Məşhur ABŞ qəzetlərindən biri, İsrailin NSO şirkətinin Co Bayden hökumətinin qara siyahısında olmasına baxmayaq, Vaşinqtonun 2021-ci ildə bu şirkətlə gizli müqavilə imzalamasını və onunla gizli əməkdaşlığının olmasını ifşa edib.
Bu ABŞ qəzeti (bazar ertəsi günü) yazıb: Bu gizli müqavilə 8 Noyabr 2021-ci ildə yekunlaşıb və bu, İsrailə məxsus NSO şirkət ilə ABŞ hökuməti üçün örtük rolu oynayan bir şirkət arasında razılaşmadır.
Qəzetin yazdığına görə, bu razılaşmaya əsasən, NSO şirkəti ABŞ hökumətinə güclü silahlardan birinə çatma imkanı yaradıb; dünya boyunca istifadəçinin məlumatı yaxud razılığı olmadan mobil telefonları gizli şəkildə izləmək imkanına sahib geolocation alət.
Halbuki, Co Bayden hökuməti 5 gün əvvəl bildirmişdi ki, neçə illərdir dünya dövlətləri tərəfindən siyasi müxaliflər, insan haqları fəalları və jurnalistlərə qarşı casusluq üçün istifadə olunan hack alətlərinə sahib NSO şirkətinə qarşı tədbir görməkdədir.
Ağ ev bu İsrail şirkətini Ticarət Departamentinin qara siyahısına əlavə edərək onun milli təhlükəsizliyə bir təhdid olduğunu deyib. Ağ ev həmçinin, ABŞ şirkətlərinə NSO şirkəti ilə ticari əməkdaşlığı dayandırmaqları barədə xəbərdar edib.
ABŞ-ın məşhur qəzetinin ilk dəfə olaraq üzərindən pərdə götürdüyü bu gizli müqavilə, Bayden hökumətinin ümumi siyasətini pozur və deyəsən hələ də davam edir. Bu müqavilə, ABŞ hökumətinin bu casusluq alətinin son istifadəçisi olacağını göstərir. Lakin bu ABŞ qəzeti yazıb ki, hansı dövlət qurumunun bu müqaviləyə icazə verdiyi və ondan istifadə etdiyi məlum deyil.
Bu hesabata əsasən, bu gizli müqavilə, ABŞ hökumətinə casus proqramını Meksikada seçilmiş hədəflərə qarşı sınaqdan keçirməyə və qiymətləndirməyə icazə verir.
Ağ ev rəsmiləri bu məsləyə reaksiya verərək iddia ediblər ki, bu mövzu onlar üçün təzədir və onların bu müqavilədən xəbərləri yoxdur. Çünki, bu məhsuldan hər növ istifadənin çox narahat edici olacağına inanırlar.
Xarici KİV-in verdiyi məlumata görə, sonuncu dəfə üzərindən pərdə götürülən NSO şirkətinin casusluq fəaliyyətləri İndoneziya rəsmilərinə qarşı olub. İndoneziya hökumətinin və ordusunun yükəsk rütbəli məmurları 2021-ci ildə bu İsrail şirkəti tərəfindən hazırlanmış casusluq proqramı ilə casusluğa məruz qalıblar.
