Səudiyya Ərəbistanının keçmiş zabitlərindən biri bu ölkə həbsxanalarında xüsusi təyinatlı mütəxəssis işgəncə şöbəsinin cinayətlərindən söz açıb.
Fars İnformasiya Agentliyinin verdiyi məlumata görə sosial şəbəkələrdən birində “Keçmiş təhlükəsizlik zabiti” adlı hesab sahibi Səudiyyə Ərəbistanı həbsxanaları və təhlükəsizlik orqanlarında baş verən cinayətləri ifşa etməsi ilə bu ölkə hakimiyyəti müxaliflərinin diqqət cəlb edib. Belə ki, bu hesab sahibi Ərəbistan zindanlarında və təhlükəsizlik orqanlarında verilən dözülməz işgəncələrin detallarını açıq-aşkar bəyan edib.
Səudiyyənin “Liks” xəbər portalı bu barədə təhlükəsizlik qaynaqlarına istinadən yazıb: Siyasi müxalifətin həbsdə olan üzvləri üçün yaradılmış işgəncə qrupu Səudiyyə Ərəbistanı kralının nəzarəti altında olan orqanın əmrinə əsasən formalaşıb. Hansısa bir nəfər haqda işgəncə əmri verildikdə bu qrupun üzvləri hətta onlara heç kəs mane olmasın deyə, həbsxana rəsmiləri belə olmayan yerdə məhbuslara işgəncə verirlər.
Bu keçmiş təhlükəsizlik zabiti həmçinin qeyd edib: Qara geyinmiş işgəncə verənlərin üzərində onların tanınmaması üçün heç bir yazı yaxud nişan yoxdur və onlar məhz məhbuslara işgəncə vermək üçün gəlirlər.
O, hətta and içərək deyib:And olsun Allaha ki, kral məmurlarının işgəncə qrupu qadın yaxud kişi olmasına baxmayaraq, siyasi məhbusları söyərək işgəncə verməkdən zövq alırlar. Mən şişirtmirəm, toplu işgəncələr mərasimi deyirəm sizə, bu bir həqiqətdir.
Bu zabitin sözlərinə görə bu toplu işgəncə mərasimləri hərdənbir keçirilir. Məhbusları böyük bir salona yığırlar və zorla paltarlarını soyundurub lüt etdikdən sonra dəyənək və dəmir zəncirlə vururlar. Salonda əyləşən rəsmi nümayəndələr də bu səhnəyə maraqla tamaşa edir, bir növ zövq alırlar.
Bu zabit daha sonra yazır: İşgəncələr o qədər şiddətlidir ki, məhbuslar bihuş olur, yerə yıxılır, hər tərəf qana bulaşır və cəlladlar isə gülüşürlər.
Bu keçmiş təhlükəsizlik zabitinin yazdığı twitlərdən onun Məhəmməd Bin Naifin tərəfdarı olduğu hiss edilir. Məhəmməd in naif Məhəmməd Bin Salmandan əvvəlki vəliəhd idi vəhal-hazırda o, həbsxanadadır. Bir müddət Ərəbistanın daxili işlər nazirliyini idarə edirmiş. Elə bu səbəbdən də ölkənin tanınmış orqanlarında çoxlu tərəfdarı olduğu üçün Məhəmməd Bin Salman dəfələrlə bu sadiq tərəfdarları təmizləmək üçün cəhdlər də göstərib.
Ərəbistanda siyasi məhbusları dəstəkləyən digər bir sosial şəbəkə istifadəçisi son zamanlar belə bir postda yazıb: Səudiyyə vəliəhdi Məhəmməd Bin Salman dini və siyasi aktivistlər əleyhinə sərt qanunlar çıxarılması haqda əmr verib.
Riyaz Ağır Cinayətlər Məhkəməsi də bu zəmində bir neçə siyasi məhbusa ən ağır cəza qərarı verib. Şeyx İbrahim əd-Dəlvişin 15 il, Məhəmməd Kədvan Əl-Əlməinin 20 il, media fəalı Qasim əl-Qəradinin 8 il, Əbdül Rəhman əl-Məhmudun 25 il və Mənsur əl-Rəqibənin 20 il müddətində həbsinə qərar çıxarıb.
Səudiyyə Ərəbistanı həbsxanalarında uzunmüddətli həbs cəzaları və işgəncə faktları yalnız bu ölkənin siyasi məhbuslarına aid deyil. Həmas rəhbəri Xalid Məşəl də Fələstindən kənarda verdiyi müsahibədə Həmas üzvlərinin də Ərəbistan həbsxanalarında işgəncə olunduqlarından xəbər vermişdi. “Əl-Cəzirə” telekanalına verdiyi müsahibədə demişdi ki, Həmasın Müqaiməti dəstəklədiyi üçün cəzalandırılması düzgün iş deyil. Həmasın 60-dan çox üzvü Səudiyyə Ərəbistanı zindanlarında işgəncələrə məruz qalır.
