kimi təqdim etməyə çalışıb.”
Digər bir xəbər mənbəsinin məlumatına görə, ABŞ polisi Donald Trampın immiqrasiya siyasətinə qarşı etirazlarda üçüncü gün davam edən zorakılıqlardan sonra bazar günü gecə yerli vaxtla Los-Ancelesin bütün mərkəzi ərazisini qadağan zona elan edib və etirazçılara ərazini tərk edib evlərinə qayıtmağı əmr edib.
Los-Ancelesdəki iğtişaşlar Trampın qeyri-qanuni immiqrasiyaya qarşı mübarizə səylərində dönüş nöqtəsinə çevrilib.
Etirazların qarşısını almaq üçün ABŞ prezidenti tərəfindən yerləşdirilən Milli Qvardiya qoşunları dünən federal hökumət binalarını qoruyub. Kaliforniya qubernatoru Gavin Newsom bu addımı qanunsuz adlandırıb.
