Sionist rejiminə bağlı bir qəzet Misirdə 1954-cü ildəki partlayışlarda sionist rejiminin bir başa əlinin olmasını ehtiva edən “Lavunun rüsvayçılığı” barəsində məlumatları ilk dəfə olaraq dərc edib. Bundan əvvəl bu məlumatların dərc olunması yaxud ifşası qadağan idi.
Bu qəzet, 50-ci illərdə İsrail rejiminin hərbi təhlükəsizlik bölməsinin rəhbəri “Benyamin Gili” bioqrafiyasından bəzi hissələri dərc edərək ona istinadən yazıb ki, sionist rejiminin o dövrlərdəki müdafiə naziri “Benhas Lavun”-nun bir başa göstərişi ilə Misirdə partlayış törətmək üçün misirli yəhudilərdən təşkil olunmuş bir casus şəbəkəsi yaratmaq əmrini verib.
Bu qəzetin dərc etdiyi Gilinin tərcümeyi-halında Gili deyib ki, “Lavun, Misirdə casus şəbəkəsinin ifşasından sonra mənim arxamda dayanmadı və məni qurbanlıq qoyun kimi itlərin yemi etdi.”
Sionist rejiminin təhlükəsizlik zabitinin həyatından olan bu hissələrin ifşası, onun ölümündən 14 il sonra baş verib.
Bu hesabata əsasən, işğal olunmuş torpaqlarda Gilinin işarə etdiyi bu casus şəbəkəsinin fəaliyyətini “utanc verici addımlar”, “rüsvayçılıq” və “Lavunun rüsvayçılığı” kimi müxtəlif adlarla yad edirlər.
Bu rüsvayçılıq aşkar olduqdan sonra bu addımın bir başa məsuliyyət daşıdığı şəxs barədə mübahisələr və müzakirələr ortaya çıxmışdır.
Bu iş, 1954-cü ildə misirli yəhudilərdən ibarət casusların vasitəsi ilə Misirdə mülki obyektlərdə, İngilislərə və Amerikalılara məxsus binalarda partlayış törətmək məqsədi ilə planlaşdırılmış sionist rejiminin 131-ci bölməsinin əməliyyatlarına qayıdır.
Bu partlayışın məqsədi, Misirin o dövrdəki prezidenti “Camal Əbdun-Nasir”-in hökumətini zəiflətmək və Britaniyanı qüvvələrini Suez kanalından çıxarmaq məqsədindən əl çəkməsinə vadar etmək idi.
Sionist rejiminin casus şəbəkəsi partlayışları Qahirədə və İskəndəriyyədə yerinə yetirdilər. Amma, İskəndəriyyə kinoteatrlarından birində planlaşdırılmış sonuncu əməliyyatda bomba partlamadı əksinə, alovlandı və nəticədə bomba daşıyan casus həbs olundu. Adı çəkilən qrupun üzvlərindən ikisi mühakimə edilib edam olundu. Qrupun üzvlərindən biri həbsxanada intihar etdi və digərləri həbsə məhkum olundular.
Bu terorist qruplaşmasının üzvlərinin həbs olunması sonist rejiminin siyasi və təhlükəsizlik rəhbərləri arasında mübahisə yaratdı. Nəticədə, bu, həqiqəti tapmaq üçün gizli bir komitənin təşkil olunmasına səbəb oldu.
Gili bu komitəyə İsrail ordusunun baş qərargahının rəisi “Muşe Dayan”-nın terrora məsul olan qrupa xitabən yazdığı bir məktub verdi. Bu məktubda açıq şəkildə deyilirdi ki, Lavun bir başa özü qrupun fəaliyyəti barədə göstəriş verib.
Həqiqəti araşdıran komitənin tədqiqatlarının nəticəsinə əsasən, bu komitə bu əməliyyata məsul olan son şəxsin kimliyini təyin etməyə qadir deyil. Amma, bu hadisələrin ardınca Lavun öz vəzifəsindən istefa verdi.
1960-ci ildə bu barədə növbəti tədqiqat başladı ki, Gili tərəfindən təqdim olunan məktubun saxta olduğunu göstərən və yalnız, Lavunun bu əməliyyata məsul şəxs olduğu qələmə verilməsi üçün olan dəlillər barədə araşdırma aparsın. Bu prosesin nəticəsi, təqdiqat komitəsinin Lavuna bəraət verməsi oldu. Amma, sionist rejiminin o dövrdəki baş naziri “David bin Qurion” tədqiqatların nəticələrini təsdiqləmədi. Çünki, Lavun onun siyasi müxalifi sayılırdı. Bu iş də “Qurionun rüsvayçılığı” adı ilə məşhur oldu və sonralar onun vəzifədən getməsinə səbəb oldu.
Gili öz hərcümeyi-halında yazıb: Əgər bir neçə nəfər düşmən, qərəzli şəxs və onların rəftarları olmasaydı, məsələlərin bir çoxu çox fərqli şəkildə olardı.
