Yəmən Səhiyyə Nazirliyinin Hudeydə əyalətindəki ofisi ABŞ-ın Rəs İsa neft limanına endirdiyi hava hücumu nəticəsində ölənlərin sayının 80 nəfərə yüksəldiyini açıqlayıb.
Xarici KİV-in verdiyi məlumata görə, Yəmən Səhiyyə Nazirliyi cümə günü elan edib ki, Hudeydə əyalətinin “Rəs İsa” limanında ağır yanıq xəsarətləri alan onlarla yaralının vəziyyətinin ağır olması, şəhid sayının artma ehtimalını yüksəldir.
Bu xəbərə görə, ABŞ-ın bu səhər limana iki ağır hava hücumu indiyədək 80 nəfərin şəhid olması ilə nəticələnib. Şəhidlərin əksəriyyəti bu neft limanının işçiləri və fəhlələri olub, ən azı beş xilasedici də şəhid olub.
150 nəfər də yaralanıb, onlardan bəzilərinin vəziyyəti ağır yanıqlar səbəbindən ağırdır. Bu son rəqəm deyil və şəhidlərin sayının artacağı ehtimalı var.
Yəmən mənbələri bu gün səhər xəbər veriblər ki, birinci hücumdan sonra xilasedicilər yaralılara yardım göstərərkən ikinci hücum baş verib və bu hücumda çoxlu sayda xilasedici də şəhid olub, xilas ola biləcək bir çox yaralı da şəhid olub.
Bu hücumdan sonra Səna hökuməti də bəyanatında partlayışı tam hərbi cinayət kimi qiymətləndirib.
Yəmən hökuməti vurğulayıb ki, Rəs İsa neft limanına hücum limanın mülki xarakterini nəzərə alaraq, tam hərbi cinayətdir və yalnız hərbi obyektləri hədəfə aldığını iddia edən ABŞ hökumətinin açıq yalanlarının göstəricisidir.
